მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
შაბათი, მთვარის ოცდამეშვიდე დღე დაიწყება 03:34-ზე, მთვარე კუროში გადაბრძანდება 21:35-ზე – კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თაშმიჯაბი - როგორ უნდა მოამზადოთ სვანური სამზარეულოს სიამაყე
09:45 / 12-02-2018
ქართული სამზარეულოს უნიკალურ გემოზე ქართველებიც და უცხოელებიც ერთხმად თანხმდებიან. თუმცა, არის კერძები, რომლებსაც ქართველებიც ნაკლებად ვიცნობთ და მხოლოდ ამა თუ იმ კუთხეში მოხვედრის შემდეგ დავაგემოვნებთ ხოლმე. ერთ-ერთი ასეთია თაშმიჯაბი - თამამად შეიძლება ითქვას სვანური სამზარეულოს სიამაყე, რომელსაც სვანეთში ყველგან აკეთებენ და სტუმრებსაც სიამოვნებით უმასპინძლდებიან.
თაშ'მ'ჯაბ (ქართულად ნიშნავს მოხარშულ ყველს), ზემო სვანეთში შუშას და მერწვსაც ეძახიან - კარტოფილის მდუღარე პიურეში ჩაზელილი ახალი ყველია, ამიტომაც მას ხშირად სვანურ ელარჯსაც უწოდებენ. მისი მომზადება ძალიან მარტივია, ცოტა ინგრედიენტსა და მცირე დროს მოითხოვს. ძნელია, მის დაგემოვნებაზე ვინმემ უარი თქვას. რა თქმა უნდა, უმჯობესია თაშმიჯაბი სვანეთის მთებში ყოფნისას გასინჯოთ, თუმცა მისი მომზადება და დაგემოვნება, არც სახლში იქნება ურიგო.
თაშმიჯაბის მოსამზადებლად დაგჭირდებათ კარტოფილი, - სასურველია სვანეთში მოყვანილი, რადგან ამ კერძს განსაკუთრებულ გემოს ზუსტად ადგილობრივი კარტოფილი სძენს, ასევე ჭყინტი ყველი (ახალი, რბილი სულგუნიც შეიძლება), წყალი და მარილი.
მომზადება: კარტოფილი მოხარშეთ კანიანად, მარილიან წყალში. მოხარშვისთანავე გააცალეთ კანი და დაჭერით ან გახეხეთ, გაზქურაზე შემოდგით ქვაბი და დაჭრილი კარტოფილი მოამზადეთ, როგორც პიურე. კარგად მოზელილ კარტოფილს ჩააჭერით ჭყინტი ყველი და შეაზილეთ მანამ, სანამ ყველი არ დადნება და წელვადი არ გახდება. ძალიან სქელი რომ არ გამოვიდეს დაუმატეთ თბილი რძე ან კარტოფილის ნახარში წყალი და მარილი გემოვნებით. მიიღებთ შესანიშნავ კერძს!
თუ ამ კერძს სახლში ამზადებთ, უკეთესია, თუ მას ქვაბიდან სასწრაფოდ თეფშზე გადაიტანთ და ასევე სწრაფად მიირთმევთ, რომ არ გაცივდეს. ამასთან, შეგიძლიათ ბურთულები გააკეთოთ, გააცივოთ - ამ შემთხვევაში ყველი წელვადი აღარ იქნება, თუმცა ორიგინალური კერძი-სტარტერი გამოგივათ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
