2
აპრილიდღის ზოგადი ასტროლოგიური პროგნოზი
"მხედრიონის" ყოფილი ლიდერის, დოდო გუგეშაშვილის მეგობარი სამსონ ბრეგვაძე უარყოფს გავრცელებულ ინფორმაციას, თითქოს გუგეშაშვილი დღეს პოლიციამ დაკითხა.
როგორც ბრეგვაძემ ჟურნალისტებს განუცხადა, დოდო გუგეშაშვილი საძილე საშუალებების ზემოქმედების ქვეშ იმყოფება და ის არ გამოფხიზლებულა, შესაბამისად, მისი დაკითხვა არ მომხდარა.
"დოდო გადარჩენილია. იმედია, მისი ჯანმრთელობის მდგომარეობა მალე გაუმჯობესდება. მას საძილე საშუალებები უკეთდება, რათა ფილტვი მალე შეხორცდეს", - აღნიშნა სამსონ ბრეგვაძემ.
მისი თქმით, ნოდარ გუგეშაშვილს ის ბავშვობიდან იცნობა. "ნოდარს ბავშვობიდან ვიცნობდი, დაახლოებით 1992 წლიდან, როცა 6-7 წლის იყო. უწესიერესი, ხათრიანი, ზრდილობიანი ბავშვი იყო. ძალიან იშვიათობაა ასეთი კარგი ბავშვი და ალბათ ყველა მშობლისთვის საოცნებო შვილია", - განაცხადა დოდო გუგეშაშვილის მეგობარმა.
სამსონ ბრეგვაძისთვის უცნობია, თუ რას შეიძლება უკავშირდებოდეს მომხდარი და არც ვერსიები გააჩნია.
