გა­ნათ­ლე­ბის და მეც­ნი­ე­რე­ბის სა­მი­ნის­ტრო სკო­ლებ­ში პრო­ფე­სი­უ­ლი უნა­რე­ბის გან­მა­ვი­თა­რე­ბე­ლი აქ­ტი­ვო­ბე­ბის ფარ­გლებ­ში ახალ პრო­ექტს იწყებს. პრო­ექ­ტის თა­ნახ­მად, ახალ­გაზ­რდებს სა­შუ­ა­ლო სკო­ლებ­ში სრულ­ფა­სო­ვა­ნი პრო­ფე­სი­უ­ლი გა­ნათ­ლე­ბის მი­ღე­ბის შე­საძ­ლებ­ლო­ბა ექ­ნე­ბათ.

რო­გორც "ინ­ტერპრეს­ნი­უსს" გა­ნათ­ლე­ბის და მეც­ნი­ე­რე­ბის სა­მი­ნის­ტროს პრო­ფე­სი­უ­ლი გა­ნათ­ლე­ბის გან­ვი­თა­რე­ბის დე­პარ­ტა­მენ­ტის პარტნი­ო­რო­ბის გან­ვი­თა­რე­ბის სამ­მარ­თვე­ლოს უფ­როს­მა მა­რი­კა ზა­ქა­რე­იშ­ვილ­მა გა­ნუ­ცხა­და, სა­პი­ლო­ტე პრო­ექ­ტში, რო­მელ­შიც გა­სულ წელს 3000 მოს­წავ­ლე ჩა­ერ­თო, წელს გე­ოგ­რა­ფი­ულ არე­ალს ზრდის და მას­ში ჩარ­თვის უფ­ლე­ბა ნე­ბის­მი­ერ სკო­ლას ექ­ნე­ბა.

"UNDP-თან და გა­ნათ­ლე­ბის ხა­რის­ხის ეროვ­ნულ ცენ­ტრთან ერ­თად და­ვი­წყეთ ადაპ­ტი­რე­ბუ­ლი პროგ­რა­მე­ბი სკო­ლის მოს­წავ­ლე­ე­ბის­თვის. თა­ვი­დან, პრო­ფე­სი­ულ სას­წავ­ლებ­ლებ­თან ახ­ლოს მდე­ბა­რე სკო­ლე­ბი­დან მოს­წავ­ლე­ებს სა­შუ­ა­ლე­ბა ჰქონ­დათ სურ­ვი­ლის შემ­თხვე­ვა­ში პროგ­რა­მა­ში ჩარ­თუ­ლიყ­ვნენ და ორ­თვე­ნა­ხევ­რის გან­მავ­ლო­ბა­ში სხვა­დას­ხვა უნა­რე­ბი გა­მო­ე­მუ­შა­ვე­ბი­ნათ. კვი­რა­ში ორ­ჯერ, ორ­სა­ათ­ნა­ხევ­რი­ა­ნი პროგ­რა­მა იყო. ბავ­შვე­ბი მი­დი­ოდ­ნენ პრო­ფე­სი­ულ სას­წავ­ლე­ბელ­ში. პი­ლო­ტი­რე­ბამ გა­ა­მარ­თლა, მაგ­რამ ყვე­ლა მოს­წავ­ლის­თვის ეს არ იყო ხელ­მი­საწ­ვდო­მი, რად­გან სკო­ლებ­თან ახ­ლოს ყველ­გან არ არის პრო­ფე­სი­უ­ლი სას­წავ­ლე­ბე­ლი. მი­ვი­ღეთ გა­და­წყვე­ტი­ლე­ბა და მალე გა­მო­ცხად­დე­ბა საგ­რან­ტო კონ­კურ­სი სკო­ლე­ბის­თვის. ისი­ნი თა­ვად აირ­ჩე­ვენ, რო­მე­ლი პრო­ფე­სი­უ­ლი მი­მარ­თუ­ლე­ბაც უნ­დათ პროგ­რა­მის წარ­მარ­თვა, შე­საძ­ლებ­ლო­ბა ექ­ნე­ბათ, მო­ი­თხო­ვონ აღ­ჭურ­ვი­ლო­ბა, მას­წავ­ლებ­ლის ხელ­ფა­სი, ტრან­სპორ­ტი­რე­ბის ფული, ა.შ. იქ­ნე­ბა სა­შუ­ა­ლე­ბა, პრო­ფე­სი­უ­ლი კო­ლე­ჯე­ბის პე­და­გო­გე­ბი მი­ვიდ­ნენ სკო­ლა­ში და სკო­ლის პე­და­გო­გებ­თან ერ­თად ას­წავ­ლონ ბავ­შვებს. სე­სია გაკ­ვე­თი­ლე­ბის შემ­დეგ მაქ­სი­მუმ სა­ათ­ნა­ხევ­რის გან­მავ­ლო­ბა­ში გაგ­რძელ­დე­ბა. წელს ნე­ბის­მი­ერ სკო­ლას შე­ეძ­ლე­ბა ამ კონ­კურ­სში მო­ნა­წი­ლე­ო­ბა, ოღონდ გა­ნა­ცხა­დი უნდა იყოს და­სა­ბუ­თე­ბუ­ლი, რომ ნამ­დვი­ლად ჩა­ტარ­დე­ბა პრაქ­ტი­კუ­ლი გაკ­ვე­თი­ლე­ბი და სკო­ლას აქვს შე­სა­ბა­მი­სი სივ­რცე ამ მე­ცა­დი­ნე­ო­ბის­თვის. აღ­ჭურ­ვი­ლო­ბა, რო­მელ­საც ჩვენ ვყი­დუ­ლობთ სკო­ლას რჩე­ბა. მა­გა­ლი­თად, შარ­შან კას­პის ერთ-ერთ სკო­ლა­ში პრო­ფე­სი­ულ­მა კო­ლე­ჯ­მა "იკა­როს­მა" გა­ნა­ხორ­ცი­ე­ლა ეს პრო­ექ­ტი და თუ ამ სკო­ლას ისევ ექ­ნე­ბა სურ­ვი­ლი, რომ საგ­რან­ტო კონ­კურ­სში მი­ი­ღოს მო­ნა­წი­ლე­ო­ბა, მას პრო­ფე­სი­უ­ლი კო­ლე­ჯის მას­წავ­ლებ­ლის დახ­მა­რე­ბა აღარ დას­ჭირ­დე­ბა, მას­წავ­ლე­ბელს თვი­თონ ეს სკო­ლა გა­მო­ყოფს. შარ­შან 200 სკო­ლა ჩა­ერ­თო ამ პროგ­რა­მა­ში და 3000-ზე მეტი მოს­წავ­ლე იყო ჩარ­თუ­ლი", - გა­ნა­ცხა­და ზა­ქა­რე­იშ­ვილ­მა.

მი­სი­ვე თქმით, ამ კურ­სის გავ­ლა მოს­წავ­ლეს შრო­მით უნა­რებს უვი­თა­რებს. "უმაღ­ლებს და­მო­კი­დე­ბუ­ლე­ბას ხე­ლით გა­სა­კე­თე­ბე­ლი საქ­მე­ე­ბის მი­მართ, რაც სა­ქარ­თვე­ლო­ში სამ­წუ­ხა­როდ გარ­და­სა­ტე­ხია. უვი­თა­რებს აკა­დე­მი­ურ უნა­რებს პრაქ­ტი­კას­თან ერ­თად. კუ­ლი­ნა­რი­ას რო­დე­საც სწავ­ლობ­დნენ, იქ ქი­მი­ის ცოდ­ნაც აუ­ცი­ლე­ბე­ლი იყო. მა­თე­მა­ტი­კაც უნდა სცოდ­ნო­დათ აწონ­ვის და გა­ზომ­ვის დროს და რაც მთა­ვა­რია ამას აქვს პრო­ფო­რი­ენ­ტა­ცი­უ­ლი ხა­სი­ა­თი. ამას­თა­ნა­ვე, მას­წავ­ლებ­ლე­ბი ეუბ­ნე­ბი­ან ბავ­შვებს, რომ შე­საძ­ლოა, ახლა მათ ღებ­ვის კურ­სი აირ­ჩი­ონ, მაგ­რამ მო­მა­ვალ­ში ეს პრო­ფე­სია ინ­ჟი­ნე­რი­ამ­დე მი­ვი­დეს. ეს კურ­სი გათ­ვა­ლის­წი­ნე­ბუ­ლი იყო მე-8-მე-9 კლა­სე­ლე­ბის­თვის, თუმ­ცა, უფ­როსკლა­სე­ბიც ითხოვ­დნენ. ფაქ­ტობ­რი­ვად, ეს არის შრო­მის გაკ­ვე­თი­ლე­ბის მო­დი­ფი­ცი­რე­ბუ­ლი ვა­რი­ან­ტი. თა­ვი­დან მას შრო­მი­თი გაკ­ვე­თი­ლე­ბი ერ­ქვა, მაგ­რამ მოგ­ვი­ა­ნე­ბით სა­ხე­ლი გა­და­არ­ქვეს და "შრო­მი­თი უნა­რე­ბის გან­ვი­თა­რე­ბის პროგ­რა­მა" და­არ­ქვეს. შარ­შან ამ პროგ­რა­მის­თვის 2 მი­ლი­ო­ნი ლარი იყო გა­მო­ყო­ფი­ლი, 300 ათა­სი ლარი დარ­ჩა აუთ­ვი­სე­ბე­ლი. წელ­საც ამ­დე­ნი­ვე თან­ხა- 2 მი­ლი­ო­ნი ლარი გა­მო­ი­ყო. გარ­და ამი­სა, უნდა აღ­ვნიშ­ნოთ, რომ ეს მას­წავ­ლებ­ლე­ბის­თვის და­მა­ტე­ბი­თი ანა­ზღა­უ­რე­ბაა. მა­გა­ლი­თად, ფი­ზი­კის მას­წავ­ლებ­ლებს თა­ვი­სუფ­ლად შე­უძ­ლი­ათ ამე­ცა­დი­ნონ ბავ­შვე­ბი ელექტრო­ო­ბა­ში, თუ შე­სა­ბა­მის მე­თო­დი­კა­ში პრო­ფე­სი­უ­ლი კო­ლე­ჯე­ბის პე­და­გო­გებ­თან გა­ერ­კვე­ვი­ან. გარ­და ამი­სა, ძა­ლი­ან მნიშ­ვნე­ლო­ვა­ნია, რომ ამ პრო­ცესს მკაც­რი მო­ნი­ტო­რინ­გი ჰქონ­და. UNDP დაგ­ვეხ­მა­რა და მო­ნი­ტო­რინ­გის ექ­სპერ­ტე­ბი გვყავ­და აყ­ვა­ნი­ლი. მალე გა­მო­ი­ცე­მა ან­გა­რი­ში, რო­გორ შე­იძ­ლე­ბა ეს პროგ­რა­მა გან­ვი­თარ­დეს, რა ხარ­ვე­ზე­ბი იყო, რო­გო­რი იყო კმა­ყო­ფი­ლე­ბის ხა­რის­ხი ბავ­შვებ­ში. მთა­ვა­რი რე­კო­მენ­და­ცი­აა, რომ პროგ­რა­მა მთლი­ა­ნად პრაქ­ტი­კუ­ლი იყოს და თე­ო­რი­უ­ლი ნა­წი­ლი სა­ერ­თოდ არ ჰქონ­დეს. გარ­და ამი­სა, ახა­ლი იდე­ე­ბი წა­მო­ვი­და, რაც უკავ­შირ­დე­ბა რე­გი­ო­ნებ­ში HUB სკო­ლე­ბის გა­კე­თე­ბას, რომ­ლე­ბიც ძა­ლი­ან რომ გაძ­ლი­ერ­დე­ბი­ან, იმ სკო­ლებ­ში სხვა სკო­ლე­ბი­და­ნაც მოვ­ლენ. ყვე­ლა სკო­ლა­ში რა­ღა­ცე­ბის აშე­ნე­ბა და გან­ვი­თა­რე­ბა ძა­ლი­ან დიდ თან­ხებ­თან არის და­კავ­ში­რე­ბუ­ლი. ამი­ტომ რამ­დე­ნი­მე სკო­ლის გაძ­ლი­ე­რე­ბა სხვა სკო­ლებ­საც მო­ი­ზი­დავს და მო­ემ­სა­ხუ­რე­ბა", - გა­ნა­ცხა­და ზა­ქა­რე­იშ­ვილ­მა.

ცნო­ბის­თვის, გა­ნათ­ლე­ბის და მეც­ნი­ე­რე­ბის მი­ნის­ტრმა მი­ხე­ილ ჩხენ­კელ­მა მი­ნის­ტრთა კა­ბი­ნე­ტის დამ­ტკი­ცე­ბი­სას, პარ­ლა­მენ­ტში სი­ტყვთ გა­მოს­ვლი­სას გა­ნა­ცხა­და, რომ ახლო მო­მა­ვალ­ში გან­ვი­თარ­დე­ბა პრო­ფე­სი­უ­ლი სა­გან­მა­ნათ­ლებ­ლო და­წე­სე­ბუ­ლე­ბე­ბის ინფრას­ტრუქ­ტუ­რა, მა­ტე­რი­ა­ლურ-ტექ­ნი­კუ­რი ბაზა და გა­იზ­რდე­ბა გე­ოგ­რა­ფი­უ­ლი და­ფარ­ვა.

"ახა­ლი სა­კა­ნონ­მდებ­ლო ინი­ცი­ა­ტი­ვის სა­ფუძ­ველ­ზე და­ი­წყე­ბა პრო­ფე­სი­უ­ლი და ზო­გა­დი გა­ნათ­ლე­ბის სფე­რო­თა ინ­ტეგ­რი­რე­ბის პრო­ცე­სი. სა­ბა­ზო სწავ­ლე­ბის დო­ნე­ზე პრო­ფე­სი­უ­ლი უნა­რე­ბის გან­მა­ვი­თა­რე­ბე­ლი აქ­ტი­ვო­ბე­ბი, ხოლო სა­შუ­ა­ლო სკო­ლებ­ში სრულ­ფა­სო­ვა­ნი პრო­ფე­სი­უ­ლი გა­ნათ­ლე­ბა მო­ზარ­დებს და­საქ­მე­ბის სფე­როს­თან და­ახ­ლო­ე­ბა­ში და­ეხ­მა­რე­ბა. გან­ვი­თარ­დე­ბა პრო­ფე­სი­ულ და უმაღ­ლეს გა­ნათ­ლე­ბას შო­რის კავ­ში­რე­ბი, და­ი­ნერ­გე­ბა წინმსწრე­ბი და არა­ფორ­მა­ლუ­რი გა­ნათ­ლე­ბის აღი­ა­რე­ბის მე­ქა­ნიზ­მე­ბი", - გა­ნა­ცხა­და ჩხენ­კელ­მა.

ამას­თან, სა­ქარ­თვე­ლოს და ევ­რო­პულ პრო­ფე­სი­ულ კო­ლე­ჯებს შო­რის გაც­ვლი­თი პროგ­რა­მე­ბი იგეგ­მე­ბა, რომ­ლის თა­ნახ­მა­დაც, ქარ­თველ სტუ­დენ­ტებს პრაქ­ტი­კის გავ­ლა უცხო­ეთ­ში შე­ეძ­ლე­ბათ. ზა­ქა­რე­იშ­ვი­ლის ინ­ფორ­მა­ცი­ით, ქარ­თუ­ლი პრო­ფე­სი­უ­ლი კო­ლე­ჯე­ბის კურსდამ­თავ­რე­ბუ­ლე­ბის ნა­წი­ლი სა­მუ­შა­ოდ უცხო­ეთ­ში უკვე წა­ვი­და.

"მა­გა­ლი­თად, ევ­რო­პა­ში, პო­ლო­ნეთ­ში გა­სუ­ლე­ბი არი­ან ჩვე­ნი შემ­დუ­ღებ­ლე­ბი, რომ­ლე­ბიც ლე­გა­ლუ­რად მუ­შა­ო­ბენ. პო­ლო­ნურ­მა კომ­პა­ნი­ამ მოგ­ვმარ­თა. ჯან­დაც­ვის სა­მი­ნის­ტრო და მიგ­რა­ცი­ის სა­ერ­თა­შო­რი­სო ორ­გა­ნი­ზა­ცია იყო ჩარ­თუ­ლი. IOM-მმა და ჯან­დაც­ვის სა­მი­ნის­ტრომ მოგ­ვმარ­თა ჩვენ და პრო­ფე­სი­უ­ლი კო­ლე­ჯე­ბის ასო­ცი­ა­ცი­ას და კო­ლე­ჯი­დან "სპექტრი" შე­ირ­ჩა რამ­დე­ნი­მე კან­დი­და­ტი. ჩა­უ­ტარ­დათ გა­მოც­და და და­აკ­მა­ყო­ფი­ლეს პი­რო­ბე­ბი. არც ერთი არ ჩაჭ­რი­ლა, 10 ადა­მი­ა­ნი წა­იყ­ვა­ნეს და 6 თვით პო­ლო­ნეთ­ში იმუ­შა­ვე­ბენ.

თუმ­ცა, ცალ­სა­ხად ვერ ვი­ტყვით, რომ კო­ლეჯს ვინც და­ამ­თავ­რებს ყვე­ლა ევ­რო­პა­ში გავა.

გა­ნათ­ლე­ბის მი­ნის­ტრი მი­ხე­ილ ჩხენ­კე­ლი ცოტა ხნის წინ იმ­ყო­ფე­ბო­და ლონ­დონ­ში, სა­დაც მო­ლა­პა­რა­კე­ბე­ბი მიმ­დი­ნა­რე­ობ­და პრო­ფე­სი­ულ სას­წავ­ლებ­ლებ­თან და გაც­ვლი­თი პროგ­რა­მე­ბი იგეგ­მე­ბა. შე­საძ­ლოა, სა­ქარ­თვე­ლო­დან 2-3 თვით პრაქ­ტი­კის­თვის წა­ვიდ­ნენ სტუ­დენ­ტე­ბი. გაც­ვლა არ ნიშ­ნავს, რომ კო­ლე­ჯის დამ­თავ­რე­ბის შემ­დეგ წავ­ლენ ისი­ნი პრაქ­ტი­კა­ზე, არა­მედ, შე­საძ­ლოა, პრო­ცეს­ში­ვე მოხ­დეს პრაქ­ტი­კა­ზე გაშ­ვე­ბა. ეს უკვე დამ­კვიდ­რე­ბუ­ლი პრაქ­ტი­კაა უმაღ­ლეს სას­წავ­ლებ­ლებ­ში, მაგ­რამ პრო­ფე­სი­ულ გა­ნათ­ლე­ბა­ში არ არ­სე­ბობს. გარ­და ამი­სა, ეს­ტო­ნეთ­თან გან­ხორ­ცი­ელ­და პროგ­რა­მა ლო­ჯის­ტი­კის მი­მარ­თუ­ლე­ბით, სა­დაც ჩვენ­მა სტუ­დენ­ტებ­მა, რომ­ლე­ბიც "ახალ ტალ­ღა­ში" სწავ­ლობ­დნენ, გა­ი­ა­რეს გარ­კვე­უ­ლი მო­დუ­ლი ეს­ტო­ნეთ­ში და მი­ი­ღეს ეს­ტო­ნურ-ქარ­თუ­ლი სერ­თი­ფი­კა­ტი. სა­ერ­თა­შო­რი­სო დო­ნე­ზე მო­თხოვ­ნა­დი პრო­ფე­სი­აა და ამი­ტომ მა­თაც შე­უძ­ლი­ათ წა­ვიდ­ნენ უცხო­ეთ­ში სა­მუ­შა­ოდ", - გა­ნა­ცხა­და ზა­ქა­რე­იშ­ვილ­მა.

მი­სი­ვე თქმით, ჯერ­ჯე­რო­ბით მიღ­წე­უ­ლი არ არის შე­თან­ხმე­ბა, რო­მე­ლიც პრო­ფე­სი­უ­ლი სას­წავ­ლებ­ლის სტუ­დენტს უცხო ენის უფა­სოდ შეს­წავ­ლა­ში და­ეხ­მა­რე­ბა.

"კონ­კრე­ტულ შე­დეგს ვერ გე­ტყვით, მაგ­რამ იყო მო­ლა­პა­რა­კე­ბე­ბი სხვა­დას­ხვა პრო­ვა­ი­დე­რებ­თან. გვინ­დო­და შეგ­ვეს­ყი­და მომ­სა­ხუ­რე­ბა, რო­მე­ლი­მე კარ­გი ენის შემ­სწავ­ლე­ლი კურ­სი, მაგ­რამ ჯერ­ჯე­რო­ბით შე­თან­ხმე­ბა ვერ მი­ვაღ­წი­ეთ, რე­სურ­სე­ბი არ ყოფ­ნის და ვე­ძებთ ეკო­ნო­მი­კურ გა­მო­სა­ვალს. ვა­დას­ტუ­რებთ, რომ შე­ვა­ფა­სეთ პე­და­გო­გე­ბის უნა­რე­ბიც, რაც სა­ჭი­რო­ებს უფრო ძლი­ე­რი კორ­პუ­სის შექ­მნას. სტუ­დენ­ტე­ბი რომ სა­ერ­თა­შო­რი­სო ბა­ზარ­ზე გა­ვიდ­ნენ, ძა­ლი­ან დიდ ბა­რი­ერს წარ­მო­ად­გენს უცხო ენის ცოდ­ნა. ჯერ კონ­კრე­ტუ­ლი პროგ­რა­მა არ გვაქვს", - გა­ნა­ცხა­და ზა­ქა­რე­იშ­ვილ­მა "ინ­ტერპრეს­ნი­უს­თან" სა­უბ­რი­სას.

გარ­და ამი­სა, ზო­გა­დი გა­ნათ­ლე­ბის არმ­ქო­ნე პი­რებს პრო­ფე­სი­ულ გა­ნათ­ლე­ბას­თან ერ­თად ატეს­ტა­ტის მი­ღე­ბის შე­საძ­ლებ­ლო­ბაც ექ­ნე­ბათ.

"დაკ­ვირ­ვე­ბამ გვაჩ­ვე­ნა, რომ არი­ან ბავ­შვე­ბი, რომ­ლებ­მაც და­ამ­თავ­რეს 9 კლა­სი და მო­ვიდ­ნენ პრო­ფე­სი­ულ გა­ნათ­ლე­ბა­ში იმის­თვის, რომ ზედა სა­ფე­ხურ­ზე გა­და­სუ­ლიყ­ვნენ, სა­ჭი­რო იყო ზო­გა­დი გა­ნათ­ლე­ბის ატეს­ტა­ტი. ან თუ მათ სურ­დათ ეროვ­ნუ­ლი გა­მოც­დე­ბის ჩა­ბა­რე­ბა, ამის­თვი­საც ზო­გა­დი გა­ნათ­ლე­ბის ატეს­ტა­ტი იყო სა­ჭი­რო. უკან უნდა დაბ­რუ­ნე­ბუ­ლიყ­ვნენ სკო­ლა­ში, აე­ღოთ ატეს­ტა­ტი და შემ­დეგ ჩა­ე­ბა­რე­ბი­ნათ ეროვ­ნუ­ლი გა­მოც­დე­ბი. ეს იყო ჩიხი და არას­წო­რი. ახლა კა­ნო­ნით იქ­ნე­ბა შე­საძ­ლებ­ლო­ბა, რომ ადა­მი­ა­ნებს, რომ­ლებ­საც უნ­დათ, რომ ზო­გა­დი გა­ნათ­ლე­ბის ატეს­ტა­ტი აი­ღონ, ამის სა­შუ­ა­ლე­ბა პრო­ფე­სი­უ­ლი გა­ნათ­ლე­ბის მი­ღე­ბას­თან ერ­თად შე­ეძ­ლე­ბათ. პრო­ფე­სი­უ­ლი გა­ნათ­ლე­ბის­თვის საკ­მა­რი­სია 9 კლა­სის ატეს­ტა­ტი, მაგ­რამ მე-4 სა­ფე­ხურ­ზე გა­და­სას­ვლე­ლად სა­ჭი­რო იქ­ნე­ბა ეროვ­ნუ­ლი სას­წავ­ლო გეგ­მით გათ­ვა­ლის­წი­ნე­ბუ­ლი სწავ­ლის შე­დე­გე­ბი მე-10, მე-12 კლა­სებ­ში ქარ­თულ ენა­ში, მა­თე­მა­ტი­კა­ში, სა­ბუ­ნე­ბის­მე­ტყვე­ლო მეც­ნი­ე­რე­ბებ­ში. ეს იქ­ნე­ბა ცალ­კე პროგ­რა­მა, სა­დაც სწავ­ლის შე­დე­გე­ბი შე­რე­უ­ლია პრო­ფე­სი­ულ კონ­ტექ­სტთან. თუ პირი სწავ­ლობს დურ­გლო­ბის მი­მარ­თუ­ლე­ბით, ის "შუ­შა­ნი­კის წა­მე­ბას" კი არ ის­წავ­ლის, გა­ნი­ვი­თა­რებს სხვა პროგ­რა­მით იმ უნა­რებს, რაც ქარ­თუ­ლის სწავ­ლე­ბით არის შე­საძ­ლე­ბე­ლი. კონ­ტექ­სტი შე­იძ­ლე­ბა იყოს ტექ­სტე­ბის და­მუ­შა­ვე­ბა, პრო­ფე­სი­ულ გა­ნათ­ლე­ბას­თან და­კავ­ში­რე­ბუ­ლი. ის მა­ინ­ცდა­მა­ინც მა­სა­ლას არ ეყ­რდნო­ბა, რაც კლა­სი­კუ­რად სკო­ლა­შია, მაგ­რამ იგი­ვე სას­წავ­ლო შე­დეგ­ზე გა­დის. ასე­ვე ხდე­ბა და­ნარ­ჩენ საგ­ნებ­შიც", - გა­ნა­ცხა­და ზა­ქა­რე­იშ­ვილ­მა.

მი­სი­ვე თქმით, ატეს­ტა­ტის მი­სა­ღე­ბად სა­ჭი­რო იქ­ნე­ბა გა­მოც­დის ჩა­ბა­რე­ბა, თუმ­ცა, არა CAT-ის გა­მოც­დის.

"რად­გან ატეს­ტა­ტის აღე­ბის­თვის სკო­ლა­ში არ­სე­ბობს CAT-ის გა­მოც­და, აქაც ექ­ნე­ბათ ჩა­სა­ბა­რე­ბე­ლი გარ­კვე­უ­ლი ტი­პის გა­მოც­და იმის­თვის, რომ მი­ი­ღონ ატეს­ტა­ტი, მაგ­რამ ეს არ იქ­ნე­ბა CAT. თუ რო­გო­რი ტი­პის იქ­ნე­ბა ეს გა­მოც­და ახლა ამას ვე­რა­ვინ გე­ტყვით იმი­ტომ, რომ ეს და­მუ­შა­ვე­ბუ­ლი არ არის. მაგ­რამ ცალ­სა­ხად CAT ეს ვერ იქ­ნე­ბა, რად­გან მათი სწავ­ლის კონ­ტენ­ტი არის გან­სხვა­ვე­ბუ­ლი, ვიდ­რე სკო­ლის მოს­წავ­ლე­ე­ბის. ანუ პირი, რო­მე­ლიც პრო­ფე­სი­ულ გა­ნათ­ლე­ბის დიპ­ლომ­თან ერ­თად ზო­გა­დი გა­ნათ­ლე­ბის ატეს­ტატ­საც იღებს, ორი ტი­პის გა­მოც­დას აბა­რებს. რო­გო­რი გა­მოც­და იქ­ნე­ბა და რა ერ­ქმე­ვა გა­მოც­დას, ეს ჯერ გან­სა­ზღვრუ­ლი არ არის. ეს პროგ­რა­მა იქ­ნე­ბა ცოტა უფრო გა­ხან­გრძლი­ვე­ბუ­ლი, ვიდ­რე იმ ადა­მი­ა­ნე­ბის­თვის, ვი­საც უკვე დამ­თავ­რე­ბუ­ლი აქვს სკო­ლა და მხო­ლოდ დურ­გლის ხე­ლო­ბის შე­სას­წავლ პროგ­რა­მა­ზე შე­მო­ი­ტა­ნა გა­ნა­ცხა­დი. საგ­ნი­სა და პრო­ფე­სი­ის ინ­ტეგ­რი­რე­ბუ­ლი პროგ­რა­მა ცოტა უფრო ხან­გრძლი­ვი იქ­ნე­ბა",- გა­ნა­ცხა­და ზა­ქა­რე­იშ­ვილ­მა.

სა­მი­ნის­ტროს წარ­მო­მად­გე­ნე­ლი გა­მო­რი­ცხავს, რომ ატეს­ტა­ტის აღე­ბი­სას, შე­საძ­ლოა, ე.წ. შავი ხვრე­ლე­ბი გაჩ­ნდეს.

"ეს ვერ მოხ­დე­ბა, რად­გან ატეს­ტა­ტის ასა­ღე­ბად პირს აქაც გა­მოც­დის ჩა­ბა­რე­ბა უწევს. ეს გა­მოც­დე­ბი არ იქ­ნე­ბა უფრო ად­ვი­ლი, ესეც იქ­ნე­ბა ცენ­ტრა­ლი­ზე­ბუ­ლი, ორ­გა­ნი­ზე­ბუ­ლი, და­ცუ­ლი იქ­ნე­ბა პრინ­ცი­პი, რაც სკო­ლის შემ­თხვე­ვა­შია. გა­კონ­ტრო­ლე­ბუ­ლი, გამჭვირ­ვა­ლე პრო­ცე­სი, სა­ვა­რა­უ­დოდ, გა­მოც­დე­ბის ეროვ­ნუ­ლი ცენ­ტრის მიერ იქ­ნე­ბა ორ­გა­ნი­ზე­ბუ­ლი. პრინ­ცი­პი არ და­ირ­ღვე­ვა იმი­ტომ, რომ ხვრე­ლე­ბი არ გაჩ­ნდეს", - გა­ნუ­ცხა­და ზა­ქა­რე­იშ­ვილ­მა "ინ­ტერპრეს­ნი­უსს".