ბექა გოჩიაშვილი დაქორწინდა - ნახეთ წყვილის ერთობლივი ფოტოები

ჯაზ-პიანისტი ბექა გოჩიაშვილი დაქორწინდა. "კლავიშის ვუნდერკინდად" წოდებული, ქართველი ჯაზ-ვირტუოზი უკვე ოთხი წელია ანა ხერხეულიძეზეა შეყვარებული. წყვილი აშშ-ში ერთად ცხოვრობს, ახლა კი საქართველოში იმყოფებიან და თბილისში, იუსტიციის სახლში ოფიციალურად გააფორმეს ქორწინება.

"დღეს განსაკუთრებული დღეა! მე და ანამ ხელი მოვაწერეთ + დედაჩემის დაბადების დღეა!" - წერს ბექა გოჩიაშვილი ფეისბუქის პირად გვერდზე. მისი რჩეული იუსტიციის სახლთან გადაღებულ ფოტოს ავრცელებს, რომელზეც წყვილი მეგობრებთან ერთადაა ასახული. მათ შორისაა, კულტურის ყოფილი მინისტრი ნიკა რურუა, რომელიც სავარაუდოდ ბექას ერთ-ერთი მეჯვარეა.

ბექა გოჩიაშვილი 3 წლის ასაკიდან უკრავს. უკვე 10 წლიდან უკრავდა სხვადასხვა ჯაზ-კლუბებში. 2008 წლიდან, აშშ სახელმწიფო მდივნის კონდოლიზა რაისისა და საქართველოს იმჟამინდელი კულტურის მინისტრის ნიკა რურუას მხარდაჭერით, აშშ-ში ჯულიარდის აკადემიაში არსებულ ART-school-ში ჩაირიცხა. მონაწილეობს მრავალ პრესტიჟულ ჯაზ-ფესტივალში, როგორც საქართველოში, ისე აშშ-ში.