16
ივნისიდღის ზოგადი ასტროლოგიური პროგნოზი
მეტროსადგურ "ვარკეთილში" შეკიდული ჭერი ჩამოინგრა, რის შედეგადაც სამი ადამიანია დაშავებული. ამის შესახებ AMBEBI.GE-ს საგანგებო სიტუაციების მართვის სამსახურში განუცხადეს.
ადგილზე მაშველებთან ერთად საპატრულო პოლიცია მუშაობს. მომხდარი შემთხვევის შედეგად დაშავებულები საავადმყოფოებში გადაჰყავთ. როგორც "ინტერპრესნიუსს" ერთ-ერთმა თვითმხილველმა განუცხადა, დაინახა, როგორ ჩამოინგრა ე.წ. შეკიდული ჭერი და ის ბაქანზე მდგომ მოქალაქეებს დაეცა.
"ესკალატორის ბოლო საფეხურიდან ჩავდიოდი, როცა დავინახე, რომ ჭერი ჩამოინგა და ქვეშ მოყვნენ ადამიანები, რომლებიც მატარებელს ელოდებოდნენ. როგორც ამბობენ, დაშავებული სამ მოქალაქეზე მეტი უნდა იყოს, თუმცა სავარაუდოდ, გარდაცვლილი არავინაა. სამაშველო ბრიგადებს ისინი ამ წუთებში გამოჰყავთ და სასწრაფო დახმარების ბრიგადებს საავადმყოფოში მიჰყავთ", - განუცხადა "ინტერპრესნიუსს" თვითმხილველმა.
მეტროსადგური "ვარკეთილი" გადაკეტილია. ადგილზე მობილიზებულია სახანძრო, სასწრაფო და საპატრულო ბრიგადები.
ამასთან, ცნობილი გახდა, რომ თბილისის მერი კახა კალაძე მეტროსადგურ "ვარკეთილში", შემთხვევის ადგილზე მივა. კალაძემ ვაშლიჯვარში, ერთ-ერთ საბავშვო ბაღში დაგეგმილი სტუმრობა გააუქმა.
