2
აპრილიდღის ზოგადი ასტროლოგიური პროგნოზი
ქართული წიგნის ეროვნული ცენტრის მოწვევით, თბილისს ევროპული ქვეყნების წამყვანი გამომცემლები, საავტორო უფლებების მენეჯერები და ლიტერატურის აგენტები ესტუმრნენ.
"ლიტერატურული ფორუმ-დიალოგი 2018-ის" ფარგლებში, 25 იანვარს 15 უცხოელი გამომცემელი და ლიტერატურული აგენტი გამომცემლობა "პალიტრა L"-საც ეწვია. შეხვედრისას ისინი თანამედროვე ქართველ ავტორებსა და მათ შემოქმედებას გაეცნენ. თემის ირგვლივ აქტიური დისკუსია გაიმართა და სტუმრებს მათთვის საინტერესო კითხვების დასმის საშუალება მიეცათ. გამომცემლობა "პალიტრა L"-მა პოპულარულ ქართველ ავტორებთან ერთად კონკურსის "გახდი ბესტსელერის ავტორის" გამარჯვებულებსაც მისცა საშუალება, რომ მსოფლიოს წამყვანი გამომცემელებისა და ლიტერატურული აგენტებისთვის საკუთარი ნაწარმოებები წარედგინათ.
პროექტის "ლიტერატურული ფორუმ-დიალოგი 2018" და უცხოელი სტუმრების ქართული გამომცემლობის წარმომადგენლებთან შეხვედრის მიზანია ქართული ლიტერატურის უცხოენოვანი თარგმანების რაოდენობრივი ზრდისა და ქართველი ავტორების საზღვარგარეთ პოპულარიზაციის ხელშეწყობა, ქართულ საგამომცემლო სფეროში სხვადასხვა პროფესიის განვითარება, ქართველი გამომცემლების, ლიტერატურული აგენტების, მთარგმნელებისა და კრიტიკოსების პროფესიული უნარ-ჩვევების განვითარება და უცხოელ კოლეგებთან საქმიანი თანამშრომლობის ჩამოყალიბება.
აღსანიშნავია, რომ ქართველი ავტორების მიმართ მსოფლიო გამომცემლობების მხრიდან ინტერესი მზარდია. ამას ადასტურებს ისიც, რომ საქართველო "ფრანკფურტის წიგნის საერთაშორისო ბაზრობაზე" 2018 წელს საპატიო სტუმრის სტატუსით წარსდგება.
