მნიშვნელოვანი ინფორმაცია
20
ივლისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 00:44-ზე, მთვარე ტყუპს ესტუმრება 13:21-ზე – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. კარგი დღეა კონტაქტებისა და გაცნობისთვის. ინფორმაციის, იდეების გაცვლა. ხელსაყრელია შეხვედრები და მოლაპარაკებები. აქტიური ორგანოებია: მხრები, მკლავები, თითები, ფილტვები, ენდოკრინული სისტემა. გაწმინდეთ ფანჯრები. გაანიავეთ სახლი. მოერიდეთ მძიმე საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სოსო ცოცხალია!" - ერთი წელი ოსორაულის გაუჩინარებიდან და ახალი დეტალები აფრიკიდან
06:30 / 26-01-2018
27 იანვარს ზუსტად ერთი წელი შესრულდება, რაც ქართველი სამხედრო მფრინავი სოსო ოსორაული, კონგოს დემოკრატიული რესპუბლიკის (კდრ) ტერიტორიაზე ტყვედ ჩავარდა. კდრ-ის შეიარაღებულმა ძალებმა, ჩრდილოეთ კივუს პროვინციაში, ერთბაშად ორი საბრძოლო MI-24 დაკარგეს... მის ჩამოვარდნასთან დაკავშირებით, დღემდე სხვადასხვა ვერსია ვრცელდება - ერთ-ერთი ვერსიით, ისინი იმდენად დაბლა მიფრინავდნენ, რომ საფრენი აპარატები, ხის ტოტებს გამოედო და ჩამოვარდა... მეორე, უფრო სარწმუნო წაყროს თანახმად, - ის ამბოხებულებმა ჩამოაგდეს, რაც უფრო სანდოა, რადგან ორივე საფრენ აპარატს მაღალი კლასის პროფესიონალები მართავდნენ და იქ არსებული რელიეფი მათთვის უცნობი ვერ იქნებოდა...
ქართველი მფრინავის გარშემო, ამ ერთი წლის განმავლობაში, ოფიციალურ თუ არაოფიციალურ დონეზე, უამრავი, ურთიერთგამომრიცხავი ინფორმაცია გავრცელდა, თუმცა, ოჯახს, მისი პოვნის იმედი არ დაუკარგავს... სოსო ოსორაულის ძმამ, პროფესიით ასევე სამხედრო მფრინავმა გიორგი ოსორაულმა, მას შემდეგ, რაც ხელისუფლებისგან დახმარებისა და უბრალოდ, ინფორმაციის დაზუსტების იმედი დაკარგა, - პროტესტის ნიშნად, შეიარაღებული ძალები დატოვა და ძმის პოვნა საკუთარი ძალებით განაგრძო...
ბოლო ინფორმაციით, - თითქმის ერთი თვეა, გიორგი ოსორაულმა საქართველო დატოვა და გეზი აფრიკისკენ აიღო... ოსორაულების ოჯახის თქმით, სოციალურ ქსელში გავრცელებული ინფორმაცია, თითქოს, გიორგი აფრიკაში დაკარგულ ძმას უკვე ესაუბრა, - სიმართლეს არ შეესაბამება, თუმცა, ოჯახი ირწმუნება, რომ სოსო ოსორაული ცოცხალია.
ქართველი მფრინავის დედა, კატო ოსორაული, AMBEBI.GE-სთან საუბარში ამბობს, რომ ყოფილ სამხედრო მფრინავს, ძმის პოვნის რეალური იმედი გაუჩნდა...
"გიორგი დაგვიკავშირდა და გვითხრა, - კარგი ამბები გვაქვსო... მისი თქმით, არსებობს დადასტურებული ინფორმაცია, რომ სოსო ცოცხალია. ჯერ კიდევ არ ვიცი, ბედნიერი უნდა ვიყო თუ არა... ჯერ კიდევ ყველაფერი არ არის გარკვეული, ჯერ ჩემი შვილი არ მინახავს, მაგრამ იმედი გამიჩნდა და მადლობა ღმერთს, ეს იმედი რეალურია... ვიცოდით, რომ სოსოსთან დაკავშირებით, საზოგადოების ინტერესი დიდი იყო და ამიტომ, ვიდრე კონკრეტული ინფორმაცია არ გვექნებოდა ხელთ, არც ვაპირებდით არაფრის გახმაურებას, თუმცა, სოციალურ ქსელში, ერთმა მისმა მეგობარმა დაწერა და ამას მოჰყვა გამოხმაურება..." - ამბობს კატო ოსორაული.
მისივე თქმით, სხვადასხვა დროს სხავადასხვა ოფიციალური უწყებისა და საერთაშორისო ორგანიზაციის მიერ გავრცელებული სავარაუდო ინფორმაციის, საეჭვო დოკუმენტებისა და ფოტოების, სადაც "დაღუპული სოსოა აღბეჭდილი", - არასდროს სჯეროდათ... ოჯახის წევრები, კონკრეტულად კი, გიორგი აფრიკაში ძველი თუ ახალი სანაცნობო წრიდან, მუდმივად იღებდა სხვადასხვა სახის ინფორმაციებს, თუმცა, იქიდან სოსოს დაღუპვის შესახებ ცნობა არასდროს მოსულა.
"არ ვიცი, სახელმწიფოს რაში დასჭირდა სოსოს გარდაცვლილად გამოცხადება... ის მაინც ეთქვათ, ძებნა არ შეგვიწყვეტიაო... როგორია, ყველა სიტყვაში იმედს რომ ეძებ და მას გიკლავენ... 27 იანვარს, უკვე ერთი წელი გადის სოსოს ამბიდან და ამ დროის განმავლობაში, მის შესახებ, ერთხელაც ვერ მივიღეთ სწორი ინფორმაცია. არადა, მოვითხოვეთ დოკუმენტაცია, მისი გარდაცვალების შესახებ, ასევე იმის შესახებ, რომ რეალურად იმყოფებოდა იქ ქართული დელეგაცია და მოლაპარაკებებიც მიმდინარეობდა, თუმცა, უშედეგოდ, - არგუმენტირებული პასუხი ვერასდროს მივიღეთ" - ამბობს ქართველი მფრინავის დედა.
კითხვაზე, მათი აზრით, ასეთი გაურკვევლობის მიზეზად მიაჩნიათ თუ არა, აფრიკელი მეამბოხეებისგან დასახელებული გამოსასყიდი თანხის, 1 მილიონი დოლარის დასახელება, - კატო ოსორაული პასუხობს, რომ მათ სახელმწიფოსგან სხვა სახის დახმარება სჭირდებოდათ, - თანხას კი თავად შეაგროვებდნენ...
"ჩვენ სახელმწიფოსგან ფულს კი არა, შუამავლის როლს ვითხოვდით. რა შედარებაა, - ერთი ადამიანი, ფიზიკური პირი რომ დაიწყებს სხვა ქვეყანაში ამა თუ იმ ინფორმაციის გარკვევა-მოძიებას და სად მას დიპლომატიური სამსახურები ეხმარებიან და ისინი თავიან უცხოელ კოლეგებთან ერთად მუშაობენ... ამას ითხოვდა ჩვენი ოჯახი. ბევრი რამ დავინახეთ ამ ერთი წლის განმავლობაში, მადლობა ღმერთს, ისეთი შვილები გამიზრდია, რომლებიც ერთმანეთს განსაცდელში არ ტოვებენ..." - ამბობს კატო ოსორაული ჩვენთან საუბარში.
ჟურნალისტებთან "სკაიპ" ჩართვის დროს გიორგი ოსორაულმა განაცხადა, რომ საკუთარი ძმის სავარაუდო ადგილსამყოფელი იცის, თუმცა ინფორმაციას ვერ გაასაჯაროებს.
"მე ბევრ თემაზე არ შემიძლია ხმამაღლა საუბარი, თუმცა ის ვიცი, რომ სოსო ოსორაული ცოცხალია. მიზანი მაქვს, რომ ჩავიდე აფრიკაში და შევხვდე იმ პირებს, ვინც ინფორმაციას მაწვდის. მე ვიცი სავარაუდო ადგილსამყოფელი, თუმცა ამას ვერ გავასაჯაროებ", - განაცხადა გიორგი ოსორაულმა.
ამასთან, გიორგი ოსორაული საქართველოს პროკურატურის მიერ დაწყებულ გამოძიებას უნდობლობას უცხადებს და აღნიშნავს, რომ მისთვის გაუგებარია, ამ დრომდე რატომ არ მოხდა მისი ოჯახისთვის დაზარალებულის სტატუსის მინიჭება.
"სტატუსს სავარაუდოდ, იმიტომ არ მაძლევენ, რომ თვითონაც არ არიან სოსო ოსორაულის დაღუპვის ამბავში დარწმუნებული. მე საგარეო უწყებასთნ ბოლოს 14 აგვისტოს მქონდა კონტაქტი. მას შემდეგ სამინისტროდან არავინ დამკავშირებია. რაც შეეხება პროკურატურას, ჩემთვის უცნობია, თუ რისი გაგება უნდათ ჩემგან", - განაცხადა გიორგი ოსორაულმა.
ლალი პაპასკირი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ლევან ხაბეიშვილს პირდაპირ ეთერში თავს დაესხნენ - დაპირისპირების ამსახველი კადრები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
