ყავა, რომელმაც ხელოვნების ახალ მიმართულებს დაუდო სათავე

მსოფლიოში ყავის ათასობით სახეობა არსებობს. სხვადასხვა კულტურებს ყავის მომზადების მათთვის დამახასიათებელი და ორიგინალური ტექნიკა აქვს, რაც ახალ-ახალი ყავის სახეობების შექმნის საფუძველი ხდება. მსოფლიოში ერთ-ერთი პოპულარული ყავის სახეობაა "ლატე", რომელიც მზადდება ესპრესოსა და რძისაგან.

ყავა ლატე პირველად იტალიაში მოამზადეს. ტერმინი "ლატე", რომელიც გამოიყენება ინგლისურ ენაში, არის შემოკლებული ვერსია იტალიური caffellatte-სი, რომელიც ნიშნავს "რძიან ყავას".

ყავა და რძე ევროპული სამზარეულოს განუყოფელი ნაწილი იყო უკვე მე-17 საუკუნიდან. წლების განმავლობაში მას ამზადებდნენ მხოლოდ სახლში, საუზმეზე და ტერმინი "ლატე" მხოლოდ საოჯახო გამოყენებისათვის არსებობდა. საჯარო დაწესებულებებში ტერმინი "ლატეს" გამოყენება დაიწყეს მე-20 საუკუნიდან ჯერ ევროპაში, შემდეგ კი ამერიკაში.

Oxford English Dictionary-ს მიხედვით, ცნება "ყავა ლატე", პირველად გამოიყენა ვილიამ დინ ჰოუველმა 1867 წელს თავის ნაწარმოებში "იტალიური მოგზაურობები".

"ლატეს" ხშირად ამსგავსებენ "კაპუჩინოს", მაგრამ მთავარი განსხვავება მათ შორის არის რძის ქაფის დიდი (20 მმ) ფენა, რომელიც აუცილებლად გვხვდება კაპუჩინოში.

ყავა "ლატე" ძალიან პოპულარულია მსოფლიოში და მას სხვადასხვა ქვეყნები და რეგიონები, განსხვავებული სახით გვთავაზობენ. მაგალითად, აზიასა და ჩრდილოეთ ამერიკაში "ლატე" კომბინირებულია აზიურ ჩაისთან. სამხრეთ აფრიკაში, კი მზადდება "წითელი ლატე", "როიბოსის" ჩაით.

აშშ-სა და ევროპაში გაჩნდა "ლატეს ხელოვნება", რომელმაც სათავე დაუდო ყავის მომზადებას სხვადასხვა დიზაინით. დღეს დღეობით ყავის გაფორმებასთან კაპუჩინო უფრო ასოცირდება ვიდრე ლატე, მაგრამ ხელოვნების ამ მიმართულებას სათავე სწორედ ლატემ დაუდო, რომელიც უფრო და უფრო ვითარდება და ფინჯან ყავას ხშირად ნამდვილ ხელოვნების ნიმუშადაც კი აქცევს.

ისტორია ლატეს შესახებ კი წარმოგიდგინათ იტალიურმა კაფე "პიატომ", რომელიც ყავის ფართო არჩევანს გთავაზობთ შემდეგ მისამართებზე: "ბიბლუსი გალერეა" თბილისი: ჭავჭავაძის #7, კანდელაკის #7, ვაჟა-ფშაველას #7; თელავი : ბახტრიონისა და სააკაძის კვეთა; ბათუმი: მემედ აბაშიძის #52