მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
ხუთშაბათი, მთვარის მეათე დღე დაიწყება 15:45-ზე, მთვარე სასწორშია – რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. დღეს დაწყებული მოგზაურობა აუცილებლად წარმატებით დასრულდება. ზედმეტი არ მიირთვათ. კარგია მცენარეული ჩაის, ნატურალური წვენების დალევა და ბოსტნეულის კერძების ჭამა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გოგიჩაიშვილი რ2-დან წასვლის მიზეზებზე ალაპარაკდა - რას პასუხობს გვარამია "დაბლოკვებით შეწუხებულ" წამყვანს
08:57 / 24-01-2018
"კი ვიძახეთ და ლამის შუბლზე დავიწერეთ "რუსთავი 2 ჩემიაო", მაგრამ ვერ გახდა პირადად ჩემი", - წერს აკაკი გოგიჩაიშვილი "ფეისბუქის" პირად გვერდზე. ცნობილმა ტელეწამყვანმა "რუსთავი 2" დატოვა და სამუშაოდ ტელეკომპანია "იბერიაში" გადავიდა. ჟურნალისტი ტელეკომპანიაში არსებულ პრობლემებზე საუბრობს და იმ მიზეზებს ასახელებს, რომელთა გამოც აღნიშნული გადაწყვეტილება მიიღო:
"კი ვიძახეთ და ლამის შუბლზე დავიწერეთ "რუსთავი 2 ჩემიაო", მაგრამ ვერ გახდა პირადად ჩემი, უფრო სწორად იყო წლების წინ და აღარ არის, და არც "აქციები" შველის საქმეს, საპატიოდ რომ გადმომეცა ერთ ცნობილ შეკრებაზე არხის "ღმერთებთან" თუ "დედოფლებთან" ერთად. დამილოცნია მისთვის, ვინც პირველი დაწერს, რომ მოსწონს ის, რაც ხდება არხზე და ასეთი მენეჯმენტი მისაღებია:
ყველა თემის გაშუქებაზე ერთპიროვნული გადაწყვეტილება, ისევე როგორც დაბლოკვაზე - ერთპიროვნული პოლიტიკური თუ სხვა სახის გემოვნების მიხედვით. არასდროს "რუსთავი 2"-ზე ეს არ ყოფილა და ახლა არის... იყო ხანდახან, თუმცა მე პირადად ყოველთვის შემეძლო შეკამათებაც და სარედაქციო დამოუკიდებლობის შენარჩუნებაც - ესეც დასრულდა - ამიტომ მე ვტოვებ არხს 20-წლიანი, არ მომერიდება დაწერა, თავდაუზოგავი მუშაობის შემდეგ. ჩემთვის მიუღებელია, როდესაც მრავალწლიანი გამოცდილების კვალიფიციურ კადრებს ერთი ხელის მოსმით ახსნა-განმარტების გარეშე ქუჩაში უშვებენ ერთპიროვნული გემოვნებით, და "ფული არ არის საკმარისი" ამას ნამდვილად ვერ ხსნის, რადგან მათზე მაღალი ხელფასით უამრავი სხვა ადამიანი, მეგობრები, ახლობლები და ა.შ. სრულიად გაუგებარი დანიშნულებით პრობლემა თურმე არ არის.
მიუღებელია, რომ ათწლეულების საბრენდო გადაცემა ყოველგვარი ახსნა განმარტების გარეშე ისე იხურება, რომ იქ მომუშავეები ამის შესახებ შემთხვევით ეთერის წინ გებულობენ პროგრამების განყოფილებიდან, და ვერც ამას ხსნის "ფინანსური პრობლემები" რადგან ამ გადაცემის ოთხმაგი და ხუთმაგი ბიუჯეტი ერთ ხელფასადაც გაიცემა და თითქოს ესეც პრობლემა არ არის. არ მესმის, როდესაც არხის დირექტორი ქათმის ბარკლებს პირადად უკეთებს რეკლამას ეთერში, არ მესმის, როდესაც ხან დირექტორია, ხან პოლიტიკოსი, ხანაც არხის მთავარი მელომანი, თუ ქვეყნის მთავარი გურმანი და არ ესმის, რომ ჟურნალისტები, რომლებმაც შექმნეს არხი და დღესაც მხრებით მიაქვთ, ელემენტარულ ახსნას იმსახურებენ, თუ რატომ არ უნდა გავიდეს ეთერში სიუჟეტი, რომელშიც უამრავი შრომა ჩადეს, ან რატომ უნდა გადაინაცვლონ ერთი გადაცემიდან მეორეში თითების ერთი გაწკაპუნებით - კადრების განყოფილებიდან ერთი სატელეფონო ზარი ამას ნამდვილად არ შველის. თუ ვინმეს ჰგონია, რომ დათო კიკალიშვილი ევროპის ხიბლით წავიდა არხიდან, ცდება, თუ ვინმეს ჰგონია, რომ ხელფასისა თუ უხელფასობის გამო მივდივარ - ცდება, თუ ვინმეს ჰგონია, რომ მე ვიქნები უკანასკნელი, ვინც წავა - ასევე ცდება - თუ დირექტორმა არ იცის, რაზე საუბრობენ თანამშრომლები, რა აწუხებთ და რაზე აქვთ პროტესტი - ჩვენ მაინც ხომ ვიცით, და, თუ რამე მეშლება შემისწორეთ, თუ ვინმეს ვაწყენინე - ბოდიში. არაფერზე გული არ მწყდება, იმ ძალიან კარგ ადამიანებს გარდა, ვისაც ყოველდღე ვხედავდი და ახლა უბრალოდ ხშირად ვერ ვნახავ და ვერც მათ გვერდით დავიცავ არხის იმიჯს - წარმატებები ყველას", წერს აკაკი გოგიჩაიშვილი.
ტელეწამყვანის კრიტიკას "ფეისბუქის" პირად გვერდზე "რუსთავი 2"-ის გენერალური დირექტორი პასუხობს:
"სერია მესამე
p.s. რა სამწუხაროა, როცა ადამიანები ფულის გამო სახეს კარგავენ და საკუთარი კომპანიის და სწორი პრინციპების და ღირებულებების წინააღმდეგ იმათ სამსახურში გადადიან, ვისგანაც გამალებული იცავდი.
p.p.s. ხო მართლა, დაბლოკვებით შეწუხებული გოგიჩაიშვილი, პატრიოტთა ალიანსის წევრის ტელევიზიაში გადავიდა. 30%-იანი პროდასავლური რ2-დან, 0,3%-იან ოქუაშვილის "იბერიაში"".
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
