მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ვიღაც მკვლელს ხელს აფარებს" - რას ყვება მესტიაში მოკლული "ნაციონალური მოძრაობის" წევრის, ლომარ ნიგურიანის მეუღლე
04:30 / 23-01-2018
მესტიაში 25 დეკემბერს მოკლული ლომარ ნიგურიანის მეუღლე სვეტა ნავერიანი გამოძიებას უნდობლობას უცხადებს. ნავერიანი ვარაუდობს, რომ "ვიღაც" მისი მეუღლის მკვლელს ხელს აფარებს. სვეტლანა ნავერიანი "ინტერპრესსნიუსთან" საუბარში აცხადებს, რომ "ამ საქმეს ასე არ დატოვებს და სამართლის აღსადგენად ყველაფერს გააკეთებს".
"მესმის, რომ სვანეთი კომპაქტური დასახლებაა და რთულია ასეთი გარეწარის პოვნა ამ სიტუაციაში, მაგრამ ისეთი რა გახდა, რომ 30 დღის განმავლობაში ვერ მოხდა მისი დაკავება? თუ ჩემი მეუღლის მკვლელს არ დაიჭერენ, უმოქმედოდ არ გავჩერდები, რკინის ქალამნებს ჩავიცვამ და სამართალს ვიპოვი. იმდენი ეჭვი მიჩნდება, გაგიჟებამდე მივყავარ. ვითმენ ორმოცამდე - მისი სულისთვის, შემდეგ კი ამას ასე არ დავტოვებ. კიდევ ერთხელ ხაზს ვუსვამ, რომ მესტია რთული რეგიონია, მაგრამ ხელს რომ ვინმე არ აფარებდეს, შუა ზამთარში, ასეთ მკაცრ კლიმატურ პირობებში, მარტო თავს ვერ ირჩენს", - განაცხადა ნავერიანმა.
ლომურ ნიგურიანის მეუღლის განმარტებით, მკვლელი ოჯახის მკვიდრი ბიძაშვილი არ არის, თუმცა ისინი ერთი გვარის წარმომადგენლები არიან.
"ორი წლის წინ კონფლიქტი ჰქონდათ. იყო ორმხრივი სიტყვიერი დაპირისპირება. შემდეგ ჩვენი ბიძაშვილები ჩაერივნენ, მაგრამ შერიგება ვერ მოხერხდა. გასული წლის 25 დეკემბერს კი ჩემი მეუღლე სახურავს თოვლისგან წმენდდა, როცა მან დაუძახა, თოვლს ჩემს ეზოში ნუ ყრიო და სიტყვიერი შეურაცხყოფა მიაყენა, რაც ჩემმა ქმარმა ვერ მოითმინა. სახურავიდან ჩამოსულს შეიარაღებული დახვდა და ჩემი მეუღლე ეზოშივე ჩაცხრილა. ჩვენს ქვეყანაში არ ხდება არაფრის კონტროლი. დღეს მე ვარ უბედური, ხვალ სხვა იქნება. ცოტა უნდა გამოვფხიზლდეთ," - განუცხადა "ინტერპრესნიუსს" მოკლულის მეუღლემ.
მესტიის საკრებულოს წევრი ლომარ ნიგურიანი ცეცხლსასროლი იარაღით საკუთარ ეზოში 2017 წლის 25 დეკემბერს მოკლეს. საქართველოს შინაგან საქმეთა სამინისტროში აღნიშნულ საქმესთან დაკავშირებით გამოძიება ორი მუხლით - 108-ე (განზრახ მკვლელობა და ცეცხლსასროლი იარაღის მართლსაწინააღმდეგო შეძენა-შენახვა) და 236-ე მუხლებით მიმდინარეობს. უწყებაში აცხადებენ, რომ ეჭვმიტანილის დასაკავებლად ინტენსიური საგამოძიებო მოქმედებები მიმდინარეობს.
მოკლული მესტიის საკრებულოში "ნაციონალური მოძრაობის" წარმომადგენელი იყო.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
