6
ივნისიდღის ზოგადი ასტროლოგიური პროგნოზი
ასტროლოგი ხათუნა ნოელი უახლოესი დღეების ასტროლოგიური ტენდენციების შესახებ "ფეისბუქში" პოსტს აქვეყნებს, რომელსაც უცვლელად გთავაზობთ:
"ღმერთების შიკრიკად წოდებული მერკური ამ კვირაში რამოდენიმე მნიშვნელოვან ასპექტს გააკეთებს სხვადასხვა პლანეტებთან, რითაც ჩვენი ცხოვრების სხვადასხვა მხარეებს გაგვიაქტიურებს.
21 იანვრიდან 28 იანვრამდე ეს პლანეტა პლუტონთან იქნება შეერთებული, რაც ხელს შეგვიწყობს ჩვენს გონებას მაქსიმალური კონცენტრაცია გავუკეთოთ და ისეთ რთულ ინტელექტუალურ ამოცანებსაც კი შევეჭიდოთ, რომელთა დაძლევაც წარსულში წარმოუდგენლად მძიმე გვეჩვენებოდა, ვთქვათ სადისერტაციო შრომის, ან რაიმე სამეცნიერო კვლევის წერას ჩავუსხდეთ. ამოვხსნათ რაღაც თავსატეხი, გავერკვეთ აწეწილი საქმის ლაბირინთებში, ფარდა ავხადოთ რაღაც დაფარულს, საიდუმლოს- გნებავთ მისტიკურს და გნებავთ კრიმინალურს...
თუმცა მერკური არამხოლოდ ჩვენს აზრებს წარმართავს, მასვე აბარია კონტაქტები და კომუნიკაციაც და პლუტონთან შეერთების მეშვეობით, ეს ყველააფერი ძალზე ინტენსიურ, თან ამავდროულად უკომპრომისო ხასიათს იძენს - აგრესიული ქმედებები, მოულოდნელი სიტუაციები, ეჭვიანობა და ახლობელი ადამიანების მიმართ გაჩენილი უნდობლობის შეგრძნება განსაკუთრებით მათთვის იქნება ხელშესახები, ვისაც პირადი პლანეტები თხისრქის ნიშანში ჰყავს.
ასევე უნდა მოერიდოთ უფროსობასთან დაპირისპირებას, სჯობს, მოზღვავებული ენერგია რაიმე უფრო ნაკლებ კონფლიქტურ აქტიობაზე დახარჯოთ - ფიზიკურ შრომაზე, ვარჯიშზე ან თუნდაც ფეხით სერნობაზე.
რადგან პლუტონთან შეერთება მერკურისთვის დამაზიანებლად მოქმედებს, ხოლო მერკური ჩვენს ყოფით ცხოვრებაში დოკუმენტებსაც განკარგავს, შეეცადეთ მოუფრთხილდეთ მნიშვნელოვან საბუთებს დოკუმენტებს, საფოსტო გზავნილები უსათუოდ დააზღვიოთ, კომპიუტერიდან გამოსვლამდე შეამოწმოთ, ხომ არ დაგრჩათ რაიმე ნაწერი შეუნახავი. ყველაზე მეტი ყურადღება ასპექტის პიკზე- 24 რიცხვში გვმართებს.
საბედნიეროდ ამ აპექტის პარალელურად მერკურის მთელი კვირის განმავლობაში ჰარმონიული ურთიერთობა ექნება იუპიტერთან. სექსტილი დადებითი ასპექტია და იძლევა შანსებს. მისი არსებობა ამ კვირის მანძილზე ბევრად უფრო გონებაგახსნილებს გაგვხდის. სიტუაციის უკეთ/სწორად შეფასების საშუალებასაც მოგვცემს. კიდევ ერთხელ ხაზს გაუსვამს უცხოეთთან კონტაქტების საჭიროებას, სწავლის გაგრძელების აუცილებლობას, შემეცნების გაფართოებას.. შესაძლებელი ხდება საჭირო დოკუმენტების და ხელშეკრულებების გაფორმება, მათ შორის ვიზების საკითხებთან ან ახალი სამსახურის დაწყებასთან მიმართებაშიც. კარგი პერიოდია სამართლებრივი- იურიდიული საკითხების მოსაგვარებლად, კონსულტაციების მისაღებად,საზოგადოებაში საკუთარ თავზე განაცხადის გასაკეთებლად, გნებავთ რაიმე ნაშრომის ან წიგნის გამოქვეყნების თვალსაზრისით, გნებავთ სხვა ტიპის პრეზენტაციისათვის.
ამ პერიოდში შეძენილი ახალი ნაცნობობა ხშირად მომავალში ძალზე სასარგებლო აღმოჩნდება ხოლმე სოციალური წინსვლის თვალსაზრისით.
ასპექტი იმუშავებს 27 რიცხვის ჩათვლით - ანუ კვირის ბოლომდე, თუმცა ყველაზე მაქსიმალური გამოვლინება 25 იანვარს ექნება.
კიდევ ერთი ასპექტი, რომელსაც მერკური ამ კვირაში აკეთებს- ესაა კვადრატი ურანთან. კვადრატი, ალბათ მოგეხსენებათ, დაძაბული ასპექტია და სირთულეების შემოტანა შეუძლია ჩვენს ცხოვრებაში. ირღვევა ყოველდღიური, ჩვეული რეჟიმი, საქმეები მოითხოვს სწრაფ გადაწყვეტილებებს, სრული ქაოსია ინფორმაციასთან დაკავშირებით, ასევე ქაოსი სუფევს ურთიერთობებში, კონტაქტები უამრავი, და დამღლელი. გაუფრთხილებელი სტუმრები, მომაბეზრებელი საუბრები.... მწყობრიდან გამოდის საყოფაცხოვრებო ტექნიკა, ფუჭდება კომპიუტერი, მობილური, თუმცა შესაძლოა უბრალოდ ნათურის გადაწვითაც შემოიფარგლოს.მერკურისა და ურანის დაძაბულ ასპექტებზე საერთოდ არასასურველია ელექტროტექნიკის შეძენა, ფრთხილად უნდა ვიყოთ ხელსაწყოებთან, დენთან.
ეს ის პერიოდია, როდესაც არ ღირს თვითმფრინავით ფრენის გარისკვა. ასევე არ ღირს ხელშეკრულებების და სხვა საბუთების გაფორმება. განსაკუთრებით კი უკურსო მთვარის პერიოდებში. (ამაზე უკვე დავდე სტატა და შეგიძლიათ მოიძძიოთ ჯგუფის კედელზე.)
ზეგავლენა ხაზგასმით გამოკვეთილი იქნება 27-28 იანვარს".
