2
ივნისიდღის ზოგადი ასტროლოგიური პროგნოზი
რამდენიმე დღიანი მუქარის შემდეგ, 20 იანვარს, თურქეთის პრეზიდენტმა რეჯეპ ტაიპ ერდოღანმა სირიაში, არფინის რაიონში მოქმედი ქურთების წინააღმდეგ სახმელეთო-სამხედრო ოპერაციის შესახებ განცხადება გააკეთა.
"სირიაში, აფრინში ანტიტერორისტული ოპერაცია, ფაქტობრივად, დაწყებულია, შემდეგი მემბიჯი იქნება" - აღნიშნა თურქეთის პრეზიდენტმა რეჯეფ თაიფ ერდოღანმა. მან მოუწოდა დასავლეთს გადახედოს საკუთარი პოლიტიკა სირიაში და შეწყვიტოს თანამშრომლობა ქურთ ტერორისტებთან, რომლებიც ამერიკამ და ევროკავშირმა ტერორისტული ორგანიზაციების სიაში შეიყვანეს.
ერდოღანის ოფიციალურ განცხადებამდე, სირია-თურქეთის საზღვარზე ქურთთა სამხედრო შენაერთებმა, თურქეთის შეიარაღებული ძალების 4 სამხედრო მოსამსახურე მოკლეს...
თურქეთის ხელისუფლება ქურთ სამხედროებს "ტერორიზმის" მხარდაჭერაში ადანაშაულებს და აცხადებს, რომ მათ მიმართაც ისეთი დაუნდობელი იქნება, როგორც "აისის" ტეროროსტების მიმართ.
სირიის ოპოზიციის სამხედრო დანაყოფებმა განაცხადეს, რომ ისინი აღნიშნული სამხედრო ოპერაციაში თურქი სამხედროების გვერდით იქნებიან. ერთი დღით ადრე, აშშ-მ რეჯეპ ტაიპ ერდოღანს მოუწოდა, არ დაეშვა სირიაში სამხედრო ოპერაცია და ყურადღება "ისლამური სახელმწიფოს" წინააღმდეგ ბრძოლაზე გადაეტანა.
ახლა სირიაში ვითარება იმდენად დაიძაბა და აირია, რომ დიდი ალბათობით, ქვეყანაში მშვიდობა კიდევ კარგ ხანს არ იქნება.
ხოლო, სირიელი ქურთების სამხედრო ჯგუფები სირიის ჩრდილოეთში გამაგრებული ექსტრემისტული დაჯგუფება "ისლამური სახელმწიფოს" წინააღმდეგ, აშშ-ის სამხედრო მხარდაჭერით, საბრძოლო მოქმედებებს კვლავ განაგრძობენ. ანკარის სამხედრო ოპერაციის პასუხად სირიელმა ქურთებმა განაცხადეს, რომ თავის დასაცავად იბრძოლებენ...
ამერიკის რჩევის შემდეგ, რომ ანკარას არ დაეშვა სირიაში ეს სამხედრო ოპერაცია, თურქეთის ურთიერთობები ნატოსა და მის მოკავშირე სახელმწიფოებთან 2016 წლის შემდეგ ისედაც დაძაბულია. ეს ვითარება კიდებ უფრო გართულდა, მას შემდეგ რაც, ამერიკულმა მხარემ, "ჰალკბანკის" აღმასრულებელი დირექტორი დამნაშავედ ცნო.
"ამერიკის ხმის" ინფორმაციით, ანალიტიკოსი ატილა იესილადა ამბობს, რომ ამ ბრალდებების გამოძახილმა და საპასუხო რეაქციებმა შესაძლოა, დაძაბულობა გაზარდოს. კრიზისის ესკალაციის შემთხვევაში ამერიკას შეუძლია თურქეთის წინააღმდეგ სხვადასხვაგვარი ფინანსური შეზღუდვები გამოიყენოს. მაგალითად საბანკო სესხების მიღების შესახებ, რაც მყისიერად აისახება თურქეთის ფინანსურ მდგომარეობაზე...
პუბლიცისტი სემიჰ იდიზის შეფასებით, ერდოღანის ბოლო გადაწყვეტილება, ქურთ სამხედროებზე თავდასმის შესახებ, ვაშინგტონზე ზეწოლის მოხდენის მცდელობაა.
"თურქეთის მხრიდან, ეს ნამდვილად ომის ზღვარზე სიარულია. არ არსებობს არანაირი გარანტია იმისა, რომ ის მიიღებს იმას, რაც სურს. თუმცა ანკარა ცდილობს აქცენტის გაკეთებას იმ ფაქტზე, რომ თურქეთი ამერიკისთვის არსებითად მნიშვნელოვანი სტრატეგიული პარტნიორია და მას გვერდს ვერ აუვლის. ამის საპასუხოდ, თურქეთი რუსეთის კეთილლგანწყობის მოპოვებასაც ცდილობს... ვფიქრობ, ერდოღანი ცდილობს ვაშინგტონზე წნეხის გამოყენებას იმისთვის, რომ შეამციროს ნებისმიერი მოსალოდნელი სასჯელი" – მიაჩნია პუბლიცისტს.
ბოლო ხანებში აშკარააა, რომ თურქეთი რუსეთთან ურთიერთობების გაღრმავებას განაგრძობს. თურქეთის საგარეო საქმეთა მინისტრმა, მევლუთ ჩავოშოღლუმ რუსეთსა და ირანს მოუწოდა, სირიაში მშვიდობისთვის ყველაფერი გააკეთონ.
რუსი პოლიტოლოგის ანდრეი კოშკინის თქმით, ერდოღანის ქმდებებიდან ნათლად ჩანს, რომ მას სირიაში მეტი ძალაუფლებისა და გავლენის მოპოვება სურს... ის ცდილობს, სირიის ჩრდილოეთ პროვინციებს თავად აკონტროლებდეს.
"უნდა აღვნიშნოთ, რომ თურქეთი, ახლო აღმოსავლეთის რეგიონში, ერთ-ერთი რთული პარტნიორია. ჩვენ თითქმის 4 საუკუნეა ამ სახელმწიფოსთან ურთიერთობის დალაგებას ვცდილობთ, თუმცა, ეს ბოლომდე ვერასდროს მოხერხდა. ამის დასტურია რუსული Су-24 –ის ჩამოგდება... მაშინ, როდესაც ახლა, თურქეთის ერთ-ერთ ყველაზე საიმედო პარტნიორ ქვეყნად რუსეთს ასახელებს, ამავდროულად ის რუსეთსა და ამერიკას ეუბნება, გავიდნენ სირიიდან, რათა იქ მხოლოდ თურქეთის შეიარაღებული ძალები დარჩნენ..." – ამბობს ანალიტოკოსი.
ერდოღანი ასევე ცდილობს უკეთესი კავშირების დამყარებას სხვა ევროპულ სახელმწიფოებთანაც, მათ შორის საფრანგეთთან. გასულ კვირას, საფრანგეთში ერდოღანის ვიზიტის შემდეგ, თურქული სახელმწიფო მედიასაშუალებები წერდნენ, რომ "საფრანგეთი უფრო სანდო მოკავშირეა, ვიდრე შეერთებული შტატები."
სემიჰ იდიზის მიაჩნია, რომ თურქეთს ისეთი მოკავშირეების პოვნა გაუჭირდება, რომლებმთან ერთად სირიელი ქურთების წინააღმდეგ იბრძოლებს, თუმცა, ფაქტია, რომ ვაშინგტონთან ურთიერთობის დაძაბვის კვალდაკვალ, ერდოღანი ახალი პარტნიორების ძებნას განაგრძობს.
ლალი პაპასკირი
