როგორ ცხოვრობს გოგონა, რომელსაც ორი მამა ჰყავს და ორივე მილიონერია

1999 წელს ბარი და ტონი დრიუიტ-ბარლოუ გახდა პირველი ოფიციალურად დარეგისტრირებული გეი წყვილი დიდ ბრიტანეთში, რომელსაც შვილები სუროგატი დედის დახმარებით შეეძინა. ისინი ერთდროულად ორი ბავშვის მშობლები გახდნენ - გოგონას საფრონი დაარქვეს, ბიჭს კი - ასპენი. მას შემდეგ ოჯახი კიდევ უფრო გაიზარდა, მათ შეეძინათ ბიჭი - ორლანდო და ტყუპები - ჯასპერი და დალასი. ახლა კი ტონი და ბარი ოცნებობენ, კიდევ სამი გოგონა ჰყავდეთ.

18 წლის საფრონის გარდერობი ჰოლივუდის ვარსკვლავისას ჰგავს. Prada-ს და Burberry-ს კაბები, "გუჩის" აქსესუარები, "ჰერმესის" შარვლები - საფრონს შეუძლია, ყოველ დღე სხვადასხვა ჩაიცვას. გოგონას აქვს ძვირფასეულობის საოცარი კოლექციაც, მათ შორის არის Faberge-ს ბეჭედი, რომლის ღირებულება 400 000 ფუნტია.

ბარი და ტონი უზომოდ მოსიყვარულე მამები არიან, რომლებიც შვილებს უარს არაფერზე ეუბნებიან. იმის გამო, რომ მილიონერები არიან (მათი საერთო ქონება 44 მლნ ფუნტს შეადგნს), ფინანსური პრობლემები ოჯახში არ დგას. ორლანდო ახლა 13 წლისაა, ტყუპები - ჯასპერი და დალასი კი - ექვსის.

მამებმა საფრონს მისცეს საშუალება, გაეხსნა კოსმეტიკის საკუთარი ხაზი Barking Mad Cosmetics და იმედოვნებენ, რომ შვილის ბიზნესი წარმატებული იქნება.

"ვიცი, რომ ძალიან იღბლიანი ვარ. ჩემს მშობლებს უყვართ ლამაზი ნივთები, ეს სიყვარული მეც გადმომედო. ისინი ყოველთვის ძალიან გულუხვები იყვნენ, მოსწონთ, როდესაც მანებივრებენ," - ამბობს საფრონი.

სახარჯო ფულად გოგონა თვეში 5 ათას ფუნტს იღებს, თუმცა ახლა, რადგან სრულწლოვანია, მშობლები მისგან ფინანსურ დამოუკიდებლობას ელოდებიან.