მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სტიქია რეგიონებში - დატბორილი ქუჩები ხაშურში, მოგლეჯილი ხეები და გადახდილი სახურავები კახეთში
02:17 / 10-01-2018
ხაშურის მუნიციპალიტეტში ძლიერი წვიმის შედეგად საცხოვრებელი სახლების ეზოები და სარდაფები დაიტბორა. "ინტერპრესნიუსის" კორესპონდენტის ინფორმაციით, წუხელ, მთელი ღამის განმავლობაში, სტიქიას ებრძოდნენ ხაშურის მუნიციპალიტეტში. ინტენსიური წვიმის შედეგად, მნიშვნელოვნად მოიმატა მდინარე სურამულას წყლის დონემ, თუმცა, კალაპოტიდან არ გადმოსულა, ზარალი მთიდან წამოსულმა ნიაღვრებმა გამოიწვია. ნიაღვარმა და ჩამოტანილმა ქვა-ღორღმა რამდენიმე ქუჩა და სურამთან ახლოს, იტრიაში მცხოვრები რამდენიმე საცხოვრებელი სახლის ეზოები და სარდაფები დატბორა.
მთელი ღამის განმავლობაში შემთხვევის ადგილზე სამაშველო ჯგუფები მუშაობდნენ და დატბორილი ეზოებიდან და სარდაფებიდან წყალს ტუმბავდნენ. ადგილზე იმყოფებოდა ხაშურის მერი და მუნიციპალიტეტის შესაბამისი სამსახურების წარმომადგენლები.
უხვი ნალექის გარდა, ხაშურის მუნიციპალიტეტი ძლიერმა ქარმაც დააზარალა. დაზუსტებული ინფორმაცია ზარალის შესახებ ცოტა ხანში გახდება ცნობილი.
ძლიერი ქარი შიდა ქართლის ტერიტორიაზე ამ წუთებშიც ფიქსირდება.
ძლიერმა ქარმა კახეთის რამდენიმე მუნიციპალიტეტიც დააზარალა. განსაკუთრებით მძიმე ვითარებაა თელავში. ქარის შედეგად ათამდე საცხოვრებელ სახლს სახურავი აქვს გადახდილი. ასევე მოგლეჯილია ხეები. დაზიანებულია ელექტროგადამცემი ხაზები. მოსახლეობას ელექტროენერგია არ მიეწოდება.
როგორც "ინტერპრესნიუსს" თელავის მერმა შოთა ნარეკლიშვილმა განუცხადა, მთელი ღამის განმავლობაში, სტიქიის ზონაში სამაშველო ჯგუფები მუშაობდნენ.
მისივე თქმით, ზარალი საკმაოდ დიდია და ამ წუთებში მიმდინარეობს დათვლა. ძლიერი ქარის შედეგად ასევე წაქცეულია ცენტრალურ მოედანზე ქალაქის მთავარი საახალწლო ნაძვის ხე.
ძლიერმა ქარიშხალმა გურჯაანის მუნიციპალიტიც დააზარალა. ახტალის მიმდებარედ წაქცეულია მრავალწლოვანი ნაძვი. სახურავი აქვს ახდილი რამდენიმე ობიექტს და საცხოვრებელ სახლს. ქარმა დააზიანა ელექტროგადამცემი ხაზები, რის შედეგადაც კახეთის რამდენიმე მუნიციპალიტეტს ელექტროენერგია ამ დრომდე არ მიეწოდება. გურჯაანის მერიის შესაბამისი სამსახურები შემთხვევის ადგილებზე დილიდან მუშაობენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
