მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დავიძინეთ თბილისში და გავიღვიძეთ ლონდონში" - რამ გამოიწვია ქალაქში ნისლი
03:38 / 08-01-2018
7 იანვარს, საღამოს თბილისში ჩამოწოლილმა უჩვეულო ნისლმა დედაქალაქელები დააბნია. დაბნეულობასთან ერთად, ამან აეროპორტის მგზავრებს დიდი დისკომფორტიც შეუქმნა: ძლიერი ნისლის გამო თბილისის აეროპორტიდან 10 ფრენა გაუქმდა - თეირანის მიმართულებით გაუქმდა 2 ფრენა, სტამბოლის მიმართულებით - 5, მიუნხენის, ბაქოსა და დუბაის მიმართულებით თითო-თითო ფრენა.
სოციალურ ქსელში უამრავი სტატუსი დაიწერა და კითხვა დაისვა, რამ გამოიწვია ქალაქში ნისლი. ნისლიანმა თბილისმა ფეისბუქ-მომხმარებლები რომანტიკისა და ლონდონური განწყობის ხასიათზე მოიყვანა:
"ლონდონია რა... მე ასეთი ნისლი მარტო კონან დოილთან მახსოვს. პატრულმა გამაჩერა, პროფილაქტიკის მიზნით და რატომღაც მეგონა ლესტრეიდი ან გრეგსონი იქნებოდა გვარად"
"თბილისში ასეთი ნისლი პირველად ვნახე ცხოვრებაში... თან დიდ დიღომში - ქარების საბრძანებელში შემოიპარა ნისლი... ჰო, და ზღარბი შემხვდა ფუთით, დათვს ეძებდა..."
"დღეს ისეთი ლამაზი და დიადი იყო ნისლი. ვიჯექი, ყავის ჭიქით ხელში, და გავცქეროდი მის მოახლოებას. ვხედავდი როგორ ჩამოდიოდა ციდან და შარავანდედად ეფინებოდა ამ ცივ და ნესტიან მიწას. მალე მისმა სითეთრემ ყველა სხვა ფერი შთანთქა, ყველა სხვა ფერზე აღზევდა..."
"ამხელა მოვიყარე და ასეთი ჯადოსნური ნისლი თბილისში კი არა, საერთოდ არ მინახავს"
"დავიძინეთ თბილისში და გავიღვიძეთ ლონდონში" - წერენ ინტერნეტმომხმარებლები ფეისბუქში.
დავინტერესდით, რეალურად რამ გამოიწვია თბილისში ნისლიანობა, მით უმეტეს, რომ ეს ბოლო თვეში პირველი შემთხვევა არ არის. როგორც გარემოს ეროვნული სააგენტოს ჰიდრომეტეოროლოგიური პროგნოზების სამსახურის უფროსმა სვეტლანა ნიორაძემ AMBEBI.GE-ს განუცხადა, თბილისში ძლიერი ნისლის მიზეზი კასპიის ზღვიდან შემოსული ნოტიო და შედარებით ცივი ჰაერის მასები გახდა.
"ყველა მოვლენას აქვს თავის მიზეზი. შემოდგომასა და ზამთარში ნისლიანი ამინდი ხშირად ფიქსირდება აღმოსავლეთ საქართველოში, როცა კასპიის ზღვიდან ვრცელდება ნოტიო და შედარებით ცივი ჰაერის მასები და ძალიან მაღალია სინოტივე. ტემპერატურული კონტრასტი, მაღალი სინოტივე - ეს ყველა ფაქტორი ერთად იწვევს ნისლს. ნისლი ჩვენ ამ კვირის პროგნოზშიც გვქონდა და ეს სრულიად ბუნებრივი მოვლენაა. რა თქმა უნდა, შემაწუხებელია და საშიშ მოვლენად ითვლება, განსაკუთრებით ავიაციისთვის", - განუცხადა AMBEBI.GE სვეტლანა ნიორაძემ.
მთავარი ფოტო: ქეთი ტორიაშვილი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
