თინა კანდელაკი საკუთარ თავს "რუს ჯეინ ფონდას" უწოდებს

თინა კანდელაკმა სოციალურ ქსელებში გამოაქვეყნა ორი ფოტო, სადაც საცურაო კოსტიუმებით პოზირებს. ტელეწამყვანის თქმით, სურათების გასაჯაროებას არ გეგმავდა, თუმცა მის წინა პოსტებს იმდენი დადებითი კომენტარი მოჰყვა, რომ გადაწყვიტა, ახალი ფოტოსესიიდანაც გაეზიარებინა სურათები თაყვანისმცემლებისთვის.

42 წლის კანდელაკმა სოცქსელებში მიმდევრებს ახალი წელი მიულოცა და უსურვა, არ შეეშინდეთ ცვლილებების და თამამად გაემართონ სავარჯიშოდ დარბაზებში. სურვილი კი მოკლე მინაწერით დაასრულა - "თქვენი რუსი ჯეინ ფონდა".