მწერალ დავით ტურაშვილს სასწრაფო სამედიცინო დახმარება დასჭირდა

კულტურის სამინისტროში, სადაც ამ წუთებში მინისტრი მიხეილ გიორგაძე მწერლებს, გამომცემლებსა და მთარგმნელებს ხვდება, მწერალი დავით ტურაშვილი შეუძლოდ გახდა, რის გამოც სასწრაფო დახმარების გამოძახება გახდა საჭირო. აღნიშნულ ინფორმაციას კულტურის სამინისტროს პრესსამსახურში ადასტურებენ.

მათივე ინფორმაციით, მწერალი სიტყვით უნდა გამოსულიყო, თუმცა, მოულოდნელად ცუდად გახდა და სიტყვის თქმა ვერ შეძლო. მას მედიკოსებმა დახმარება ადგილზე აღმოუჩინეს. ამ ეტაპზე დავით ტურაშვილი თავს უკეთ გრძნობს და შეხვედრაში მონაწილეობას განაგრძობს.

კულტურის სამინისტროში შეხვედრა ფრანკფურტის წიგნის ბაზრობის საკითხზე იმართება. სავარაუდოდ, საუბრის ერთ-ერთი თემა პოეტ ზვიად რატიანის საქმეც არის. არსებული ინფორმაციით, შეხვედრას შინაგან საქმეთა მინისტრი გიორგი გახარიაც შეუერთდა.

ინტერპრესნიუსი