თქვენი სახელი საუდის არაბეთში, შესაძლოა, აკრძალული იყოს

საუდის არაბეთის შინაგან საქმეთა მინისტრმა აკრძალა ბავშვებისთვის 50 სახელის დარქმევა, რომლებიც, მისი აზრით, სამეფოს კულტურულ, ანდა - რელიგიურ ღირებულებებთან წინააღმდეგობაში მოდიან.

საუდის არაბეთში მშობლები ამიერიდან ვეღარ დაარქმევენ შვილებს, მაგალითად, ლინდას, ელისს, ელენს, მაიას, ბენჯამენს, ლორენს (ლორა)...

ბენიამინი (ბენჯამენი) ისლამის მიხედვით წინასწარმეტყველი იაკობის შვილს ერქვა, თუმცა იგივე სახელი ჰქვია ისრაელის პრემიერ-მინისტრ ნეთანიაჰუს.

აკრძალულ სიაში მოხვდა სახელებიც, რომელიც არ არის არაბული წარმოშობის და "მკრეხელურია".

ასევე, აიკრძალა სამეფო კონოტაციის აღმნიშნვნელი სახელები - სუმუვი (მისი უდიდებულესობა), მალეკი (მეფე), მალიკა (დედოფალი).

წყარო independent.co.uk