მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რატომ დაუბლოკეს რამზან კადიროვს სოციალური ქსელები?..
02:00 / 27-12-2017
რამზან კადიროვი და ჩეჩენი მაღალჩინოსნები ახალ სოციალურ ქსელზე გადასვლის შესახებ ავრცელებენ ინფორმაციას. ადგილობრივი მედიის ინფორმაციით, მას შემდეგ, რაც Facebook-სა და Instagram-ზე რამზან კადიროვის პირადი გვერდები დაიბლოკა, 30 ათასზე მეტი ადამიანი სოციალურ ქსელ Mylistory-ზე გადავიდა. მათი თქმით, ეს ფორმატი უფრო მისაღებია.
20 დეკემბერს ამერიკამ რამზან კადიროვი, ჩეჩნეთში ადამიანის უფლებათა დარღვევისა და არაერთი ჩადენილი დანაშაულის გამო, "მაგნიტსკის სიაში" შეიყვანა, რამდენიმე დღის შემდეგ კი კადიროვმა Facebook-სა და Instagram-ზე, სადაც ის წლების მანძილზე ძალიან აქტიური იყო, შესვლა ვერ შეძლო.
კადიროვი და მისი გარემოცვა ვარაუდობს, რომ სოციალური ქსელი აშშ-ს ხელისუფლების მოთხოვნის შესაბამისად დაუბლოკეს. ჩეჩნეთის ლიდერი ამბობს, რომ აღნიშნულ ქსელებს დიდი რაოდენობით გამომწერების გამო არ ტოვებდა, თორემ "დიდი ხანია, მათ დაბლოკვას აპირებდა".
ჩეჩნეთის პარლამენტის სპიკერმა, მაგომედ დაუდოვმა განაცხადა, რომ ბოიკოტის ნიშნად, მანაც დაბლოკა საერთაშორისო სოციალური ქსელი, ვიდრე, რამზან კადიროვი საკუთარ გვერდზე შესვლას არ შეძლებს.
"ძალიან კარგია, რომ ალტერნატიული რესურსებიც არსებობს საზოგადობასთან ურთიერთობისა და ინფორმაციის გავრცელებისთვის. ამიტომ, ჩვენ მათ ჩვენს ქსელში ველოდებით, სადაც ჩემი სახელია "lord", - დაწერა დაუდოვმა რუსულ სოციალურ ქსელში.
დაუდოვის შემდეგ რამზან კადიროვის ინიციატივა ჩეჩნეთის პარლამენტის სხვა წევრებმაც გაიზიარეს და საკუთარი გვერდები ორივე ქსელზე დაბლოკეს. ამავე პოზიციას იზიარებს გენერალური პროკურატურაც... მოგვიანებით, ჩეჩნეთის ლიდერმა სოციალური ქსელების დაბლოკვის გადაწყვეტილება მიიღო.
"რუსეთის სახელმწიფო დუმაში ელოდებიან განმარტებას, თუ რატომ დაბლოკა სოციალური ქსელი ჩეჩნეთში რამზან კადიროვმა" - განაცხადა საინფორმაციო პოლიტიკისა და ინფორმაციული ტექნოლოგიების კომიტეტის ხელმძღვანელმა ლეონიდ ლევინმა. მისი კომენტარიდან ჩანს, რომ კადიროვის "ფეისბუქგვერდის" დაბლოკვაში "ამერიკის ხელს" ხედავს.
"ეს სულაც არ არის საქილიკო თემა, როგორც ამას რუსული მედია და ბლოგერები წარმოაჩენენ. ეს საკმაოდ საფრთხილო საქმეა. დიდი ინტერესით მოვისმენდით მიზეზებს, თუ რა გახდა მისი გვერდის დაბლოკვის მიზეზი, რადგან რამზან კადიროვი მხოლოდ ერთი რეგიონის პრეზიდენტი კი არა, ძალიან პოპულარული ბლოგერია, რომელსაც 3 მილიონამდე გამომწერი ჰყავს.
ასე რომ, ეს ძალიან საინტერესო ფაქტია და გვინდა დარწმუნებული ვიყოთ, რომ თავისუფალი სიტყვა და ინფორმაცია არ იზღუდება" - წერს ლევინი და დასძენს, რომ "თუ ამ დღეებში ვერ მივიღებთ ახსნას ამის შესახებ, მაშინ იძულებული ვიქნებით, აღნიშნული სოციალური ქსელების ადმინისტრაციას მივმართოთ კითხვებით, - კიდევ რა ღონისძიებები იგეგმებოდა კადიროვის მიმართ".
კადიროვის გარშემო ატეხილ აჟიოტაჟს, რუსეთის პრეზიდენტის პრეს-მდივანი დიმიტრი პესკოვიც გამოეხმაურა, - მისი თქმით, ეს საკითხი დუმაში ჯერ არ განუხილავთ, თუმცა, კითხვები არსებობს და მათი დასმა ნამდვილად ღირს...
ჩეჩნეთის ლიდერის საერთაშორისო სოციალური ქსელების დაბლოკვის თემას, რომელმაც რუსი პოლიტიკოსების ერთი ნაწილის შეშფოთება გამოიწვია, "შაპიტოს" უწოდებენ რუსი ბლოგერები. მათი თქმით, მაშინ როდესაც ჩეჩნეთსა და მთლიანად რუსეთში, როდესაც განსხვავებული აზრის გამოხატვისთვის, ადამიანებს პირდაპირ საკუთარ სახლებში ან ქუჩაში ხოცავენ, კადიროვის თემა ამაზრზენი და დამცინავია...
რუსი ბლოგერების თქმით, არც კადიროვის მიერ დახოცილი, ან გამქრალი ადამიანები ახსოვს ვინმეს, მთავარია, ჩეჩნეთის ლიდერს პუტინისადმი ლექსების კონკურსის გამოსაცხადებელი ტრიბუნა არ დაუბლოკონ. "ერთ დღეს ეს ყველაფერი ცუდად მოუბრუნდება რუსეთს... ჩვენ ჩრდოლოეთ კორეის გვიკვირს, მაშინ როდესაც ჩვენივე სახელმწიფოში გვყავს "კიმ ჩენ ირი" და მისი გარემოცვა", - წერენ ისინი.
ცნობისთვის, ამერიკაში რამზან კადიროვი "მაგნიტსკის სიაში" შეიყვანეს, თუმცა, აშშ ერთადერთი ქვეყანა არ არის, სადაც მას შესვლა აეკრძალა. 2014 წელს, რამზან კადიროვს სანქციები დაუწესეს ევროკავშირში, შვეიცარიასა და კანადაში. ამის პასუხად, მან ასევე შეადგინა ევროკავშირისა და ამერიკის იმ ლიდერების სია, რომლებსაც ჩეჩნეთში შესვლა შეუზღუდა.
ლალი პაპასკირი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
