მნიშვნელოვანი ინფორმაცია
17
ივლისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 23:58-ზე, მთვარე ვერძშია – რეკომენდებულია: მონანიება, მიტევება, მარხვა. სახლის განწმენდა და დალოცვა. კარგია ყველაფერი ზედმეტის მოშორება. არ არის რეკომენდებული: მოლაპარაკებების წარმოება. აზრებისა და იდეების სხვებისთვის გაზიარება. გაუფრთხილდით ხერხემალს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს. ამ დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"18 წლის ბავშვს საწოლში ესროლეს, თუ სადმე არსებობს სამართალი, ყველაფერს მივმართავ" - პანკისის ხეობაში დაჭრილის მამის კომენტარი
14:23 / 26-12-2017
ძალიან მძიმეა ჩემი შვილის მდგომარეობა, ექიმები არ გვაძლევენ იმედს და გვეუბნებიან, მხოლოდ სასწაული გადაარჩენსო, - ამის შესახებ, პანკისის ხეობაში ჩატარებული სპეცოპერაციის დროს დაჭრილი თერმილან მაჩალიკაშვილის მამამ, მალხაზ მაჩალიკაშვილმა "პალიტრანიუსის" გადაცემაში "360 გრადუსი" განაცხადა.
მისი თქმით, აღნიშნულთან დაკავშირებით აპირებს სამართლებრივ ბრძოლას, რადგან მიაჩნია, რომ მისი შვილის მიმართ არსებული ბრალდებები სიმართლეს არ შეესაბამება.
"სამართალდამცავებმა კარების ჩამტვრევისთანავე ესროლეს ჩემს შვილს. ამის შემდეგ გარეთ დაგვაწვინეს და არ მოგვცეს მისი ნახვის საშუალება. ჩაგვკეტეს ოთახებში და არანაირი ინფორმაცია არ გვქონდა. დაჭრის შემდეგ ერთ საათში გადაგვიყვანეს საავადმყოფოში.
ჩემს სახლში გასაჩხრეკი არაფერი ყოფილა, არასდროს გვქონია იარაღი, ხოლო ხელყუმბარა ჩადებულია. როგორ წარმოგიდგენიათ, ბალიშის ქვეშ ამოიდებდა ვინმე ხელყუმბარას?! რაც შეეხება მისი თურქეთში ყოფნის მიზეზს, მე თვითონ წავიყვანე თურქეთში ჩემი შვილი თხილის დასაკრეფად. ჩემი შვილი 19 წლისაა, ახმედ ჩატაევს საიდან უნდა იცნობდეს?! თუ ჩემი შვილი იყო ეჭვმიტანილი, ან სადმე დაებარებინათ, ან სადმე აეყვანათ, ჩემთვის ეთქვათ და მე თვითონ მივიყვანდი, 18 წლის ბავშვს საწოლში ესროლეს. ეს ხდება თქვენთან, საქართველოში, სხვაგან ასეთი რამ არ ხდება. ამ პლანეტაზე თუ სადმე არსებობს სამართალი, ყველაფერს მივმართავ. რატომ გაწირეს ჩემი შვილი?!", - განაცხადა მალხაზ მაჩალიკაშვილმა.
სუს-მა დღეს 5 პირი დააკავა, აქედან 4 პანკისში, ერთი კი - თბილისში. ყველა მათგანს თბილისში, ბერი გაბრიელ სალოსის გამზირზე ჩატარებული სპეცოპერაციისას განეიტრალებულ პირებთან კავშირი და მათი დახმარება ედება ბრალად. პანკისში ჩატარებული სპეცოპერაციის დროს ერთი პირი დაიჭრა.
ასევე წაიკითხეთ: პანკისში ჩატარებული სპეცოპერაციის დეტალები - ბრიფინგი სუს-ში
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი - მინუსები და პლუსები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
