მნიშვნელოვანი ინფორმაცია
3
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ინფორმაცია მძღოლებისთვის - რა მდგომარეობაა საქართველოს გზებზე უხვი ნალექის გამო
04:08 / 25-12-2017
უხვი ნალექის გამო, საქართველოს ცენტრალურ მაგისტრალზე გადაადგილება რამდენიმე მიმართულებით გართულებულია.
როგორც საავტომობილო გზების დეპარტამენტში განაცხადეს, ჯვრის უღელტეხილის მონაკვეთზე გაწმენდითი სამუშაოები უახლოეს პერიოდში დაიწყება, ამ დროისთვის კი აღნიშნულ მონაკვეთზე ყველა სახის ტრანსპორტის მოძრაობა აკრძალულია.
"როგორც კობის, ასევე გუდაურის მხრიდან, ინტენსიური თოვის შედეგად მოსული 1 მეტრამდე თოვლის გაწმენდითი სამუშაოები მიმდინარეობს, მაგრამ ამ მონაკვეთის შუაში - ჯვრის უღელტეხილზე, ნარჩუნდება ზვავსაშიშროება. ჩვენ გარემოს ეროვნული სააგენტოდან ველოდებით პასუხს, თუ როდის იქნება უსაფრთხო ამ მონაკვეთზე გაწმენდითი სამუშაოების დაწყება", - აცხადებენ გზების დეპარტამენტში.
ასევე, ყველა სახის ტრანსპორტისთვის მოძრაობა აკრძალულია, კორშა-შატილის მონაკვეთზე.
"ქუთაისი-მოწამეთა-ტყიბული-ამბროლაურის მიმართულებით მისაბმელიანი და ნახევრადმისაბმელიანი ავტოტრანსპორტისთვის გადაადგილება გართულებულია, ამ მიმართულებით 71-ე კილომეტრზე ჩამოსულია დიდი მოცულობის კლდოვანი მასა, თუმცა მოძრაობა გადართულია შიდა სასოფლო გზებზე - სოფელ იწასა და ახალსოფელის მიმართულებით, ამრიგად, მოძრაობა არ ფერხდება. ჟინვალი-ბარისახო-შატილის მიმართულებით კორშა-შატილის 53-ე და 106 კმ-ზე ყველა სახის ავტოტრანსპორტის მოძრაობა აკრძალულია", - განაცხადეს გზების დეპარტამენტში.
საავტომობილო გზების დეპარტამენტის ინფორმაციით, რთული მეტეოროლოგიური პირობების გამო (ძლიერი ქარბუქი და შეზღუდული ხილვადობა), შიდასახელმწიფოებრივი მნიშვნელობის კოდა-ფარცხისი-მანგლისი-წალკა-ნინოწმინდის საავტომობილო გზის კმ94-კმ110 (ფარავანის უღელტეხილი) მონაკვეთზე ყველა სახის ავტოტრანსპორტის მოძრაობა აკრძალულია.
როგორც დეპარტამენტში აცხადებენ, გზის დანარჩენ მონაკვეთზე ავტოტრანსპორტის მოძრაობა თავისუფალია.
საავტომობილო გზების დეპარტამენტი მძღოლებს მოუწოდებს, იმოძრაონ ზამთრის პერიოდისათვის შესაბამისი საბურავებით, გამართული ავტოტრანსპორტითა და დაემორჩილონ საავტომობილო გზებზე დაწესებულ რეჟიმებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
