მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ გავალამაზოთ ზამთარში სახლი და ეზო მინიმალური რესურსით - რჩევები ზურა შევარდნაძისგან
08:46 / 22-12-2017
ცნობილ მებაღეს ზურა შევარდნაძეს გასულ კვირას სხვადასხვა საინტერესო თემაზე სასაუბროდ თავის სამოთხეში ვეწვიეთ. გახარებული იყო ჩვენი მასპინძელი, ამისთვის სერიოზული მიზეზიც აქვს - 11 დეკემბერს ქალიშვილი შეეძინა, მამა გახდა. ჩვილს ბებიის სახელი - ესმა დაარქვა. ახალბედა მამამ გვითხრა, რომ რამდენიმე დღის პატარამ უკვე ის მოახერხა, რომ მამიკოს საოცრად აბედნიერებს...
შევარდნაძის ბაღი ამ უფერულსა და ცივ სეზონზეც ყვავის, იქ სხვადასხვა მცენარე, ფერი ზეიმობს. ამიტომ რამდენიმე რჩევა ზამთარში საკუთარი ბაღისა და გარემოს გასახალისებლად ჩვენც ვკითხეთ, ანუ როგორ გავალამაზოთ გარემო ისე, როდესაც ამისთვის დიდი რესურსი არ გვაქვს.
- ეს არც ისე რთულია, ადვილად გამოგივათ, თუნდაც იმ ხილით, რომელსაც ამ პერიოდში იყიდით, კი, ნამდვილად შეგიძლიათ ირგვლივ პატარა ზეიმის მოწყობა ეზოში, მაგიდაზე, ფანჯრის რაფაზე... ოღონდ, ისე უნდა დავაწყოთ და განვალაგოთ, რომ გარშემო ყველაფერი გახალისდეს. შესაძლებელია ასევე გოგრის დადებაც, მანამდე, სანამ მის დაჭრას და მოხარშვას გადაწყვეტთ. იქვე რამდენიმე გირჩსაც თუ მივუწყობთ და ერთ-ორ ხიდან ჩამოვარდნილ ფოთოლს მივუდებთ, ყველაფერი გაცოცხლდება - ასე ცოტა ყოფნის... უბრალოდ უნდა ვისწავლოთ ამ ყველაფრის დანახვა. ასე ბუნებრივი მასალისგან თუ გავახალისებთ საკუთარ კუთხეებს, თორემ წაიღო ბაზრები პლასტმასმა, პოლიეთილენმა. ხელოვნურია ნაძვის ხის მორთულობაც - ფსევდო და ცოტა სახიფათოც გახდა, რაც გულდასაწყვეტია.
ამიტომ უნდა ვეცადოთ, ბუნების სხვანაირი აღქმა ვისწავლოთ და შემდგომ ეს ჩვენი გარემოს გასახალისებლად გამოვხატოთ.
- ნაძვის ხეებთან დაკავშირებით რა მითითებები შეგიძლიათ მოგვცეთ?
- მომხრე არ ვარ, რომ ნაძვის ხე აუცილებლად ცოცხალი იყოს. მე ის მშრალი ტოტებისგან ავაწყე. ან არ მესმის საერთოდ, რა საჭიროა ნაძვის ხე მაშინ, როცა გვაქვს ჩიჩილაკი და ასევე მისი შექმნის ასეთი მშვენიერი ტრადიცია. იქნებ შევეშვათ ცოცხალი ნაძვის, ფიჭვის კაფვას. კმარა ამდენი ულმობელი ხერხვა და ჩეხვა! ევროპაში საახალწლოდ ნაძვის ხეებისთვის სპეციალური პლანტაციები აქვთ, სადაც ნაძვებს აშენებენ. კარგია, როცა შენი დარგულია და იმას ჭრი და თან, სპეციალურად ამ დღესასწაულისთვის. ეს ყველაფერი შენს მოყვანილ კომბოსტოს ან პამიდორს ჰგავს, რომელსაც საკუთარი ხელით წყვეტ და ჭრი. თუმცა როდესაც ტყეში ჭრი უდიდეს საგანძურს, იმ გარემოს ყოველ წელს ხომ გარკვეულ რაოდენობას აკლებ, რაც იქაურობა საშინელ სანახავს ხდის...
საოცრად მიყვარს შემოდგომით ბაზარში სიარული ისე, რომ ოპერაში წასვლას იქ წასვლა მირჩევნია, მაგრამ საშინლად არ მიყვარს საახალწლოდ ბაზარში სიარული - როცა ამდენი დაკლული ფრინველი და საქონელი დახლებზე დევს და შუალედებში დაჭრილი ნაძვის ტოტები აწყვია. წინასაახალწლოდ ეს არის მარაზმი!
ასეთი ეპიზოდებით ცივილიზებული ერი უცებ გარდავისახებით კანიბალებად!.. ამდენი კისერმოგრეხილი ინდაური, ქათამი, მოჭრილი ღორის თავ-ფეხი, ბუნებიდან გამოჩეხილი ტოტი სხვა რა არის? ამიტომაც არ დავდივარ ამ დროს ბაზარში. იქნებ შემდეგ წელს მაინც შევძლოთ ამ საშინელი ჩვევის დათმობა?!
ლალი ფაცია
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
