მეგანის კაბა, რომელიც მას ნიშნობის ფოტოებზე აცვია, 75 ათასი დოლარი ღირს

პრინცმა ჰარიმ და მეგან მარკლმა საკუთარი ნიშნობის სამი ოფიციალური ფოტო გაავრცელეს. სურათებმა მთელი მსოფლიო მოხიბლა, სოციალური ქსელების მომხმარებლები დაინტერესდნენ, ვის მიერ შექმნილი კაბა ეცვა ჰარის ამერიკელ საცოლეს.

Huffington Post წერს, რომ მარკლის ულამაზესი, ქალების უმეტესობისთვის საოცნებო კაბა ბრიტანულმა მოდის სახლმა Ralph & Russo შექმნა, კაბა 2016-2017 წლების შემოდგომა-ზამთრის კოლექციიდან არის.

კაბის ზედატანი ოქროს დეტალებით არის მორთული. მეგან მარკლმა ფოტოსესიისთვის სრულიად გამჭვირვალე კაბა აარჩია, რომლის ფასი, სავარაუდოდ, 75,000 დოლარია.