მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჰიტლერის საყვარელი Mercedes-Benz 770K-ის ისტორია - ავტომობილი აუქციონზე გაიყიდება
03:00 / 21-12-2017
ადოლფ ჰიტლერის Mercedes-Benz 770K, რომლითაც ფიურერი მნიშვნელოვან მიღებებსა და სამხედრო საზეიმო ღონისძიებებზე დადიოდა, 2018 წლის იანვარში აუქციონზე უნდა გაიყიდოს... ავტომობილით ჰიტლერი 1939 წლის ოქტომბრიდან 1941 წლის მაისამდე სარგელობდა. როგორც ინტერნეტ პორტალი Worldwide-auctioneer იუწყება, აუქციონი გერმანიაში გაიმართება.
აღსანიშნავია, რომ ავტომობილი, სპეციალურად ჰიტლერისთვის იყო შექმნილი მისი და მისი მძღოლის მოთხოვნების შესაბამისად. ინტერნეტგვერდის მონაცემებით, ავტომობილი 160 კმ/სთ სიჩქარეს ავითარებს...
როგორც ირკვევა, ფიურერი Mercedes-Benz 770K-ის მოდელის ავტომანქანით 1941 წლამდე სარგებლობდა, შემდეგ კი ავტომობილი ამერიკელების ხელში აღმოჩნდა და რამდენიმე პატრონი გამოიცვალა.
2004 წლამდე ის ლას ვეგასში კაზინოს მფლობელი მულტიმილიონერის, რალფ ენგელსტადის საკუთრება იყო... ამ მოდელის ავტომანქანის 203 ეგზემპლარი გამოუშვეს, თუმცა, ამ დრომდე, მათგან მხოლოდ 5-მა მოაღწია, ორი კი პირად კოლექციაში ინახება.
Mercedes-Benz 770K-ის ფასი ჯერჯერობით არ კონკრეტდება, თუმცა ცნობილია, რომ მისი გაყიდვიდან შესული თანხის 10% ჰოლოკოსტის შესახებ საგანმანათლებლო პროექტს მოხმარდება.
ცნობილია, რომ მესამე რაიხის მაღალჩინოსნების უმეტესობას სწორედ Mercedes-Benz 770K ემსახურებოდა. არსებული ინფორმაციით, ფიურერს ავტომანქანა გამორჩეულად უყვარდა. როგორც ამბობდნენ, "მერსედესი" გერმანული ერის ძლიერებისა და უტეხი სულის სიმბოლო იყო. ეს მოდელები ფაშისტური გერმანიის ელიტაში არაოფიციალურად, "დიდი მერსედესებითაც" მოიხსენიებოდა, რადგან ხშირ შემთხვევაში, ამ მარკის ავტომანქანა მაღალი თანამდებობის პირებს ემსახურებოდა...
ფიურერის ნივთების აუქციონზე გაყიდვის შემთხვევა პირველი არ არის - The Washington Post-ის ინფორმაციით, 2016 წელს ფიურერის ცოლის, ევა ბრაუნის ორი საცვალი გაიყიდა, რომლებზეც ბრაუნის ინიციალებია ამოქარგული. ისინი ფილიპ სერელის სააუქციონე სახლში თითო ცალი, დაახლოებით, 3 000 დოლარად შეფასდა...
აუქციონზე გაიყიდა ფიურერის ცოლის ოქროს ბეჭედიც, სარკიანი ვერცხლის ყუთი, ვერცხლისვე შტატივი და წითელი ტუჩსაცხი. ყველა ნივთი კერძო კოლექციონერმა შეიძინა და მათი ფასი არ დაუკონკრეტებიათ...
აუქციონზე გაიყიდა ჰიტლერის ძალიან მცირე ტირაჟით გამოცემული წიგნი "ჩემი ბრძოლა" (Mein Kampf), რომელიც 1930 წლის აგვისტოს გამოიცა, მისი პირადი ავტოგრაფით.
არც ისე დიდი ხნის წინ, აშშ-ში, აუქციონზე ნაცისტური გერმანიის ლიდერის წითელი ტელეფონიც გაიტანეს გასაყიდად. BBC-ის ინფორმაციით, მასზე ჰიტლერის სახელი და ნაცისტური გერმანიის სიმბოლოა ამოტვიფრული. აპარატი ბერლინში, ჰიტლერის ბუნკერში 1945 წელს, საბჭოთა სამხედროებმა იპოვნეს და ბრიტანელ გენერალ სერ რალფ რეინერს გადასცეს. ტელეფონი აუქციონზე სწორედ რეინერის ვაჟმა გამოიტანა.
Alexander Historical Auctions-s ს სახლის წარმომადგენელი მას "მასობრივი განადგურების ტელეფონს" უწოდებდა, რადგან არსებული ინფორმაციით, ჰიტლერი სასიკვდილო ბრძანებების გასაცემად სწორედ მას იყენებდა... ისტორიული მნიშვნელობის ტელეფონში კერძო პირმა 300 000 დოლარზე მეტი გადაიხადა...
ლალი პაპასკირი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
