მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რუსეთის "გოსფილმოფონდიდან" საქართველოს კიდევ 11 ქართული ფილმი დაუბრუნდა
09:07 / 18-12-2017
რუსეთის ფილმსაცავ "გოსფილმოფონდიდან" საქართველოს კიდევ 11 ქართული ფილმი დაუბრუნდა.
აღნიშნული ფილმები 1925 წლიდან 1975 წლამდე პერიოდშია გადაღებული: რეჟისორ მიხეილ კობახიძის - "ქორწილი", "ქოლგა", "მუსიკოსები"; ბაადურ წულაძის "ფეოლა", ელდარ შენგელაიას "შერეკილები"; ლეო ესაკიას "ფრთოსანი მღებავი", კოტე მიქაბერიძის "ქაჯეთი", ალ. წუწუნავას "ვინ არის დამნაშავე", კოტე მარჯანიშვილის - "ამოკი", "სამანიშვილის დედინაცვალი"; ნიკოლოზ შენგელაიას "ელისო".
ფილმების დაბრუნებასთან დაკავშირებით, კულტურისა და ძეგლთა დაცვის სამინისტროში საზეიმო ღონისძიება გაიმართა. კინომემკვიდრეობის სამშობლოში დაბრუნების პროცესი კულტურისა და ძეგლთა დაცვის სამინისტროს, ეროვნული კინოცენტრის, "თიბისი ბანკის", "ჯი-ემ-თი ჯგუფისა" და "IDS ბორჯომი საქართველოს" მხარდაჭერით ხორციელდება.
როგორც კულტურისა და ძეგლთა დაცვის მინისტრმა მიხეილ გიორგაძემ განაცხადა, მნიშვნელოვანია რომ აღნიშნულ პროცესში სახელმწიფოსთან ერთად ჩართულია კერძო სექტორიც.
"კულტურის სამინისტროსა და "გოსფილმოფონდს" შორის გაფორმდა შეთანხმება, რომლის მიხედვითაც მოსკოვში დაცული ქართული ფილმები სამშობლოს უბრუნდება. ეს პროცესი დაწყებულია და დღეისთვის უკვე 15 ფილმია ჩამოსული. ძალიან მნიშვნელოვანია, რომ ამ პროცესში კერძო სექტორი დაგვიდგა გვერდით", - განაცხადა მიხეილ გიორგაძემ. მისივე თქმით, მომავალ წელს ბიუჯეტი ამ მიმართულებით გასამმაგდება, იმისათვის, რომ უფრო მეტი ფილმი დაუბრუნდეს სამშობლოს და რაც შეიძლება მალე დამთავრდეს აღნიშნული პროცესი.
სამშობლოში დაბრუნებულ ფილმებს შორისაა ელდარ შენგელაიას "შერეკილებიც". რეჟისორის თქმით, "დღეს საზეიმო დღეა, რადგან დაიწყო ქართული ფილმების ჩამოტანა მოსკოვიდან. წლების განმავლობაში ეს არ ხდებოდა. როგორც იქნა კულტურის მინისტრმა მიხეილ გიორგაძემ და ეროვნულმა კინოცენტრმა დაიწყეს ეს პროცესი", - განაცხადა ელდარ შენგელაიამ.
სწორედ ელდარ შენგელაიას ფილმ "შერეკილების" საქართველოში დაბრუნება დააფინანსა "თიბისი ბანკმა". როგორც "თიბისი ბანკის" საგარეო ურთიერთობებისა და მედიაკომუნიკაციების დირექტორმა, თამარ კირვალიძემ განაცხადა, "ქართული კინომემკვიდრეობის საქართველოში დაბრუნება ძალიან მნიშვნელოვანია უკვე დიდი ხანია. ეს პროცესი დაიწყო და ამას ყველამ უნდა შეუწყოს ხელი. ვთვლით, რომ ეს ჩვენი ვალიც არის. საბოლოო ჯამში, იმედი გვაქვს, რომ ყველა ფილმი დაბრუნდება საქართველოში, რომელიც საქართველოს გარეთ ოქროს ფონდებშია გაბნეული", - განაცხადა თამარ კირვალიძემ.
მეგი ნარსავიძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
