ტემპერატურა იკლებს, მოსალოდნელია ნალექი - როგორია მთელი კვირის ამინდის პროგნოზი

გარემოს ეროვნული სააგენტო მომავალი ერთი კვირის ამინდის პროგნოზს ავრცელებს. 18 - 24 დეკემბერს ჰაერის ტემპერატურა შედარებით დაიკლებს.

18 დეკემბერს საქართველოში ნარჩუნდება უმეტესად უნალექო ამინდი.

19 - 20 დეკემბერს ცალკეულ რაიონში გაწვიმდება, მაღალ მთაში მოთოვს. ჰაერის ტემპერატურა დასავლეთ საქართველოს დაბლობში +11, +16 გრადუსი იქნება, ხოლო აღმოსავლეთ საქართველოს ბარში +7, +12 გრადუსის ფარგლებში.

21 დეკემბრიდან საქართველოში დროგამოშვებით ნალექიანი ამინდია მოსალოდნელი. ჰაერის ტემპერატურა 3 - 4 გრადუსით დაიკლებს.