23
მაისიდღის ზოგადი ასტროლოგიური პროგნოზი
რუსული მედია, ტელეკომპანია NewsOne –ზე დაყრდნობით ავრცელებს ინფორმაციას, რომლის თანახმად, მიხეილ სააკაშვილმა პეტრო პოროშენკოს შერიგების შესახებ წერილი გაუგზავნა. მედიის ცნობით, ეს ინფორმაცია მას შემდეგ გავრცლედა, რაც უკრაინის გენერალურმა პროკურორმა განაცხადა, რომ "შესაძლოა, ოდესის ექსგუბერნატორის მიხეილ სააკაშვილის საქართველოში ექსტრადიცია მოხდეს, სადაც ის მისი პრეზიდენტობის პერიოდთან დაკავშირებულ საქმეებზე, რამდენიმე ბრალდებით იძებნება..."
ამის შესახებ იური ლუცენკომ, უკრიანელ ჟურნალისტებს განუცხადა და აღნიშნა: "სააკაშვილის საქართველოში ექსტრადიცია ყველაზე მეტად სავარაუდოა, რადგან უკრაინას საქართველო მის ექსტრადიციას ოფიციალურად სთხოვს - ჩვენ არ გვაქვს უფლება მათ უარი ვუთხრათ".
თუმცა, საინფორმაციო სააგენტო TASS-ის ინფორმაციით, უკრაინა ამ გზით ცდილობს, "ზედმეტი თავის ტკივილი" აიცილოს, თორემ თბილისს ექსტრადიციის ხელახალი თხოვნა არ გაუვრცელებია. ინტერნეტ გამოცემის ინფორმაციით, ასევე საფუძველს მოკლებულია ის ვერსიაც, რომ ერთ-ერთი ქართველი მაღალჩინოსანი, უკრაინის საგარეო საქმეთა მინისტრის მოადგილესთან, ვასილი ბოდნართან მიხეილ სააკაშვილის ექსტრადიციასთან დაკავშირებით საიდუმლო მოლაპარაკებას აწარმოებდა.
"ჩვენ, ყველა ვალდებული ვართ, შევინარჩუნოთ ერთი მხარე და ამის გარშემო ვისაუბროთ, მათ შორის, - მასთანაც... თუმცა, ამის შესახებ უნდა მოვილაპარაკოთ, რათა არ ვავნოთ ქვეყანას..."- აცხადებს მიხეილ სააკაშვილი, რომელიც რუსული მედიის მტკიცებით, ამ მესიჯით, პოროშენკოსთან მოლაპარაკებას გულისხმობს...
მათივე ცნობით, ბოლო დღეებში ქართველმა პოლიტიკოსმა, რიტორიკა შეამცირა, რადგან საქართველოში ექსტრადაციის საფრთხე იგრძნო. ამაზე თავად მიხეილ სააკაშვილიც საუბრობს, რომლის თქმითაც, მისი დეპორტაციისთვის მხარეები ახალი წლის დღესასწაულებს ელოდებიან და ამის შესახებ ირიბად მუდმივად მიანიშნებენ.
"ჩვენ მტრები არ ვართ. მეტიც, - საერთო, საგარეო მტერი გვყავს და არ არის საჭირო ჩემი გარიყვა.. მოდით, მოვილაპარაკოთ..."- აცხადებს სააკაშვილი.
ამავდროულად, კიდევ ერთი, ასევე უკრაინული წყაროს ცნობით, წლის ბოლომდე, უნდა დასრულდეს სასამართლო განხილვები მიხეილ სააკაშვილისთვის უკრაინის მოქალაქეობასა და მუდმივი ბინადრობის ნებართვის გაცემასთან დაკავშირებით, რაც შესაძლოა, მის სასარგებლოდ გადაწყდეს.
წყაროს ინფორმაციითვე ვრცელდება კიდევ ერთი ვერსია, რომლის თანახმად შესაძლებელია, საემიგრაციო სამსახურმა გადახედოს გადაწყვეტილებას, მიხეილ სააკაშვილის უკრაინაში 2018 წლამდე დარჩენასთან დაკავშირებით...
პრეზიდენტის გარემოცვის განცხადებით, პოროშენკოს უკვე გადასცეს წერილი, თუმცა, უკრაინის პრეზიდენტისგან პასუხი ნა რაიმე სახის ინფრომაცია, ჯერჯერობით არ მოსულა. მისივე თქმით, - კიდევ ერთი ვერსიით, "პოროშენკოს უკვე ხელთ აქვს ის წერილი, სადაც სააკაშვილი მას "დეესკალაციას" ჰპირდება..."- აღნიშნავს წყარო.
"საიდუმლო წერილის" შესახებ ინფორმაციას არ ფლობს სააკაშვილის თანაგუნდელი. იური დერევიანკოს თქმით, ამის შესახებ მას ინფორმაცია აქვს.
"ჩვენ შევთანხმდით, რომ თუ ისინი ყველა ჩვენს მოთხოვნას შეასრულებენ, ჩვენ შევძლებთ საუბარს შეთანხმებაზე.... ეს მოთხოვნებია ანტიკორუფციული სასამართლო, კანონი არჩევნებზე, კანონი იმპიჩმენტზე და გენერალური პროკურორის გადადგომა..."- აცხადებს იური დერევიანკო.
ლალი პაპასკირი
