მილიარდერისა და მისი ცოლის საიდუმლოებით მოცული გარდაცვალება კანადაში - პოლიცია ეჭვმიტანილს არ ეძებს

კანადელი მილიარდერი და მისი ცოლი ტორონტოში მდებარე სახლში გარდაცვლილები იპოვეს. ბარი შერმანისა და მისი ცოლის, ჰანის ცხედრები სახლში უძრავი ქონების აგენტმა აღმოაჩინა.

შერმანი ფარმაცევტული კომპანიის Apotex დამფუძნებელი და ხელმძღვანელი იყო, კომპანია ჯენერიკ მედიკამენტებს ყიდის მსოფლიოს მასშტაბით. შერმანი კანადის ყველაზე მდიდარი ადამიანი და ცნობილი ქველმოქმედი იყო.

პოლიციამ ვერ ნახა ვერანაირი ნიშანი, რომ სახლში ვინმემ იძალადა. ადგილობრივი მედიის ინფორმაციით, გამოძიება ეჭვმიტანილებს არ ეძებს. კანადურ მედიასთან საუბრისას დეტექტივმა ბრენდონ პრაისმა განაცხადა, რომ სამართალდამცველები ცდილობენ დაადგინონ, გახდა თუ არა მილიარდერისა და მისი ცოლის გარდაცვალების მიზეზი მომწამვლელი აირი.

მომხდარის გამო ღრმა მწუხარებას გამოთქვამენ კანადელი მაღალი რანგის პოლიტიკოსები. პრემიერ-მინისტრმა ჯასტინ ტრიუდომ „ტვიტერზე“ დაწერა, რომ ძალიან წუხს და სამძიმარს უცხადებს წყვილის ოჯახსა და ახლობლებს.

წყვილს 4 შვილი ჰყავს. შერმანმა „აპოტექსი“ 1974 წელს დააარსა, კომპანია მედიკამენტების მსოფლიოში მეშვიდე ყველაზე დიდი მწარმოებელია.

„ფორბსის“ ინფორმაციით, შერმანის ქონება $3.2 მილიარდ დოლარს შეადგენს.