2
აპრილიდღის ზოგადი ასტროლოგიური პროგნოზი
15 დეკემბრიდან თბილისში საახალწლო განათებები ჩაირთო. ქალაქის ცენტრალურ გამზირებზე - რუსთაველზე, თავისუფლების მოედანზე, ჭავჭავაძის გამზირზე, პეკინის ქუჩაზე და სხვა. ახალი და ორიგინალური საახალწლო განათებები დამონტაჟდა. დედაქალაქს საახალწლო განათება-გაფორმება 3 მილიონი ლარი დაუჯდა.
თბილისის მერიის შ.პ.ს. "თბილსერვის ჯგუფის" ინფორმაციით, რუსთაველის გამზირზე დამონტაჟდა 32 ერთეული 12 მეტრი სიგანის ოქროსფერი ბაფთა, რომლის შუაშიც ე.წ. "მანათობელი ცა" გადის. ყველა ხე თავიდან ბოლომდე ოქროსფერი ნათების მანათობლებით მოირთო.
ამასთან, საახალწლო ნაძვის ხის ორივე გვერდზე 2 ერთეული ხუთი მეტრი სიმაღლის საახალწლო თაღი განთავსდა, რუსთაველის გამზირზე კი 5 მეტრი სიმაღლის ნაძვის ხის სათამაშო ბურთი დაიდგა.
ჭავჭავაძის გამზირი 500 ერთეული სხვადასხვა ფორმისა და ზომის ჩამოსაკიდი ფიგურით მოირთო, რომლებიც LED მილების, ოქროსფერი და თბილი, თეთრი მანათობლებით გაფორმდა, ასევე დაახლოებით 300 ერთეული ხე ოქროსფერი მანათობლებით მოირთო.
სადღესასწაულოდ მოირთო ბარათაშვილის ქუჩაც, რომლის შუა (გამწვანებულ) გამყოფ ზოლზე დამონტაჟდა 8 ერთეული 5 მეტრიანი თეთრი ნათებით და წითელი ბაფთით შეფუთული დეკორატიული ნაძვის ხე.
ამასთან, პეკინის ქუჩაზე განთავსდა 24 ცალი 10 მეტრის სიგანის მანათობელი ბაბუაწვერა, რომელიც პროგრამული მექანიზმის საშუალებით ქმნის "ქარწაღებული ბაბუაწვერას" ეფექტს. სანაპიროზე კი, მეტეხის ხიდიდან ბარათაშვილის ხიდამდე ხეები ოქროსფრად განათდა.
