მნიშვნელოვანი ინფორმაცია
29
მაისიდღის ზოგადი ასტროლოგიური პროგნოზი
ხუთშაბათი, მთვარის მესამე დღე დაიწყება 05:58-ზე, მთვარე კირჩხიბშია – ენერგიული დღეა. მოქმედების დროა, ხელსაყრელია მძიმე ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. შეგიძლიათ წახვიდეთ სამოგზაუროდ ან მივლინებაში. რაც შორს წახვალთ, მით უფრო წარმატებული იქნება მოგზაურობა. გაზრდილია ემოციურობა, კარგია დიპლომატიის დემონსტრირება. გამოიძინეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მსოფლიო "ახალი ხალიფატის" წინაშე - კიბერსივრცე და ISIS-ის ახალი შესაძლებლობები
02:00 / 15-12-2017
როგორც სამხედრო ექსპერტები ვარაუდობდნენ, "ხალიფატის დაცემა" ISIS-ის დამარცხებას არ ნიშნავს. ყველაზე საშიში მომენტი ახლა იწყება, როდესაც ისინი იატაკქვეშა, პარტიზანულ მოქმედებებზე გადადიან. ახლა, როდესაც მათ სირიასა და ერაყში ტერიტორიები დაკარგეს, ისინი შეეცდებიან მსოფლიოს ნებისმიერი წერტილიდან გასცენ პასუხი იმათ, ვინც მათ ტერიტორიებს ბომბავდა...", - აცხადებდნენ ექსპერტები. შედეგმაც არ დააყოვნა...
"ხალიფატის დაცემის" შემდეგ, ISIS-მა ამერიკას პირველი მუქარა გაუგზავნა. ეს ეხება დონალდ ტრამპის მიერ იერუსალიმის ისრაელის დედაქალაქად აღიარებას. "ისლამური სახელმწიფოს" წარმომადგენელი თავის მიმართვაში ამბობს, რომ ტერორისტული თავდასხმები ახალი წლის დღეებში დაგეგმილ სადღესასწაულო ღონისძიებებზე განხორციელდება.
ISIS-ს ბოლო მუქარასთან დაკავშირებით, ამერიკის სახელმწიფო დეპარტამენტს ჯერჯერობით განცხადება არ გაუკეთებია, თუმცა, დასავლური მედია ამტკიცებს, რომ წელს აშშ-სა და ევროპის მსხვილ ქალაქებში, საზეიმო ღონისძიებები განსაკუთრებული უსაფრთხოების დაცვით ჩატარდება. "ISIS მათ სხვა გზას არ უტოვებს, საინტერესოა, რამდენად ადეკვატური იქნება ამერიკისა და ევროპის უსაფრთხოების სამსახურები..." - წერს დასავლური მედია.
ტერორისტების მიერ გავრცელებული ერთ-ერთი პოსტერი: "ISIS-ი მანჰეტენზე"
მიმართვა, რომელმაც მთელი მსოფლიო შეაშფოთა, მათ ერთ-ერთ ვებგვერდზე გავრცელდა, სადაც ნათქვამია, რომ თავდასხმები მოხდება ნიუ-იორკშიც, ამაზე მათ მიერ გამოქვეყნებული ნიუ-იორკის სკვერის გამოსახულებები მიანიშნებს, სადაც ბომბები ფეთქდება.
"ჩვენ მოვაწყობთ ოპერაციებს თქვენს მიწაზე, იქამდე, ვიდრე ბოლომდე არ განადგურდებით, თქვენ მიიღებთ დაგეგმილ ომებს, ისე, როგორც ეს თქვენ დაიწყეთ ერაყში, იემენში, ლიბიაში, სირიასა და ავღანეთში... თქვენ მხოლოდ დაგველოდეთ", - ნათქვამია მათ მიმართვაში, რომელსაც დასავლური მედია ავრცელებს.
მას შემდეგ, რაც დონალდ ტრამპმა ისრაელის დედაქალად იერუსალიმის აღიარება გადაწყვიტა, არაბულმა სამყარომ, ამერიკის პრეზიდენტის გადაწყვეტილება სასტიკად გააპროტესტა. "ჰამასის" ლიდერების თქმით, - "ეს არღვევს საერთაშორისო სამართალს, რადგან სახიფათო მოწოდებებს შეიცავს."
ამასთან დაკავშირებით, რამდენიმე ევროპელი ლიდერი ინიციატივით გამოვიდა, იერუსალიმი ისრაელისა და პალესტინის მომავალი ქვეყნების დედაქალაქი ყოფილიყო, თუმცა, მათი მოსაზრება ტრამპმა და ისრაელის ხელისუფლებამ არ გაიზიარა. ისრაელი-პალესტინას შორის შეტაკებების მიუხედავად, ამერიკის პრეზიდენტს გადაწყვეტილების შეცვლაზე სიტყვაც არ დასცდენია.
"ხალიფატის დაცემით" საფრთხის ამოწურვის ილუზია არასდროს ჰქონია ამერიკის უსაფრთხოების სამსახურს. მეტიც, ისინი მუდმივად აქცენტს აკეთებდნენ იმაზე, რომ არსებული რეალობიდან გამომდინარე, საფრთხე უფრო მეტია.
"ახლო აღმოსავლეთში "ისლამური სახელმწიფოს" დამარცხებას, მათთვის ხელი არ შეუშლია ტერორისტული თავდასხმები დაეგეგმათ. ამის შესახებ ამერიკული დაზვერვა და სენატის სამხედრო მრჩევლები აცხადებენ," - წერს Reuters.
"ისლამური სახელმწიფო" ბოლო ორი წლის განმავლობაში აქტიურად იყო დაკავებული ტერაქტებით, კონკრეტულად, მან წლის დასაწყისში 20 თავდასხმა განახორციელა", - აცხადებს ამერიკის კონტრტერორისტული დაზვერვის ცენტრის დირექტორი ლორა შაიო. ამერიკელმა მაღალჩინოსანმა სენატის კომიტეტის სხდომაზე განაცხადა, რომ ISIS -ის ტერიტორიების დაკარგვას მათი თავდასხმების რაოდენობასა და აქტივობაზე გავლენა არ მოუხდენია.
"ისინი ისევ და ისევ ეძებენ და ეყრდნობიან იმ ადამიანებს, რომლებიც მათ მიმართ სიმპათიით არიან განწყობილნი. სოციალური მედია მათ ძალიან დიდ სამსახურს უწევს, რათა ამა თუ იმ ქვეყნის შიგნით ISIS-ის მხარდამჭერი და თანამოაზრე იპოვონ...", - აცხადებს ის.
"ხალიფატის" ფიზიკური განადგურება არ ნიშნავს, რომ "ისლამური სახელმწიფო" დასრულდა, ჩვენ ამის ილუზია არასდროს გვქონია." - განაცხადა ამერიკის სპეციალურ ოპერაციებში თავდაცვის მინისტრის თანაშემწე მარ მიტჩელმა და დასძინა, რომ ტერიტორიების დაკარგვის შემდეგ, ისინი გააქტიურდებიან ვირტუალურ სივრცეში, რაც ნიშნავს, რომ უდანაშაულო ადამიანებზე თავდასხმასა და იერიშის მიტანაზე გადაერთვებიან.
"ჩვენ ახლა "ახალი ხალიფატის" წინაშე ვდგავართ, - ეს არის კიბერსივრცე, რომლის გამოყენება მათ თავიანთ გეგმებისთვის შეუძლიათ და ამას აკეთებენ კიდეც. ყველამ ვიცოდით, რომ ისინი ამ შესაძლებლობას ხელიდან არ გაუშვებდნენ... საჭიროა, ფრთხილი და დროული მოქმედება", - აღნიშნა სენატორმა რონ ჯონსონმა.
ლალი პაპასკირი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
