მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
ხუთშაბათი, მთვარის მეათე დღე დაიწყება 15:45-ზე, მთვარე სასწორშია – რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. დღეს დაწყებული მოგზაურობა აუცილებლად წარმატებით დასრულდება. ზედმეტი არ მიირთვათ. კარგია მცენარეული ჩაის, ნატურალური წვენების დალევა და ბოსტნეულის კერძების ჭამა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დეტალები ვლადიმერ პუტინის პრესკონფერენციიდან, რომელსაც რეკორდულად ბევრი ჟურნალისტი ესწრებოდა
10:14 / 14-12-2017
დღეს, 14 დეკემბერს, რუსეთის პრეზიდენტმა ვლადიმირ პუტინმა, საკუთარი მესამე საპრეზიდენტო ვადის ფარგლებში ბოლო პრესკონფერენცია გამართა. პრესკონფერენციის გასაშუქებლად აკრედიტაცია რეკორდულად ბევრმა - 1640-ზე მეტმა ჟურნალისტმა გაიარა.
რუსეთში მიღებული ახალი კანონის საფუძველზე, რომელსაც ვლადიმირ პუტინმა ხელი უკვე მოაწერა, შეხვედრაზე დასწრების უფლება არ მისცეს "რადიო თავისუფლებისა" და "ამერიკის ხმის" ჟურნალისტებს.
კრემლის პრესმდივნის დიმიტრი პესკოვის განცხადებით, პრეზიდენტ პუტინის პრესკონფერენციაზე შეზღუდვა იმ მედიასაშუალებებს შეეხოთ, რომელთა საქმიანობა რუსეთის კანონმდებლობას ეწინააღმდეგება. 2017 წლის ნოემბერში, რუსეთის იუსტიციის სამინისტრომ პარლამენტის მიერ მიღებული და პრეზიდენტ პუტინის მიერ ხელმოწერილი ახალი კანონის საფუძველზე, "ამერიკის ხმა" და "რადიო თავისუფლება" "უცხოეთის აგენტებად" გამოაცხადა.
ერთი სიტყვით, როგორც რუსულ და დასავლურ მედიაში ამბობენ, პესკოვი მაქსიმალურად შეეცადა, პუტინისთვის კომფორტული გარემო შეექმნა... ამ შეხვედრაზე პუტინმა აღნიშნა, რომ 2018 წლის საპრეზიდენტო არჩევნებში კენჭს დამოუკიდებლად, პარტიული წარდგენის გარეშე იყრის.
კითხვაზე, თუ რომელი პარტიის წარმომადგენელი და კანდიდატი იქნება, პუტინმა მოკლედ უპასუხა:
"ეს იქნება თვითწარდგენა და მე წარმოვადგენ ჩემს თავს..." - აღნიშნა რუსეთის პრეზიდენტმა, რომელიც საპრეზიდენტო არჩევნებზერიგით მეოთხედ იყრის კენჭს.
ვლადიმირ პუტინის განცხადებით, მას პრაქტიკულად მზად აქვს საარჩევნო პროგრამა და პრიორიტეტად მიიჩნევს, ინფრასტრუქტურის განვითარებას, ჯანდაცვას, განათლებასა და მოქალაქეების შემოსავლების ზრდას. კითხვაზე, "ამ არჩევნებში მას რეალური კონკურენტი არ ჰყავს და ეს მოსაწყენი ხომ არ არის მისთვის", მან ნახევრად იუმორით უპასუხა.
"კონკურენტული გარემო, რა საკვირველია, ჯობია, თუმცა, რა ვქნა, კონკურენტს მე ხომ ვერ აღვზრდი?!".
რუსეთის პრეზიდენტს საპრეზიდენტო არჩევნების კანდიდატ ალექსეი ნავალნიზეც დაუსვეს კითხვა, თუ რატომ არ აძლევენ მას კანდიდატად დარეგისტრირების უფლებას.
"ნავალნი არის რუსეთის სააკაშვილი და რუსეთში მაიდანი მაიდანს ენაცვლებოდეს და სახელმწიფო გადატრიალების დაუსრულებელი მცდელობები გვქონდეს, დარწმუნებული ვარ, რომ რუსეთის მოქალაქეთა აბსოლუტურ უმრავლესობას არ სურს..." - უპასუხა კითხვაზე პუტინმა.
რუსეთის პრეზიდენტმა პრესკონფერენციაზე მიხეილ სააშკვილზეც ისაუბრა და აღნიშნა, რომ "რასაც სააკაშვილი აკეთებს, არის ქართველი და უკრაინელი ხალხის სახეში შეფურთხება".
პუტინმა იმედი გამოთქვა, რომ ამერიკასთან ურთიერთობის დალაგებას შეძლებს.
"მე და ტრამპი ერთმანეთს სახელებით მივმართავთ. მართალია, ჩვენ კარგად არ ვიცნობთ ერთმანეთს, თუ არ ჩავთვლით იმას, რომ მხოლოდ რამდენიმე პატარა შეხვედრა და ორი სატელეფონო საუბარი გვქონდა, მაგრამ სამუშაო კონტაქტი აუცილებელია ორ ადამიანს შორის, რომლებიც დაკავებულნი არიან იმ საქმით, რაც მათ ამომრჩეველმა დააკისრა.
იმედი მაქვს, რომ დროთა განმავლობაში, ტრამპს რუსეთთან ურთიერთობის გამოსწორების შესაძლებლობა ექნება და შესაბამისად, წინასაარჩევნო დაპირებების შესრულებასაც დაიწყებს," - განაცხადა ვლადიმერ პუტინმა.
ლალი პაპასკირი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
