მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კარგად ნაცნობი ადგილები ცნობილი ქართული ფილმებიდან - ნახეთ, როგორ გამოიყურება ისინი დღეს
03:05 / 08-01-2018
როგორი იყო თბილისი 50 წლის წინ და როგორია ახლა? რა შეიცვალა, რა გაკეთდა და რა შენარჩუნდა? - ამ კითხვებზე პასუხს ქართული კინოკადრები ინახავს. თბილისური ამარკორდის აურას, ქალაქის ქუჩებში თუ არა, ქართულ კინოფილმებში ნამდვილად იგრძნობთ...
"ეს გზა ღვთისმშობლის ტაძრამდე მიგვიყვანს?" - ვერიკო ანჯაფარიძის გმირის ამ მრავლისმთქმელი ფრაზის შემდეგ 33 წელი გავიდა, ქუჩა, რომელიც პარლამენტის უკან მდებარეობს, დღესაც ზუსტად ისე გამოიყურება, როგორც ფილმ "მონანიების" გადაღებების დროს. კანის კინოფესტივალის სამი ჯილდოს მფლობელი ლევან აბულაძის "მონანიება" 1984 წელს გამოვიდა ეკრანებზე...
"მონანიების" ფილმის კადრისგან განსხვავებით, რადიკალურად შეიცვალა მეიდნის მიმდებარე ტერიტორია - განახლებული ერეკლეს მოედანი დღეს ტურისტების ერთ-ერთი საყვარელი ადგილია, თუმცა 1973 წელს "ვერის უბნის მელოდიების" გადაღებებზე, ცნობის ფურცელი ფოსტალიონმა ზუსტად ამ ადგილას დაარიგა და თბილისის ბინადრებს ახალი ამბავი აუწყა.
კიბეზე, რომელიც დღეს მე თავად მე ავიარე, ერთ დროს სერგო ზაქარიაძე დადიოდა, მას შემდეგ ნახევარ საუკუნეზე მეტი გავიდა. გრიბოედოვის 15 ნომერი კი დღემდე ინახავს მოგონებებს ფილმ "დღე უკანასკნელი, დღე პირველის" მთავარ გმირებზე.
დაუჯერებელი ამბავია, მაგრამ თუ ჯავახიშვილის ქუჩაზე გაივლით, მაშინვე ამოიცნობთ კადრს, რომლითაც ფილმი "ცისფერი მთები ანუ დაუჯერებელი ამბავი" იწყება - გუმბათიანი შენობა და მიმდებარე ტერიტორია თითქმის უცვლელია. ყოველ ჯერზე, ამ კადრის შემხედვარეს გგონიათ, რომ სოსო, ვასო, იროდიონი, გრიშა და კიდევ სხვა გმირები გაცოცხლდებიან გია ყანჩელის უკვდავ მუსიკაზე.
"ჭრიჭინა" რომ 21-ე საუკუნეში გადაეღოთ, ალბათ უცვლელი იქნებოდა სცენა, როდესაც ლეილა აბაშიძე და რამაზ ჩხიკვაძე უნივესიტეტის პირველი კორპუსის კიბეზე ერთმანეთს ხვდებიან.
გამწვანებული პარკი, დიდი სივრცე და საბავშვო მოედანი - დაუჯერებელია, მაგრამ ეს სპორტის სასახლის მიმდებარე ტერიტორიაა, ფილმში "თოჯინები იცინიან". დღეს, "ბეტონის ჯუნგლებად" ქცეული ტერიტორიიდან, ფილმის კადრში ალბათ მხოლოდ "სპორტის სასახლეს" ამოიცნობთ...
ზანდუკელის და ძმები კაკაბაძეების ქუჩა - ეს ორი ლოკაცია შეარჩია ქეთი დოლიძემ "კუკარაჩას" გადაღებებისთვის. ადგილი, სადაც ინგა სეირნობს, შეიძლება მხოლოდ ქვაფენილით და წითელი აგურით მოპირკეთებული სახლით იცნოთ. ხალხმრავლობა, ქაოსი და გამონაბოლქვი - დღეს ასეთია "კუკარაჩას" უბანი...
"ამ უბნიდან კაცი საბურთალოზე გადავა?" - მხატვარი მეუღლის შემოქმედების ხელშეწყობის მიზნით, მედეა ჯაფარიძის გმირი ფილმიდან "მზე შემოდგომისა" საბურთალოდან თბილისის ძველ უბანში, გომის ქუჩაზე გადადის. ქართველ მაყურებელს კარგად ახსოვს ცისფერი, ხის რიკულებიანი კიბე, რომელიც რეკონსტრუქციის შემდეგ დღესაც ინარჩუნებს პირვანდელ სახეს.
ოცნებებთან გამომშვიდობებას და ომის ქარცეცხლთან ბრძოლას ასახავს ეს მრავლისმთქმელი კადრი, ფილმიდან "ღიმილის ბიჭები", რომელიც მუშტაიდის ბაღშია გადაღებული. პარკის ძველებური იერსახე მისი რეკონსტრუქციის შემდეგაც შენარჩუნდა...
ნინო წიფურია, ეკა გადახაბაძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
