მნიშვნელოვანი ინფორმაცია
21
ივნისიდღის ზოგადი ასტროლოგიური პროგნოზი
შაბათი, მთვარის ოცდამეხუთე დღე დაიწყება 01:51-ზე, მთვარე კუროში გადაბრძანდება 05:52-ზე –
დღე პასიურია, მოუსმინეთ თქვენს შინაგან ხმას. არ იჩქაროთ. დღის პირველ ნახევარში დაისვენეთ. მოაგვარეთ მარტივი საკითხები. გადადეთ რთული მოლაპარაკებები. დაიცავით ნეიტრალიტეტი კოლეგებთან ურთიერთობაში. არ არის რეკომენდებული: აჩქარება, ხელშეკრულებებისა და კონტრაქტების გაფორმება. გადაწყვეტილებების მიღება. გააძლიერეთ თქვენი ფინანსური მდგომარეობა. ხელსაყრელია ავეჯის და უძრავი ქონების შეძენა. შეიძინეთ სურსათი და საყოფაცხოვრებო ნივთები. უმჯობესია თავი შეიკავოთ ქონის, ლორის, ქაშაყის, დამუშავებული ყველის და მსგავსი პროდუქტების ჭამისგან.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სახურავთმპყრობელი" პოლიტიკოსის "სატახტო თამაში უკრაინულად" - მსოფლიო მედია სააკაშვილის დაკავებას ეხმაურება
08:18 / 09-12-2017
საქართველოს ექს-პრეზიდენტი და ოდესის ყოფილი გუბერნატორი მიხეილ სააკაშვილი, ბოლოდროინდელ მსოფლიო მედიაში (და არა მხოლოდ) ერთ-ერთ ყველაზე საინტერესო პოლიტიკური ფიგურაა. მის გარშემო მიმდინარე პროცესები თითქმის ყველა წამყვანმა გამოცემამ გააშუქა. შესაბამისად, არც მისი დაკავების ფაქტი გამორჩენიათ...
ფრანგული პრესის ცნობით, ამერიკამ სააკაშვილი უკრაინაში დააბრუნა, რათა რუსეთთან ომი განეახლებინა. "მისი უკრაინაში დაბრუნება, არის ახალი ამერიკული სცენარი - ე.წ. "სატახტო თამაში უკრაინულად". ოდესის ყოფილი გუნერნატორის ბოლოდროინელი ქმედებები იმაზე მიანიშნებდა, რომ კიევში ახალი "მაიდანი" უნდა მომხდარიყო, - წერს ფრანგული გამოცემა AgoraVox.
ფრანგი ჟურნალისტის კრისტელ ჰეანის აზრით, სააკშვილის დაბრუნება ვაშინგტონში დაიგეგმა. მისივე თქმით, კიევში ვითარების კიდევ ასარევად სააკაშვილი, რომელმაც საქართველოში "ვარდების რევოლუცია" წარმატებით ჩაატარა, თავის უკრაინელ მხარდამჭერებთან ერთად, შესანიშნავი კანდიდატურაა.
"მისი არაპროგნოზირებადი ქმედებების გაკონტროლებას კი, საკმაოდ სუსტი პრეზიდენტი პეტრო პოროშენკო, როგორც ჩანს, ვერ შეძლებს. ახლა, სააკაშვილის დაკავების შემდეგ, ოკეანის გაღმა მოფიქრებულ გეგმებს უკრაინელი ხალხის ნდობით აღჭურვილი პოლიტიკოსი, იულია ტიმოშენკო ახალი შემართებით შეუდგება... ვნახოთ, რამდენად შეძლებს ამერიკა ქართველი პოლიტიკოსისა და მისი მხარდამჭერების დახმარებით რუსეთის მისთვის სასურველ კონდიციამდე მიყვანას... ფაქტია, რომ რუსეთის ეკონომიკას უკრაინასთან წარმოებული ომის გამო დაწესებულმა სანქციებმა ძლიერი დარტყმა მიაყენა.. " - წერს გამოცემა.
ბრიტანული გამოცემა Financial Times-ის მოსაზრებით, თუ პოროშენკოს მთავრობა მიხეილ სააკაშვილს უკრაინელ ხალხს არ დაუბრუნებს, შესაძლოა, ამას კიევისა და უკრაინის სხვა ქალაქების ქუჩებში ახალი საპროტესტო ტალღა მოჰყვეს.
"კიევში საქართველოს ყოფილი პრეზიდენტი, მიხეილ სააკაშვილი დააკავეს, რომელიც ამჟამად უკრაინის ოპოზიციურ ძალას ხელმძღვანელობს. თუმცა, მანამდე სააკაშვილმა შეძლო და ქუჩაში უამრავი ადამიანი გამოიყვანა. შესაძლოა მისმა დაკავებამ უკრაინელების უკმაყოფილება კიდევ უფრო გააძლიეროს... პოსტსაბჭოთა სივრცის ყველაზე მკვეთრი ლიდერის მიხეილ სააკაშვილის დაკავებამ შესაძლოა, უკრაინაში ვითარება უფრო მეტად დაძაბოს. ის რამდენიმე თვეა უკრაინის პრეზიდენტ პეტრო პოროშენკოს წინააღმდეგ იბრძვის... მანამდე, პოროშენკომ სააკაშვილს უკრაინის მოქალაქეობა მისცა და ოდესის გუბერნატორად დანიშნა" - წერს გამოცემა.
გამოცემის ინფორმაციით, სააკაშვილს მრავალრიცხოვანი მხარდამჭერები ჰყავს და თავისუფლად შეუძლია საფრთხე შეუქმნას პოროშენკოს მმართველობას. არსებობს საფრთხე, რომ დაკავებული სააკაშვილი თავისი მიმართვებით უფრო მეტ ადამიანს გამოიყვანს ქუჩაში. ამიტომაც, როგორც უკრაინის ხელისუფლება, კონკრეტულად შს მინისტრის მრჩეველი, ზორიაკ შკირიაკი ვარაუდობს, მას გაათავისუფლებენ, რათა გააგრძელოს პოლიტიკური მოძრაობა იმ შემთხვევაში, თუ ის სპეციალური, "ელექტრონულ სამაჯურის" ტარებას დასთანხმდება" - წერს Financial Times.
Новая газета-ს ცნობით, ოდესის ყოფილმა გუბერნატორმა უვადო შიმშილობა დაიწყო. ამის შესახებ მისი ადვოკატი რუსლან ჩერნოლუცკი იტყობინება. მისივე თქმით, მასთან იმყოფებოდა ექიმი, რომელმაც აღნიშნა, რომ პოლიტიკოსს მაღალი წნევა აქვს... - "თუ კიევის ქუჩებში არსებულ ვითარებას გავითვალისწინებთ, ახლა პოროშენკოს სიმშვიდის საფუძველი ნამდვილად არ აქვს" - წერს გამოცემა.
გერმანული გამოცემა Handelsblatt-ის ცნობით, კიევში ძველი პარტნიორების შეჯახებამ კულმინაციას მიაღწია. მიუხედავად საკაშვილის ამჟამინდელი მდგომარეობისა, ქართველ პოლიტიკოსს პოროშენკოზე ბევრად მომგებიანი პოზიცია აქვს. ის უკრაინაში არსებულ კორუფციას აკრიტიკებს. მიუხედავად იმისა, რომ მას მოქალაქეობა არ აქვს, ის სექტემბერში მაინც დაბრუნდა უკრაინაში. ახლა მას მოუწევს კიევში უფრო მეტი აიტანოს, ვიდრე ადრე..." - წერს გამოცემა.
ფრანგული გამოცემა Le Figaro-ს ცნობით, - "კიევში, სადაც საქართველოს ყოფილი პრეზიდენტი დააკავეს, პოლიტიკური ტემპერატურა სახიფათოდ იზრდება," - წერს გამოცემა.
Главред-ის ინფორმაციით, - კვირის ყველაზე ხმაურიანი მოვლენა "მიხეილ სააკაშვილის დაკავების ეპოპეა" გახდა. გამოცემის ინფორმაციით, "სახურავთმპყრობელმა ქართველმა პოლიტიკოსმა", რომელიც უკრაინაში კორუფციას ებრძოდა, მთელი კვირის განმავლობაში, არაერთი ადგილობრივი კანონის დარღვევა და მსოფლიო მედიის ყურადღების ცენტრში მოხვედრა შეძლო...
ლალი პაპასკირი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
