მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დისკვალიფიცირებული რუსეთი - რატომ არ უშვებენ რუს სპორტსმენებს ზამთრის ოლიმპიადაზე?
01:00 / 06-12-2017
ზამთრის ოლიმპიადა, რომელიც 9 თებერვალს, სამხრეთ კორეაში, კერძოდ ფიონგჩანგში გაიმართება, რუსეთის გარეშე ჩაივლის, - საერთაშორისო ოლიმპიურმა კომიტეტმა რუსეთს მკაცრი განაჩენი გამოუტანა და ზამთრის ოლიმპიურ თამაშებზე დაბლოკა... რუსული მედიის ერთი ნაწილის ინფორმაციით, რუსული დროშის ქვეშ ასპარეზობა მხოლოდ რამდენიმე სპორტსმენს შეეძლება, მეორე ნაწილის თქმით, ისინი ნეიტრალური დროშითა და რუსული ჰიმნის გარეშე გამოვლენ, რასაც კატეგორიულად ეწინააღმდეგება რუსული საზოგადოება.
ვლადიმირ პუტინის განცხადებით, რუსეთი ამ თამაშებში მონაწილეობას არ მიიღებს. რუსეთის პრეზიდენტს უკვე გამოუჩდნენ მხარდამჭერები, რომელთაც მიაჩნიათ, რომ ამ საკითხში ერთსულოვნები უნდა იყვნენ - ყველა უნდა წავიდეს, ისინი უნდა წარსდგნენ ღირსეულად, რუსეთის დროშითა და სახელმწიფო ჰიმნის თანხლებით. თუმცა, არიან ისეთებიც, ვისაც სპორტსმენების ბოიკოტი გაუმართლებლად მიაჩნიათ.
საუბარია რუს ათლეტებზე, რომელთა მტკიცებით, ისინი დოპინგს არ მოიხმარენ. ეს დადასტურებულიც არის და ოლიმპიური კომიტეტი მონაწილეობის უფლებას აძლევს...
დისკვალიფიკაციის მიზეზი, რუსეთში დოპინგის სახელმწიფო სისტემის დონეზე არსებობაა, რა მიზეზითაც, 2016 წლის ზაფხულის ოლიმპიურ თამაშებზე მხოლოდ ერთი რუსი სპორტსმენი დაუშვეს... საერთაშორისო ოლიმპიური კომიტეტი ამ საკითხის მიმართ შეუვალია - 2014 წლის ზამთრის ოლიმპიური თამაშების დროს, რომელიც სოჭში ჩატარდა, რუს სპორტსმენებს დოპინგის მოხმარება დაუდგინდათ. ამის შესახებ სკანდალური გამოძიებით გახდა ცნობილი.
ზამთრის სახეობაში სპორტული კომენტატორი, დმიტრი გუბერნევი აცხადებს, რომ ნებისმიერ შემთხვევაში მონაწილეობა აუცილებელია, რადგან იმ შემთხვევაში, თუ ფიონგჩანგში არ ჩავლენ, დიდი ალბათობით, ვერც ტოკიო-2020-ში მიიღებენ მონაწილეობას. "ამ შემთხვევაში კი, ქვეყანაში სპორტი მოკვდება."
ექსპერტი ვიაჩესლავ სმირნოვი ამ ფაქტს მეტად სამწუხაროს უწოდებს. მისივე თქმით, "ოლიმპიურ კომიტეტმა მსხვილი ლურსმანი დააჭედა მსოფლიოს სპორტს კუბოზე. მათი სანქციები, პირველ რიგში, ქვეყნის წინააღმდეგ არის მიმართული, სპორტსმენი დაშვებულია და მისი ეროვნული დროშა აკრძალული. თუ პრინციპული მნიშვნელობა არ აქვს, რომელი ქვეყნის დროშით გამოდიან ათლეტები, მაშ რა საჭიროა ნეიტრალური დროშა. ოლიმპიადამ რუსეთი დაბლოკა"- წერს სმირნოვი.
მისივე თქმით, ეს ყველაფერი პოლიტიკურ დატვირთვას ატარებს, ეს მხოლოდ სპორტს კი არა, ცივი ომის ახალ წრეს უკავშირდება, რომელსაც ოლიმპიური თამაშებს შიგნით მიმდინარე მოძრაობები სარკესავით ირეკლავს... სმირნოვს მიაჩნია, რომ სპორტსმენებმა თავად უნდა გადაწყვიტონ, წავლენ თუ არა სამხრეთ კორეაში. "ერთხელ, საბჭოთა კავშირის დაშლის შემდეგ, ასეთი შემთხვევა უკვე გვქონდა და მეტჯერ აღარ უნდა გავიმეოროთ. პუტინის განცხადება არ უკრძალავს სპორტსმენებს წასვლა-არწასვლასა და ნეიტრალური დროშით გამოსვლას... არც რუსეთის საზოგადოებამ არ უნდა განსაჯოს ეს სპორტსმენები ასე. თუმცა, ვიღაცებისთვის პირადი ინტერესები სახელმწიფოს პრესტიჟზე მაღლა დგას, ასე იყო ყოველთვის..."- წერს ის.
დუმის წევრის, სვეტლანა ჟუროვას პროგნოზით, ფიონგჩანგში ის რუსი სპორტსმენები წავლენ, ვინც "სუფთაა" და სოჭის ოლიმპიურ თამაშებში არ მონაწილეობდნენ. "ოღონდ აუცილებლად რუსეთის დროშით. არადა, განიხილება ვარიანტები, რომლის მიხედვითაც, რუს სპორტსმენებს ოლიმპიური ან თეთრი დროშის დაჭერა მოუწევთ. თითქოს ჩვენები ოლიმპიადის ღირსები არ არიან. ასე აბსურდამდე მივდივართ...", – წერს ჟუროვა.
რუსი იურისტი თემურ ხუტოვი მიიჩნევს, რომ თუ რუს სპორტსმენებს თეთრი, ნეიტრალური დროშით მონაწილეობის უფლებას მისცემენ, ამაში ახალი და განსაკუთრებული არაფერია, რადგან ასეთი რამ მსოფლიო სპორტის ისტორიაში არც ისე იშვიათად ხდება.
ლალი პაპასკირი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
