მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჰალსტუხის ჭამიდან სახურავზე სირბილამდე" - როგორ ეხმაურება რუსული მედია სააკაშვილის დაკავების პროცესებს
07:18 / 05-12-2017
საქართველოს ექსპრეზიდენტის, მიხეილ სააკაშვილის კიევში დაკავება, მსოფლიო მედიის, მათ შორის, რა თქმა უნდა, რუსული მედიის ყურადღების ცეტრში აღმოჩნდა. რუსული ინტერნეტ-გამოცემები ონლაინ რეჟიმში აშუქებენ მისი დაკავებისა და შემდგომ პროცესებს.
"ჰალსტუხის ჭამიდან სახურავზე ასვლამდე" - ასეთი სათაურით ეხმაურება ტელეკომპანია "Звезда" მიხეილ სააკაშვილის დაკავების პროცესებს. გამოცემის ცნობით, კრემლის პრეს-სპიკერის დმიტრი პესკოვის ინფორმაციით, - "კრემლი გაოცებითა და ინტერესით" ადევნებს თვალყურს საქართველოს ექს-პრეზიდენტის გარშემო მიმდინარე პროცესებს, თუმცა, ამ საქმესთან დაკავშირებით რეაგირების საჭიროებას ვერ ხედავს.
"არ ვართ შეჩვეული იმ ადამიანების ქმედებების შეფასებას, რომლებიც სახურავზე სხედან" - ირონიით აღნიშნა პესკოვმა, რომლის თქმითაც, საქართველოს პრეზიდენტმა საკმაოდ მძიმე გზა გაიარა "ჰალსტუხის ჭამიდან სახურავზე სირბილამდე".
ТАСС-ის ინფორმაციით, "ახალ ძალთა მოძრაობის" ლიდერი მიხეილ სააკაშვილი კიევში სისხლის სამართლის საქმის ფარგლებში დააკავეს. უკრაინის გენერალური პროკურატურა იძიებს ქვეყნის ყოფილი ხელისუფლების წარმომადგენლების, უკრაინიდან გაქცეული პოლიტიკოსების მხრიდან მიხეილ სააკაშვილის მიერ ორგანიზებული აქციების შესაძლო დაფინანსებას. რაც უკრაინული კონსტიტუციის მიხედვით, სამიდან-ხუთ წლამდე თავისუფლების აღკვეთას გულისხმობს.
სააკაშვილის ადვოკატის, პაველ ბოგომაზოვის თქმით, მას სახელმწიფო გადატრიალების მცდელობაში ადანაშაულებენ. უფრო ადრე, მისი კიევის სახლი, უკრაინის უშიშროების სამსახურებმა გაჩხრიკეს, რა დროსაც პოლიტიკოსი სახლის სახურავზე ავიდა და იქიდან გადახტომით იმუქრებოდა... ჩხრეკამდე ორი დღით ადრე, სააკაშვილის მომხრეებმა აქცია გამართეს, სადაც ისმოდა შეძახილები, - "იმპიჩმენტი", "არ არის კორუფცია, არ არის პოროშენკო", "კიევი - გაიღვიძე!.." შეგახსენებთ, რომ 26 ივლისს, უკრაინის ხელისუფლებამ მიხეილ სააკაშვილს მოქალაქეობა წაართვა; უფრო ადრე, 2015 წლის დეკემბერში, საქართველომ, რომელსაც ის მართავდა, ასევე წაართვა სააკაშვილს მოქალაქეობა" - წერს ТАСС.
"გაფრენა არ გამოვიდა" - ასე ეხმაურება ria.ru სააკაშვილისა და უკრაინელი სამართალდამცავების დილის ეპიზოდს და კარიკატურასაც უძღვნის.
გაზეთ ВЗГЛЯД-თან ინტერვიუში უკრაინელი პოლიტოლოგი, რუსლან ბორტიკი ამბობს, რომ ეს ყველაფერი კიევის ცენტრში გამართული აქციის გაგრძელებაა, - "უკრაინის ხელისუფლება ძალიან შეაშინა ბოლო მიტინგმა, რადგან ძალიან რეზონანსული იყო. სააკაშვილმა ძალიან ბევრი ადამიანის შეგროვება შეძლო... შესაძლოა, პეტრო პოროშენსკოს იმპიჩმენტის მოთხოვნა ძალებს იკრებს" - აცხადებს პოლიტოლოგი, რომლის თქმითაც, შესაძლოა, სააკაშვილი დაკავების შემდეგ ქვეყნიდან გააძევონ, როგორც "საზოგადოებრივ-პოლიტიკური დესტაბილაზაციის ელემენტი, მისი, თქმით მთელი ამ ყველაფრის მიზანი არის, მისი პოლონეთში დეპორტაცია ან საქართველოში ექსტრადაცია.
პოლიტოლოგის თქმით, სააკაშვილის დაბალი რეიტინგის შემთხვევაშიც კი ათასობით მხარდამჭერი ჰყავს, რაც ნიშნავს, რომ უკრაინის ხელისუფლებისთვის ის ნამდვილად საფრთხის შემცველია.
კითხვაზე, თუ რატომ იყო სახურავზე ასვლა მისთვის ერთადერთი არჩევანი, პოლიტოლოგი პაუხობს: "მას საქართველოში კარგი არაფერი ელის. დასავლეთშიც არავინ ელოდება. ერთადერთი გამოსავალია, უკრაინის პოლიტიკაში სიტუაციის გამყარება და ამას აკეთებს კიდეც, რათა პოლიტიკურად გადარჩეს. მას თავისუფლად შეუძლია, ნებისმიერ ქვეყანაში მშვიდად გააგრძელოს ცოვრება, თუმცა, პოლიტიკური აქტიურობის საშუალება მხოლოდ უკრაინაში აქვს" - ამბობს ბორტნიკი.
გამოცემა Гордон-ის ინფორმაციით, უკრაინის გენერალური პროკურორი, იური ლუცენკო აცხადებს, რომ ოდესის ყოფილმა გუბერნატორმა უკრაინის ექს-პრეზიდენტ ვიქტორ იანუკოვიჩის მხარდამჭერების დახმარებით, უკრაინის სახელმწიფო გადატრიალების მოსაწყობად და კიევში გამართული "მიხომაიდანის" დასაფინანსებლად, რუსეთიდან 500 ათასი დოლარი მიიღო...
gazeta.ru-ს ინფორმაციით, უკრაინელი პოლიტიკოსი, ზორიაკ შკირიაკი ირწმუნება, რომ კიევის ცენტრში გამართული აქციისთვის, ფინანსები სააკაშვილმა რუსეთიდან მიიღო. ეს ვერსია უკვე დიდი ხანია ვრცელდება უკრაინაში, რადგან მის მიერ ორგანიზებულ ყველა აქციაში, რომელიც ხელისუფლების წინააღმდეგ იყო მიმართული, პოლიტიკოსები მუდმივად პოულობდნენ "კრემლის კვალს...", - წერს გამოცემა.
სააკაშვილის დაკავებას სოციალურ ქსელებშიც გამოეხმაურნენ: ანდრეი კონინი: "არსადაც არ გადახტება, ის არის უპარაშუტო მასხარა". "მიშა, არ მოიწყინო იქ" "გაუშვით, იფრინოს..."
ლალი პაპასკირი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
