მნიშვნელოვანი ინფორმაცია
20
ივლისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 00:44-ზე, მთვარე ტყუპს ესტუმრება 13:21-ზე – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. კარგი დღეა კონტაქტებისა და გაცნობისთვის. ინფორმაციის, იდეების გაცვლა. ხელსაყრელია შეხვედრები და მოლაპარაკებები. აქტიური ორგანოებია: მხრები, მკლავები, თითები, ფილტვები, ენდოკრინული სისტემა. გაწმინდეთ ფანჯრები. გაანიავეთ სახლი. მოერიდეთ მძიმე საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სირიაში ომი დამთავრდა, მაგრამ არ დამთავრებულა?
02:00 / 05-12-2017
სირიაში თითქოს ომი დასრულდა, მაგრამ ... არ დასრულებულა - სირიისა და რუსეთის ლიდერების ხმამაღალი განცხადებების კვალდაკვალ, რომ "დაეშის ტერორისტული ორგანიზაციის დაცემა რეგიონში" დასრულებულია, საერთაშორისო ექსერტები ასევე ამბობენ, რომ ჯერჯერობით გაურკვეველია, რა ბედი ეწიათ ექსტრემისტების მეთაურებს - დაიხოცნენ, დააპატიმრეს თუ სადმე თავი შეაფარეს, ახალი ამბოხება რომ დაგეგმონ. მათი ლიდერის ბოლო მიმართვა სექტემბერში გავრცელდა.
სირიაში "ისლამური სახელმწიფოს" სტრატეგიულ ცენტრად და დედაქალაქად მიჩნეული რაქა ოთხთვიანი ბრძოლის შემდეგ ოქტომბერში დაიკავეს სირიის დემოკრატიულმა ძალებმა, მაგრამ ყველა ძალა, ვინც "ისლამურ სახელმწიფოს" სირიასა და ერაყში ებრძოდა, ახლა დაძაბული ელოდება პარტიზანული ომის ახალ ტალღას, რადგან ტერორისტებმა უკვე არაერთხელ, არაერთ ქვეყანაში წარმოებული შეიარაღებული მოქმედებებით აჩვენეს, რომ ამ ტაქტიკაშიც საკმაოდ ძლიერნი არიან.
უსაფრთხოების საკითხებში დასავლეთის ხელმძღვანელებიც ადასტურებენ, რომ ტერიტორიის დაკარგვა არ ნიშნავს თავდასხმების დასრულებას. თავდასხმები სხვადასხვა ფორმით არაერთ ქვეყანაში ხორციელდება - ცეცხლსასროლი იარაღით, "შაჰიდის ქამრებით", დანებით, სატვირთო მანქანებით...
გარდა ამისა, მათი საკმაოდ დიდი ნაწილი სირიაშიც რჩება, ამის დასტურია 3 დეკემბერს განხორციელებული რუსეთის ავიაციისა და სირიის სამთავრობო ჯარების თავდასხმები, რასაც 30-მდე ადამიანი ემსხვერპლა და ათობით დაიჭრა.
საინფორმაციო სააგენტო reuters -ი ადგილობრივი მოსახლეობის მონათხრობსა და ორგანიზაცია "სირიის ადამიანის უფლებათა ობსერვატორიის" ცნობებზე დაყრდნობით იუწყება, რომ 17 ადამიანი შეეწირა დამასკოსთან მდებარე, აღმოსავლეთ გუთაში საცხოვრებელი კვარტლისა და ბაზრის დაბომბვას.
ზოგადად კი, უფლებადამცველების ინფორმაციით, ბოლო 20 დღის განმავლობაში აღმოსავლეთ გუთის რაიონში, 200-მდე სამოქალაქო პირი დაიღუპა, მათ შორის ბავშვებიც არიან... გაეროს მონაცემებით კი, ამჟამად რეგიონში, 400 ათასამდე სამოქალაქო პირია და მათი უმრავლესობა ჰუმანიტარული და სამედიცინო დახმარების გარეშეა, თუმცა, გაეროს წარმომადგენლებს აღმოსავლეთ გუთის საზღვრების გადაკვეთის უფლებას არ აძლევენ.
სირიის არმიის ოფიციალური ცნობით, სირიაში სამხედრო კონფლიქტი უკვე განეიტრალებულია, მაგრამ რეგიონიდან სხვადასხვა ორგანიზაციებისა და საერთაშორისო მედიის ინფორმაციით, ვრცელდება ცნობები, რომ შეტაკებები მაინც გრძელდება.
ამასთან, სამხედრო ანალიტიკოსების თქმით, დაჯგუფება ახლა უცხოეთში თავდასხმების მოწყობაზე არის ორიენტირებული. გარდა ამისა, მათი იდეოლოგები ცდილობენ ახალ-ახალი საყრდენი იპოვონ ევროპაში და იმ უცხოელებს, ვინც უკვე იყვნენ სირიასა და ერაყის "ისლამური სახელმწიფოს" ტერიტორიაზე, თავდასხმების სხვადასხვა ქალაქებში მოწყობისკენ მოუწოდებენ.
დაჯგუფების ტაქტიკური ცვლილება მათ ბოლო ვიდეო კლიპში ჩანს, რომელშიც ტერიტორიების კონტროლისთვის მებრძოლების ნაცვლად, ნაჩვენებია შეიარაღებული თავდამსხმელებით სავსე რამდენიმე ავტომობილი.
ანალიტიკოსების აზრით, "ისლამური სახელმწიფო" სირიასა და ერაყში ტერიტორიების დაკარგვასთან ერთად, გავლენას კარგავს ონლაინ სივრცეში, ან შეიძლება მათი უკანდახევის სტრატეგია ახალი გეგმისთვის მზადება ან სულაც ძალების მოკრებისთვის განკუთვნილი პაუზა იყოს, რამაც მსოფლიოს ქვეყნებს მოდუნების საშუალება არ უნდა მისცეს.
ლალი პაპასკირი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ლევან ხაბეიშვილს პირდაპირ ეთერში თავს დაესხნენ - დაპირისპირების ამსახველი კადრები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
