11
ივნისიდღის ზოგადი ასტროლოგიური პროგნოზი
გამოძიების დასრულებამდე #51-ე საჯარო სკოლისა და პირველი ექსპერიმენტული სკოლის დირექტორების გათავისუფლების საკითხზე განათლების სამინისტროში მსჯელობა არ მიმდინარეობს, - ამის შესახებ ჟურნალისტებს განათლებისა და მეცნიერების მინისტრის მოადგილემ ლია გიგაურმა განუცხადა.
მისი განმარტებით, დირექტორების პასუხისმგებლობის საკითხი მას შემდეგ დადგება დღის წესრიგში, რაც გამოძიება დაადგენს, რა მოხდა და ვინ იყო დამნაშავე. განათლების მინისტრის მოადგილის ინფორმაციით, სამინისტროს მუდმივი კომუნიკაცია აქვს როგორც აღნიშნული სკოლის დირექტორებთან, ისე სხვა სკოლის დირექტორებთანაც.
"ჩვენ დაველოდებით გამოძიების დასრულებას და მისი დასრულების შემდეგ დავიწყებთ მსჯელობას მათ პასუხისმგებლობასთან დაკავშირებით", - აღნიშნა ლია გიგაურმა, რომელიც შს სამინისტროში უწყებათაშორის საკოორდინაციო საბჭოს შეხვედრას ესწრებოდა. საბჭოს წევრებმა დღეს მანდატურის სამსახურის ფუნქციიაზე, ასევე, უსაფრთხოების საკითხებთან დაკავშირებით საპატრულო პოლიციის როლსა და ამ მიმართულებით მოკლე და გრძელვადიან გეგმებზე იმსჯელეს.
საკოორდინაციო საბჭოს მეორე შეხვედრა უახლოეს მომავალში გაიმართება, რომელსაც კვლავ შსს-ს, საქართველოს პროკურატურის, განათლების სამინისტროს, იუსტიციის სამინისტროს წარმომადგენლები დაესწრებიან. ასევე იგეგმება გაფართოებული შეხვედრა, რომელში მონაწილეობაც შეეძლებათ არასამთავრობო და საერთაშორისო ორგანიზაციების წარმომადგენლებს, ფსიქოლოგებსა და საკანონმდებლო ხელისუფლების წარმომადგენლებს. როდის გაიმართება აღნიშნული საბჭოს მეორე სხდომა, ჯერჯერობით უცნობია.
