მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
ხუთშაბათი, მთვარის მეათე დღე დაიწყება 15:45-ზე, მთვარე სასწორშია – რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. დღეს დაწყებული მოგზაურობა აუცილებლად წარმატებით დასრულდება. ზედმეტი არ მიირთვათ. კარგია მცენარეული ჩაის, ნატურალური წვენების დალევა და ბოსტნეულის კერძების ჭამა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მშობლებო, ჩვენს შვილებს უჭირთ... ნუ იფიქრებთ, რომ აღზრდის დრო დასრულდა და ახლა "რჩენაა" მთავარი..."
02:27 / 04-12-2017
თბილისში მომხდარ ტრაგედიას - მოსწავლეების ჩხუბის შედეგად 2 არასრულწლოვანის გარდაცვალებას, ვებ-გვერდი mshoblebi.ge ეხმაურება:
"შეუძლებელია, არ გამოვეხმაუროთ თბილისში ორი მოზარდის საზარელი მკვლელობის ფაქტს. როცა საქმე მოზარდის მიერ ჩადენილ დანაშაულს ეხება, ამ დროს მშობლის ფაქტორის გამორიცხვა წარმოუდგენელია.
უკვე მეოთხე წელია ჩვენი ვებგვერდი mshoblebi.ge არსებობს და ვცდილობთ, მშობლისთვის ყველა მტკივნეულ საკითხს შევეხოთ. ფეხმძიმობიდან დაწყებული, მოხუცი მშობლებითა და ოჯახური ურთიერთობებით დამთავრებული, ვცდილობთ, არ გამოგვრჩეს არაფერი, რაც ამა თუ იმ ეტაპზე მშობლების საფიქრალი თუ სადარდებელი ხდება.
რა თქმა უნდა, ამ წლების განმავლობაში გამოიკვეთა შედარებით კითხვადი და ნაკლებად აქტუალური საკითხები და გულისტკივილით აღვნიშნავთ, რომ მოზარდთა (ე.წ. თინეიჯერთა) პრობლემები ყოველთვის მკითხველის დაბალი აქტივობით გამოირჩევა. სამწუხაროდ, გარდატეხის, ყველაზე რთულ ასაკში მყოფი მოზარდების პრობლემებზე მომზადებული თემებით მშობელთა აუდიტორია ნაკლებად ინტერესდება.
მათ შესახებ თითქმის არაფერს კითხულობენ, ანუ საზოგადოება გულგრილია მოზარდების პრობლემების მიმართ და როგორც ჩანს, ამ საკმაოდ რთული ასაკის ბავშვების მშობლებიც ბოლომდე ვერ აცნობიერებენ, რომ "უკვე გაზრდილ" შვილსაც ესაჭიროება ყურადღება, რომ ძალიან მნიშვნელოვანია მათი ემოციური მდგომარეობა, ცხოვრების წესი, სამეგობრო წრე...
ჰგონიათ, რომ შვილები უკვე დაზარდეს და ახლა მთავარი მათი ფინანსური უზრუნველყოფა, სწავლა და მომავლის დაგემვაა. ამიტომ მთელს დროსა და ენერგიას მუშაობაში, ფინანსების მოძიებაში დებენ, რათა წამოზრდილ შვილს მომავლის შექმნაში ხელი შეუწყონ...
სინამდვილეში, კი მოზარდებს ყველაზე მეტად მშობლისგან დრო, ყურადღება, მოთმინება, სითბო და გაგება სჭირდებათ...
ჩვენს შვილებს უჭირთ... უფრო მეტად უჭირთ, ვიდრე მაშინ, სიარულს, საუბარს და საკუთარი ხელით ჭამას რომ სწავლობდნენ. ნუ იფიქრებთ, რომ აღზრდის დრო დასრულდა და ახლა "რჩენაა" მთავარი. ჩვენ ყველაზე უკეთ გვესმის, რამხელა მატერიალური რესურსი სჭირდება შვილების მოვლას, აღზრდას, მათთვის განათლების მიცემას და ისიც ვიცით, ამისთვის დღე და ღამის გასწორება რომ უწევთ მშობლებს... მაგრამ რა აზრი აქვს თავდადებას, თუ ყველაზე მთავარი - მათი სიცოცხლე და უსაფრთხოება დადგა ეჭვქვეშ...
mshoblebi.ge ყველა მშობელს შვილების ბედნიერებას უსურვებს და კიდევ ერთხელ მოგიწოდებთ, მეტი ყურადღება დაუთმოთ და მეტად გაერკვეთ მოზარდთა ასაკობრივ სირთულეებში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
