5
ივნისიდღის ზოგადი ასტროლოგიური პროგნოზი
პაციენტის გადარჩენის შანსი არსებობს, თუმცა, მისი მდგომარელბა კვლავ კრიტიკულად მძიმეა, - ამის შესახებ ჟურნალისტებს რესპუბლიკური საავადმყოფოს დირექტორმა ავთანდილ იმედაძემ განუცხადა.
მისი თქმით, პაციენტი მეორე ოპერაციისთვის ემზადება, ვინაიდან პირველად ჩატარებული ოპერაციის შემდგომ გაკეთებულმა კვლევებმა აჩვენა, რომ მას მეორე ოპერაციის ჩატარებაც სჭირდებოდა. იმედაძის განცხადებით, ოპერაცია ხანგრძლივი იქნება და მისი დასრულების შემდეგ გახდება შესაძლებელი შედეგებზე საუბარი.
"პაციენტის მდგომარეობა კრიტიკულად მძიმეა. ოპერაცია დასრულდა და გაკეთდა შესაბამისი კვლევები, რამაც დაადასტურა, რომ მას სჭირდება კიდევ ერთი ოპერაცია და ის რამდენიმე წუთში დაიწყება. გადარჩენის შანსი არსებობს და ეს შანსი დიდია. ამიტომ მიმდინარეობს ბრძოლა", - განაცხადა ავთანდილ იმედაძემ.
რესპუბლიკურ საავადმყოფოში რამდენიმე წუთის წინ მივიდა განათლებისა და მეცნიერების მინისტრის მოადგილე ლია გიგაური, მას ჯერ ჟურნალისტებთან კომენტარი არ გაუკეთებია. ის ამ წუთებში სკოლის პედაგოგებსა და დაჭრილი მოზარდის თანაკლასელებს ესაუბრება. ასევე, შეხვდება საავადმყოფოს მედპერსონალს და შესაბამის განცხადებას გააკეთებს.
ასევე დაგაინტერესებთ: ვინ იყო 16 წლის ბიჭი, რომელიც თბილისში არასრულწლოვნებს შორის მომხდარი ჩხუბის დროს მოკლეს
