მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რას ჰყვებიან მეზობლები მოსწავლეების ჩხუბზე - "ერთ-ერთი სკოლის სასწავლო ნაწილის გამგე ტიროდა და დაჭრილს ეფერებოდა"
10:43 / 01-12-2017
ხორავას ქ. #4-ში მოზარდებს შორის მომხდარი დაპირისპირების შესახებ მეზობლები საუბრობენ. მათ განცხადებით, თავდაპირველად გაიგეს ბავშვებს შორის კამათი და ხმამაღალი საუბარი. ამის შემდეგ კი შენიშნეს, რომ ორი მოზარდი ერთმანეთისაგან რამდენიმე მეტრის მოშორებით დაჭრილი ძირს ეგდო. მეზობლებმა სასწრაფო დახმარება გამოიძახეს.
როგორც ადგილობრივი მცხოვრები ლალი მესხი ჟურნალისტებთან ამბობს, მომხდარიდან ცოტა ხანში ადგილზე მივიდა ერთ-ერთი სკოლის სასწავლო ნაწილის გამგე.
"უცებ შემოცვივდნენ ბავშვები ეზოში. ამ დროს მე ფანჯრიდან გავიხედე და ერთ წამში მოხდა ყველაფერი. ვერ გავიგე რა ხდებოდა. მერე დავინახე, რომ ვიღაცები გაიქცნენ, ერთ ბიჭს კი სისხლის კვალი ჰქონდა. ყველა ვრეკავდით სასწრაფოში. პოლიციაც დროულად მოვიდა, ასევე, იყო მეორე დაჭრილი. როგორც გავიგეთ, ერთ-ერთი სკოლის სასწავლო ნაწილის გამგე მოვიდა ადგილზე. ტიროდა და ეფერებოდა დაჭრილს", - განაცხადა ლალი მესხმა.
კიდევ ერთი მეზობელი ყვება, რომ ბავშვებს შორის ხმამაღალი საუბარი თვითონაც გაიგო.
"ბევრი ბავშვი იყო. ერთმანეთს ეუბნებოდნენ, რომ გაჩერებულიყვნენ. სხვა ვერაფერი გავიგე. როგორც ამბობენ, 51-ე სკოლის მოსწავლეები იყვნენ. ასევე მოქალაქეები ამბობენ, რომ აქ მოვიდა სასწავლო ნაწილის გამგე. რაც შეეხება იმ მოზარდს, რომელიც გარდაიცვალა, პირადად მე არ ვიცნობდი, თუმცა კარგად ახასიათებენ", - განაცხადა მეზობელმა.
არსებული ინფორმაციით, ხორავას 4-ში ურთიერთდაპირისპირება 51-ე და მე-6 სკოლის მოსწავლეებს შორის მოხდა, რა დროსაც ორი მათგანი დაიჭრა. ერთი მათგანი რესპუბლიკურ საავადმყოფოშია გადაყვანილი, სადაც უკვე 3 საათია ოპერაცია უტარდება, მეორე კი კლინიკაში მიყვანამდე გარდაიცვალა. მომხდართან დაკავშირებით სამართალდამცავებმა გამოძიება განზრახ მკვლელობის მუხლით დაიწყეს. შემთხვევის ადგილზე ამ დრომდე იმყოფებიან საპატრულო პოლიციის წარმომადგენლები და ექსპერტ-კრიმინალისტები, რომლებიც საგამოძიებო მოქმედებებს ატარებენ.
ასევე დაგაინტერესებთ: ვინ იყო 16 წლის ბიჭი, რომელიც თბილისში არასრულწლოვნებს შორის მომხდარი ჩხუბის დროს მოკლეს
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
