30
მაისიდღის ზოგადი ასტროლოგიური პროგნოზი
ინოვაციურ მეთოდზე გვესაუბრება ნ. ბოხუას სახელობის კარდიოვასკულარული ცენტრის ენდოვასკულარული ქირურგიის და კათეტერიზაციის ლაბორატორიის ხელმძღვანელი, მედიცინის მეცნიერებათა დოქტორი, ენდოვასკულარული ქირურგი, ვახტანგ ყიფიანი.
რას ნიშნავს არტერიების და ვენების მკურნალობის ინოვაციური, "უსისხლო" და ნაკლებტრავმული მეთოდი ?
ბოხუას კარდიოვასკულარულ ცენტრში გულისა და სისხლძარღვების კათეტერიზაციის ლაბორატორია ფუნქციონირებს უკვე 6 წელია. ამ დროის განმავლობაში შესრულდა 6 000-ზე მეტი სისხლძარღვშიდა ოპერაცია გულისა და სხვა ორგანოს მკვებავ სისხლძარღვებზე. ვცდილობთ მუდმივად დავნერგოთ უახლოესი ტექნოლოგიები, რაც გააუმჯობესებს პაციენტთა მკურნალობის ეფექტურობას და შორეულ შედეგებს. აქვე მნიშვნელოვანია აღინიშნოს, რომ ცენტრის საოპერაციო სრულად აღჭურვილია მაღალტექნოლოგიური აპარატურით და მოწყობილობებით.
რაც შეეხება უშუალოდ აღნიშნულ მეთოდს, კლინიკამ პირველად საქართველოში დანერგა "როტაცული თრომბექტომის" მეთოდით არტერიული და ვენური სისტემის სისხლძარღვების მკურნალობა შვეიცარული კომპანიის Staub Medical, მიერ წარმოებული სპეციალური მოწყობილობით. ევროპის წამყვან კლინიკებში აღნიშნული, რევოლუციური მეთოდი უკვე წარმატებით გამოიყენება 2003 წლიდან.
ამ მეთოდის ინოვაციურობა მდგომარეობს იმაში, რომ შესაძლებელია როგორც არტერიული ისე ვენური სისტემის სრული ენდოვასკულარური (სისხლძარღვშიდა, "უსისხლო") მკურნალობა სისხლძარღვების დამხშობი დაავადებებისას (არტერიული და ვენური ოკლუზიებისას). უმეტეს შემთხვევებში ეს საშუალებას იძლევა, რომ ოპერაცია წარმოებდეს განაკვეთის გარეშე, რაც ნაკლებტრავმულია. პაციენტი არ საჭიროებს ზოგად ანესთეზიას, ოპერაციის შემდგომ ხანგრძლივ რეაბილიტაციას. ეფექტურობა აღემატება 90%-ს, რასაც ადასტურებს მსოფლიოში მრავალი ქვეყნის მოწინავე კლინიკის სტატისტიკა. რაც ყველაზე მთავარია, Straub Medical სისტემის გამოყენება შესაძლებელია არტერიების და ვენების არამხოლოდ ქრონიკული დაავადებებისას, არმედ მწვავე და გართულებულ შემთხვევაშიც, იმ დროს როდესაც კიდურის ან ორგანოს შეუქცევადი ცვლილებები, ინვალიდიზაცია ან სიკვდილიანობა მაღალია ტრადიციული მკურნალობისას. მაგ: ქვედა კიდურების არტერიების მწვავე დახშობისას, როდესაც მაღალია კიდურის ამპუტაციის რისკი, მაგისტრალური ვენების მწვავე თრომბოზისასას, რაც ხშირ შემთხვევაში იწვევს ინვალიდიზაციას ან პაციენტის სიკვდილს ფილტვის არტერიის თრომბოემბოლიის გამო.
როგორია ამ აპარატის მუშაობის პრინციპი? როგორ ხდება თრომბზე ზემოქმედება?
აღნიშნული მეთოდი ევროპის მოწინავე ქვეყნების კარდიოვასკულარულ ცენტრებში გამოიყენება ყოველწლიურად ხდება მოწყობილობის ტექნოლოგიური მახასიათებლების სრულყოფა და მოდერნიზება. ამ დროის მანძილზე დაგროვდა უამრავი გამოცდილება. მსოფლიო სტატისტიკა ამტკიცებს Straub Medical მოწყობილობის და მეთოდის, როტაციული თრომბექტომიის- უსაფრთხოებას და ეფექტურობას.
აღნიშნული მოწყობილობა შედგება მართვის სისტემისგან და როტაციული კათეტერისგან.
იმის და მიხედვით, თუ რომელ სისხლძარღვზე აპირებს ქირურგი ზემოქმედებას, არსებობს რამდენიმე სახის როტაციული თრომბექტომიური კათეტერები, შექმნილი როგორც არტერიულ, ისე ვენურ სიტემაზე ზემოქმედებისთვის. კათეტერების დიამეტრი მერყეობს 2 დან 3 მმ. შედარებისთვის მათი დიამეტრი არ აღემატება ასანთის ღერის დიამეტრს.
როტაციული კატერის მოქმედება ხორციელდება მართვის სისტემის საშუალებით, რომლის მოქმედებაც თავად კონტროლირდება ოპერატორის მიერ.
როტაციული კათეტერი წვერით ზემოქმედებს დახურული სისხლძარღვზე მისი სანათურში არსებულ თრომბულ მასებზე, იწვევს თრომბის ფრაგმენტაციას და უკვე დაშლილი ნაწილაკების სწრაფადვე ევაკუაციას ორგანიზმის გარეთ სპეციალურ კონტეინერში. გარდა ამისა, თუ თრომბის გაჩენის მიზეზია ათეროსკლეროზური ფოლაქი (ფოლაქის დაშლით ან კრიტიკული სტენოზით გამოწვეული თრომბოზი) კათეტერის წვერი ახდენს მის ფრაგმენტაციასაც და დაშლილი ნაწილების ექსტრაქციას.
უშუალოდ რომელი პათოლოგიების დროს გამოიყენება აღნიშნული ინოვაციური მეთოდი?
აღნიშნული მეთოდი გამოიყენება თითქმის ყველა სახის მაგისტრალური თუ პერიფერიული სისხლძარღვების თრომბული ოკლუზიებისას (დახშობისას):
ზედა და ქვედა კიდურების როგორც არტერიული ისე ვენური, მწვავე თუ ქრონიკული ოკლუზიებისას; შინაგანი ორგანოების (ნაწლავები, ღვიძლი, თირკმლები მკვებავი სისხლძარღვების თრომბული დახშობისას; სადიალიზო ფისტულების თრომბული დახშობისას; ფილტვის არტერიის მასიური თრომბოემბოლიისას.
ეს სისტემა არ გამოიყენება გულისა და თავის ტვინის მკვებავ სისხლძარღვებზე, გათვალისწინებით იმისა, რომ ამ სისხლძარღვების კალიბრი (დიამეტრი) არაღემატება 2-3 მმ.
როგორ და სად შეუძლია პაციენტს მიიღოს აღნიშნული სამედიცინო სერვისი?
აღნიშნული სერვისის მიღება შესაძლებელია ბოხუას სახელობის კარდიოვასკულარულ ცენტრში. ეფექტური და მიზანმიმართული მკურნალობისთვის პირველ რიგში საჭიროა დაავადების ზუსტი მიზეზის დადგენა. ამისათვის საჭიროა ანგიოლოგის ან ანგიოქირურგის კონსულტაცია. შესაძლოა ჩაგიტრდეთ დამატებითი კვლევები, რაც გამოავლენს დაავადების განვითარების სავარაუდო მიზეზს.
R
