მნიშვნელოვანი ინფორმაცია
3
ივლისიდღის ზოგადი ასტროლოგიური პროგნოზი
პარასკევი, მთვარის მეათე დღე დაიწყება 16:04-ზე, მთვარე მორიელში გადავა 13:33-ზე – გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. ჩაერთეთ შემოქმედებით და ინტელექტუალურ საქმიანობაში. ფრთხილად იყავით ემოციებთან. ხელსაყრელი დღეა რთული პრობლემების გადასაჭრელად. კარგია ჭურჭლისა და სარეცხის გარეცხვა. მორწყეთ მცენარეები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სომხეთი ევრაზიულ კავშირსა და ევროკავშირს შორის...
08:48 / 26-11-2017
"სომხეთი ისეთი ქვეყანაა, რომელიც წარმატებულად უთავსებს ევრაზიული ეკონომიკური კავშირის წევრობასა და ევროკავშირთან სამეზობლო სტრატეგიაში მონაწილეობას", - ასეთი განცხადება გააკეთა, ბრიუსელში, ევროპული სახალხო პარტიის სამიტზე გამოსვლისას სომხეთის პრეზიდენტმა. სერჟ სარგსიანის განცხადებით, სომხეთი მომავალშიც ამ კურსს განაგრძობს... სარგსიანმა, ბრიუსელში სომხეთის ევროკავშირთან სომხეთის ურთიერთობების განვითარების აუცილებლობაზე გააკეთა აქცენტი.
სომხეთსა და ევროკავშირს შორის ახალი შეთანხმების ხელმოწერა უკვე დაგეგმილია, რასაც სომხური მედია წარმატების პირველ ნაბიჯად აფასებს. თუმცა, ხელშეკრულების წარმატებით შესრულებას არ ელიან სომეხი პოლიტიკოსები და ექსპერტები, რადგან მიაჩნიათ, რომ სომხეთის სტრატეგიული პარტნიორი რუსეთი და ფედერაციის პირველი პირები მათ ამის საშუალებას არ მისცემენ.
"ჩვენ, არაერთი მწარე გამოცდილება გვაქვს, თუ როგორ დაგვახევინა უკან ჩვენმა სტრატეგიულმა პარტნიორმა, თუნდაც გასულ ზაფხულს. საქართველოს 2017 წლის სექტემბრის წვრთნებში სომხეთმა მონაწილეობაზე უარი სწორედ მოსკოვის ზედმეტი გაღიზიანების თავიდან ასარიდებლად განაცხადა, ამიტომაც, სულაც არ არის გამორიცხული, რუსეთმა სარგსიანს უკვე გადაწყვეტილ საკითხზე აზრი შეაცვლევინოს", - აცხადებს სომეხი პოლიტოლოგი ლეონიდ ნარსესიანი.
დაახლოებით მსგავსი რამ 2013 წელსაც მოხდა, როდესაც სომხეთსა და ევროკავშირს შორის ასოცირების შეთანხმების შესახებ მოლაპარაკებები დაიწყო და მხოლოდ შეთანხმებაზე ხელმოწერა იყო დარჩენილი, სომხეთში დაიწყეს მსჯელობა, რომელი საინტეგრაციო პროექტი უნდა აერჩია სომხეთს - ევროპული თუ ევრაზიული ინტეგრაციის.
ახლა სომხეთში განსხვავებული ვითარებაა - ევრაზიული კავშირის მინუს-პლუსებზე უკვე აღარ მსჯელობენ, რადგან სომხეთმა თავისი არჩევანი უკვე გააკეთა. თუმცა, მიუხედავად ამისა, არც ევროპულ კურსზე ამბობს უარს. ახლა მთავარია, როგორ შეძლებს ლავირებას სარგსიანი ევროკავშირსა და ევრაზიულ კავშირთან ერთდროულად.
სომხეთის პრეზიდენტი კატეგორიულად უარყოფს ვლადიმირ პუტინის მხრიდან, მისი ქვეყნის ევროკავშირთან თანამშრომლობის საქმეში, რაიმე ტიპის ჩარევას. "არც მას და არც სხვა რუს მაღალჩინოსნებს სომხეთის ევროკავშირთან თანამშრომლობის საწინააღმდეგო სიტყვაც კი არასდროს დასცდენიათ", - აცხადებს სარგსიანი პრესასთან საუბარში.
ევროკავშირისა და ექვსი ყოფილი საბჭოთა ქვეყნის ლიდერები 24 ნოემბერს იმდენად სწრაფად შეთანხმდნენ "აღმოსავლეთის პარტნიორობის" სამიტის დეკლარაციის საბოლოო ერთობლივ ვერსიაზე, რომ ორი წლის წინანდელი ვითარებისგან განსხვავებით, კამათიც ვერ მოასწრეს.
ამასთან, "აღმოსავლეთის პარტნიორობის" სამიტზე, რომელიც ბრიუსელში გაიმართა, ევროკავშირმა და სომხეთმა ხელი მოაწერეს შეთანხმებას ყოვლისმომცველი და გაფართოებული პარტნიორობის შესახებ. ევროკავშირის საგარეო-პოლიტიკური ლიდერის, ფედერიკა მოგერინის განმარტებით, ასეთი შეთანხმება პირველად დაიდო ქვეყანასთან, რომელიც ამავე დროს არის "ევრაზიის ეკონომიკური კავშირის" წევრი.
თავის მხრივ, სომხეთის საგარეო საქმეთა მინისტრის, ედუარდ ნალბანდიანის განცხადებით, "სომხეთმა უკვე განსაზღვრა თავისი საგარეო პოლიტიკური კურსი და მტკიცედ აქვს გადაწყვეტილი, კიდევ უფრო განავითაროს და განამტკიცოს ყოვლისმომცველი თანამშრომლობა ევროკავშირთან", - აღნიშნავს ნალბანდიანი და ირწმუნება, რომ რუსეთის სტრატეგიული მოკავშირეობა, ამ ახალ ურთიერთობას ხელს საერთოდ არ უშლის.
იგივეს აცხადებენ ბრიუსელში. საგარეო საქმეთა და უსაფრთხოების საკითხებში ევროკავშირის უმაღლესი წარმომადგენლის, ფედერიკა მოგერინის განცხადებით, "ეს შეთანხმება სომხეთსა და ევროკავშირს შორის, გლობალური პოლიტიკური და ეკონომიკური ინტერესების კუთხით, ურთიერთობების საზღვრებს გააფართოვებს; ამასთან, სომხეთში ბიზნეს გარემოსა და ინვესტიციების შესაძლებლობების გაუმჯობესებას, დემოკრატიას, ადამიანის უფლებებისა და კანონის უზენაესობის აღიარებას დაეხმარება; შეთანხმება მხარს უჭერს ასევე მთიანი ყარაბაღის კონფლიქტის მშვიდობიან დარეგულირებას.
24 ნოემებრს ბრიუსელში ვიზიტის დროს სომხეთის პრეზიდენტმა სერჟ სარგსიანმა ისაუბრა იმაზე, რომ სომხეთი წარმატებით უთავსებს ევრაზიულ ეკონომიკურ კავშირითან და ევროკავშირთან თანამშრომლობას.
ლალი პაპასკირი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოში ყოველთვიურ ხელფასს დაახლოებით მილიონი ადამიანი იღებს, აქედან უმეტესობას ხელფასი თვეში 1200 დან 2400 ლარამდე აქვს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
