დაღუპული სპეცრაზმელის, ივანე გოლოშვილის სამოქალაქო პანაშვიდზე მთავრობის წევრები მივიდნენ
ქაშუეთის წმინდა გიორგის სახელობის ტაძარში, სადაც 22 ოქტომბერს დაღუპული სპეცრაზმელის, ივანე გოლოშვილის სამოქალაქო პანაშვიდი მიმდინარეობს, საქართველოს პრემიერ-მინისტრი გიორგი კვირიკაშვილი, სახელმწიფო უსაფრთხოების სამსახურის ხელმძღვანელი ვახტანგ გომელაური, შს მინისტრი გიორგი გახარია, თავდაცვის მინისტრი ლევან იზორია და მინისტრთა კაბინეტის სხვა წევრები მივიდნენ. მათ გარდაცვლილის ხსოვნას პატივი მიაგეს და ოჯახის წევრებს მიუსამძიმრეს. პანაშვიდზე იმყოფება ასევე თბილისის მერი კახა კალაძე.
გარდაცვლილ სპეცრაზმელს ქაშუეთის ტაძრიდან 14:00 საათზე გამოასვენებენ და მუხათგვერდის ძმათა სასაფლაოზე დაკრძალავენ. ივანე გოლოშვილის ოჯახს მთავრობა კომპენსაციის სახით ერთჯერადად 100 000 ლარს გადასცემს, ხოლო ყოველთვიურად მათ 1000 ლარის ოდენობით პენსია დაენიშნება.
ივანე გოლოშვილი 22 ოქტომბერს ბერი გაბრიელის ქუჩაზე მიმდინარე სპეცოპერაციის დროს თავის არეში დაიჭრა. მას გადაუდებელი ოპერაცია ჩაუტარდა, თუმცა, ექიმებმა მისი გადარჩენა ვერ შეძლეს.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
