ავსტრიიდან არალეგალურად მცხოვრები საქართველოს 7 მოქალაქე დააბრუნეს. როგორც "ინტერპრესნიუსს" საგარეო საქმეთა სამინისტროს პრესსამსახურში განუცხადეს, მათი ქვეყნიდან გამოშვება რეადმისიის ფარგლებში მოხდა.
"ეს არ იყო დეპორტი. რეადმისიის ფარგლებში მოხდა იქ მცხოვრები არალეგალურად მცხოვრები ქართველების გამოშვება. 7 მოქალაქის დაკავება მოხდა და რეადმისიის ფარგლებში დაბრუნება საქართველოში", - აცხადებენ საგარეო საქმეთა სამინისტროში.
საქართველოს მოქალაქების ავსტრიიდან დეპორტაციის შესახებ ინფორმაცია სოციალურ ქსელში ორი დღის წინ გავრცელდა.
