9
ივნისიდღის ზოგადი ასტროლოგიური პროგნოზი
გაბრიელ სალოსის ქუჩაზე წუხელ ღამიდან მიმდინარეობს სპეცოპერაცია. ერთ-ერთი ვერსიით, სპეცოპერაციის რამდენიმე საათს გაგრძელების მიზეზი, მძევლები იყვნენ, თუმცა, სახელმწიფო უსაფრთხოების სამსახურმა, ეჭვმიტანილების მხრიდან მძევლების არსებობის შესახებ გავრცელებული ინფორმაცია კატეგორიულად უარყო.
კიდევ ერთი ვერსიით, სპეცოპერაციის გაჭიანურების მიზეზი, ისიც გახდა, რომ სავარაუდოდ ტერორიზმში ერთ-ერთი ეჭვმიტანილი მნიშვნელოვანი ფიგურაა, დიდძალ ინფორმაციას ფლობს და ის შესაბამის სამსახურებს ცოცხლად სჭირდებოდათ.
სავარაუდოდ ტერორისტულ დაჯგუფებასთან კავშირში მყოფი პირები გაბრიელ სალოსის ქუჩაზე ნაქირავებ ბინაში ცხოვრობდნენ. მათ
ბინა სოფელ დუისის მცხოვრებმა მიაქირავა, პრომელიც დღეს დუისის პოლიციის შენობაში დაკითხეს. დუისის მკვირდმა ასლან ჯაბრალოევმა თბილისში საკუთარი საცხოვრებელი სახლი რამდენიმე თვის წინ გააქირავა. ჟაბრალოევი ახმეტაში ერთ-ერთ ბენზინგასამართ სადგურზე მუშაობს.
სოფელ დუისის რწმუნებულმა თამარ მარგოშვილმა AMBEBI.GE-სთან საუბარში განაცხადა, რომ თბილისში მიმდინარე სპეცოპერაციის დროს დააკავეს რიზვან გორნაკაშვილი, რომელიც ასლან ჯაბრაელოვის ცოლისძმაა. გორნაკაშვილის დაკავების შესახებ ინფორმაცია დღეს სუს-მა გაავრცელა. უწყების ინფორმაციით, ის და კიდევ რამდენიმე ეჭვმიტანილი, არ არიან საქართველოს მოქალაქეები და არიან ტერორისტული ორგანიზაციის წევრები. "მნიშვნელოვანია აღინიშნოს, რომ სახელმწიფო უსაფრთხოების სამსახური რამდენიმე საათის განმავლობაში სპეცოპერაციის საწყის ეტაპზე აწარმოებდა მათთან მოლაპარაკებებს, ჩაბარების თაობაზე, რაზეც მათ უარი განაცხადეს. გახსნეს ცეცხლი ავტომატური ცეცხლსასროლი იარაღიდან და ხელყუმბარები ისროლეს" - განაცხადეს სუს-ში.
თამარ მარგოშვილის განცხადებით, გორნაკაშვილი რამდენიმე თვის წინ ტელეფონით დაუკავშირდა მის სიძეს, ასლანბეგ ჯაბრაილოვს და უთხრა რომ თბილისში, მისი ბინის ქირაობა სურდათ უცხო ქვეყნის მოქალაქეებს, ქირის ფასს თვეში 300 ამერიკულ დოლარს გადაიხდიდნენ.
საჯარო რეესტრის მიხედვით, თბილისში, გაბრიელ სალოსის ქუჩაზე მდებარე ეს ბინა, მერი ხანგოშვილის მფლობელობაშია. როგორც თამარ მარგოშვილი ამბობს, ბინის მფლობელმა ხანგოშვილმა, რეალურად არც კი იცოდა, რომ მის კუთვნილებაში არსებული ბინა ჩეჩნებზე იყო გაქირავებული. "მერი თვითონაც გაოცებულია, ის ამჟამად თბილისშია. იქვე იმავე უბანში ცხოვრობს, იმ კორპუსთან ახლოს" - ამბობს მარგოშვილი.
მისივე თქმით, მერი ხანგოშვილის სახელზე ბინა გადააფორმა ასლან ჯაბრალოევის დედამ, თინა გაურგაშვილმა, იქამდე სანამ თავად ავსტრიაში წავიდოდა საცხოვრებლად.
"თინა ნათესავად გვეკუთვნის, ის და მერი, რახან ერთ უბანში ცხოვრობდნენ, მეგობრობდნენ. მის შვილზე იმიტომ ვერ გადააფორმეს ბინა, რომ მაშინ შვილს, ასლანბეგს ჯაბრალოევს საქართველოს მოქალაქეობა არ ჰქონდა. ის ამჟამად დუისში ცხოვრობს, ახმეტის ავტოგასამართ სადგურში მუშაობს... თინას მეუღლე არ ჰყავს, ჩეჩენი იყო, ჯაბრაილოვი და ჩეჩნეთის ომში დაიღუპა... ორი შვილი დარჩა, ორივეს ოჯახი ჰყავს. 4 და 3 შვილი..."
- ბინის გაქირავების პროცესი როგორ მოხდა?
- ასლანბეგს დაუკავშირდა ნათესავი და უთქვამს, უცხოელებს უნდათ ბინის დაქირავება თბილისშიო და ესეც დასთანხმდა. ასლანბეგი თავად გამოცხადებულა დილით დუისის პოლიციაში...
- ვრცელდება ინფორმაცია, რომ ისანში მიმდინარე სპეცოპერაციის დროს, დაკავებულია, რიზვან გორნაკაშვილი. ვინ არის ეს ადამიანი?
- ის არის, ასლანბეგის ცოლისძმა, რომელიც მას ბინის თაობაზე დაუკავშირდა და უთხრა, - თბილისში ჩეჩნებს ბინის დაქირავება უნდათო. ანუ ასე ვთქვათ, მათ შორის შუამავლობდა.
ლალი პაპასკირი
