მნიშვნელოვანი ინფორმაცია
26
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეცხრე დღე დაიწყება 03:56-ზე, მთვარე 21:22-დან ტყუპში იქნება – საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. ამ დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. ძილის წინ მიიღეთ გამწმენდი შხაპი. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თუ ბედნიერი არ ხართ, ხაჭაპური არ უნდა გამოაცხოთ - BBC-ს ჟურნალისტი
04:20 / 21-11-2018
უგემრიელეს ხაჭაპურს ქართველები ძალიან ხშირად ამზადებენ, თუმცა ის მხოლოდ ლხინის დროს ცხვება, ამის შესახებ "ბიბისის" ჟურნალისტი დევიდ ფარლი წერს.
მისი თქმით, ქართველმა კულინარებმა განუმარტეს, რომ "თუ ცუდ ხასიათზე ხართ, ახლობლის გარდაცვალებას გლოვობთ, ან გული გაქვთ ნატკენი, ცომს ხელი არ უნდა მოკიდოთ, თავი შორს უნდა დაიჭიროთ მისგან”.
ფარლი წერს, რომ პირველად ხაჭაპური რიკოთის უღელტეხილზე გასინჯა. მასპინძლებმა განუმარტეს, რომ თუ ხაჭაპური გემრიელია, მცხობელი აუცილებლად ბედნიერია, სხვა შემთხვევაში ხაჭაპურის ჭამა შეუძლებელი იქნებოდა.
თეორიის დასამტკიცებლად ჟურნალისტი სამზარეულოში შეიყვანეს, სადაც ახალმოზელილ ცომთან იჯდა ქალი და სულგუნის ბურთებს აკეთებდა ხაჭაპურისთვის. მან სტუმრებს შეხედა და მხიარულად გაუღიმა.
ფარლი წერს, რომ ხაჭაპური საქართველოში ყველგან იყიდება - ქუჩის საცხობებში, მაღალი კლასის რესტორნებში... საქართველოს მოსახლეობის 88% პიცასა და ხაჭაპურს შორის არჩევანს ხაჭაპურის სასარგებლოდ აკეთებს.
ამასთან, შესაძლოა, ხაჭაპურის ისტორია პიცასაც უკავშირდებოდეს.
"შავი ზღვით რომაელი ჯარისკაცები ჩამოდიოდნენ საქართველოს ტერიტორიაზე და მათ ჩამოჰქონდათ პიცის მსგავსი რეცეპტები. მეთექვსმეტე საუკუნემდე ევროპაში პომიდორი არ იყო, ამიტომ ცხვებოდა მხოლოდ ცომი და ყველი, რომელიც ხაჭაპურს ჰგავდა," - ამბობს დალი ცაავა, რომელიც საქართველოს კულინარიის აკადემიაში ასწავლიდა.
ცაავამ, აქვე, აღნიშნა, რომ ხაჭაპური ნამდვილად არის მცხობელის "სარკე" და ზუსტად გვიჩვენებს, როგორ ხასიათზე იყო, როდესაც ხაჭაპურს აცხობდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
