დღე პირველი დღე უკანასკნელი - ფოტოამბავი თბილისის მერიიდან

დედაქალაქის ახლად არჩეული მერი კახა კალაძე მერის უფლებამოსილების შესრულებას დღეიდან შეუდგა. კახა კალაძე თბილისის მერიაში 08:30 საათზე მივიდა. მას ადგილზე უკვე ყოფილი მერი დავით ნარმანია დახვდა, რომელმაც კალაძეს მერიის შენობა დაათვალიერებინა და თანამშრომლები გააცნო. ახალ მერს დავით ნარმანიამ წარმატება უსურვა.

იხილეთ ვიდეო: კახა კალაძის პირველი სამუშაო დილა მერის თანამდებობაზე და ნარმანიას დახვედრა

რაც შეეხება დავით ნარმანიას სამომავლო საქმიანობას, დედაქალაქის ყოფილმა მერმა აღნიშნა, რომ ცოტას დაისვენებს და საზოგადოებისთვის შემდგომ გახდება ცნობილი, სად გააგრძელებს მუშაობას.