31
მაისიდღის ზოგადი ასტროლოგიური პროგნოზი
უკვე დიდი ხანია ცნობილია, რომ ადამიანის გონებისთვის და ჯანმრთელობისთვის მეორე ენის სწავლა ძალიან სასარგებლოა, აუმჯობესებს ტვინის მუშაობას და იცავს დემენციისგან.
ამჟამად კი ყველაზე პოპულარული ენა, როგორც ჩანს, ჩინურია - მსოფლიოს ყველაზე მდიდარი ადამიანების უმეტესობა საკუთარ შვილებს მცირე ასაკიდან სწორედ მანდარინს ასწავლის.
ჩინურად მსოფლიოში ყველაზე მეტი ადამიანი ლაპარაკობს (დაახლოებით 1.2 მილიარდი). ჩინურ ენას ორი ძირითადი დიალექტი აქვს - მანდარინი და კანტონეზური დიალექტი. მანდარინზე 1 მილიარდი ადამიანი საუბრობს.
გთავაზობთ რამდენიმე ცნობილ წყვილს, რომელთა გადაწყვეტილებით, შვილებითვის მეორე ენა ჩინურია.
ჯეფ და მაკენზი ბეზოსები
ამაზონის დამფუძნებელი ჯეფ ბეზოსი და მისი ყოფილი ცოლი მაკენზი მუდმივად ცდილობენ, რაც შეიძლება მეტი რამ ასწავლონ შვილებს.
”უამრავ რამეს ვასწავლით, მათ შორის კულინარიას, როგორ იჩეკებიან წიწილები ინკუბატორში, მანდარინზე საუბარს, სინგაპურის მათემატიკურ პროგრამას, ისინი დადიან ბევრ სპორტულ წრეზე მეზობელ ბავშვებთან ერთად,” - განაცხადა მაკენზიმ გამოცემასთან Vogue.
მარკ ცუკერბერგი და პრისცილა ჩანი
”ფეისბუქის” დამფუძნებელმა მანდარინის სწავლა რამდენიმე წლის წინ დაიწყო და უკვე იმდენად კარგად ფლობს, რომ შეძლო 30 წუთიანი კითხვა-პასუხის სესია ჩაეტარებინა ჩინურ ენაზე.
მისი ცოლი, პრისცილა ჩანი წარმოშობით ჩინელია, ის თავისუფლად საუბრობს კანტონეზურ დიალექტზე.
მანდარინი უკვე არ არის უცხო მათი შვილისთვის, მაქსისთვის. ცუკერბერგმა ”ფეისბუქზე” ატვირთა ვიდეო, სადაც მაქსი ჩინურად საუბრობს.
ივანკა ტრამპი და ჯარედ კუშნერი
ივანკა ტრამპსა და ჯარედ კუშნერს სამი შვილი ჰყავს, მათ მოსავლელად კი აიყვანეს მანდარინზე მოსაუბრე ძიძა, რათა ბავშვებს ჩინურის სწავლა გაადვილებოდათ.
უფროსმა ქალიშვილმა, 6 წლის არაბელამ ჩინური საუბრით უკვე მოხიბლა როგორც ჩინეთის პრეზიდენტი, ისე - სოცქსელების ჩინურენოვანი მომხმარებლები.
პრინცი უილიამი და ქეით მიდლტონი
უილიამსა და ქეითს ორი შვილი ჰყავთ და ქეითი კვლავ ორსულად არის. მათი უფროსი შვილი, პრინცი ჯორჯი ბეტერსის სკოლაში დადის, ლონდონში, სადაც მას მანდარინს ასწავლიან.
თუმცა, ჯორჯი არ არის ერთადერთი, ვინც სამეფო ოჯახში მანდარინზე ისაუბრებს - პრინცმა უილიამმა რამდენიმე წლის წინ ჩინეთს ახალი წელი მანდარინზე მიულოცა.
მომზადებულია independent.co.uk-ის მიხედვით
