მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ინგლისური რეპით - სწავლების უჩვეულო მეთოდი მასწავლებლისგან, რომელიც ქართველმა მსმენელმა ერთი სიმღერით შეიყვარა
08:11 / 08-11-2017
2Pac-ის კომპოზიციაზე 186-ე საჯარო სკოლის მოსწავლეებმა, 10 წუთში რამდენიმე არაწესიერი ზმნა და წარსული დრო ისწავლეს. ბავშვები უკვე მიჩვეულები არიან ამას, როცა მასწავლებელი რეპავს და ისინი იმეორებენ. ინგლისურის პედაგოგის, დარეჯან გურასაშვილის ერთ-ერთი ასეთი გაკვეთილი, ვიდეოს სახით ინტერნეტში მოხვდა და რამდენიმე საათში ინტერნეტჰიტად იქცა...
სწავლების ამ მეთოდს ქალბატონმა დარეჯანმა რამდენიმე წლის წინ მიაგნო და მიიჩნევს, რომ უცხო ენის მარტივად ათვისებაში პატარებს სერიოზულად ეხმარება.
"20 წელზე მეტია სკოლაში ვმუშაობ, ძალიან მიყვარს ჩემი საქმე და ვფიქრობ, ზუსტად აქ არის ჩემი ადგილი. მასწავლებელთა სასერთიფიკატო გამოცდების შედეგებით საუკეთესო ათეულში აღმოვჩნდი, ვიყავი მენტორი მასწავლებელი. განათლების სამინისტრომ და ამერიკის საელჩომ ამერიკის შეერთებულ შტატებში გამგზავნა, სადაც უდიდესი პედაგოგიური გამოცდილება მივიღე. მყავს საკმაოდ ბევრი წარმატებული მოსწავლე. ისინი ხშირად მონაწილეობენ სხვადასხვა ოლიმპიადაში და საპრიზო ადგილებს იკავებენ. ჩემი პედაგოგიური მოღვაწეობის მაძილზე უკვე 5 მოსწავლე იყო გაგზავნილი ამერიკის შეერთებულ შტატებში მომავალ ლიდერთა გაცვლითი პროგრამით (FLEX)," - გვიყვება დარეჯან გურასაშვილი, რომლის პროფესიული წესია, მუდმივად სიახლის ძიება და ამ სიახლეების პრაქტიკაში დანერგვა.
მას ყოველთვის უნდოდა, სწავლების პროცესი მოსწავლეებისათვის სასიამოვნო და სახალისო ყოფილიყო, რისთვისაც გამუდმებით ეძებდა გზებს.
- დიდი ყურადღება მიიქცია რეპერ თუფაქის მელოდიაზე ინგლისური ენის შესწავლის თქვენმა ახალმა მეთოდმა. საიდან მოვიდა ეს იდეა?
- სწავლების ეს მეთოდი საკმაოდ დიდი ხნის წინ შთამაგონა კაროლინ გრეჰემის წიგნმა "Jazz Chants", რომელმაც ჩემზე უდიდესი შთაბეჭდილება მოახდინა. ეს გახლავთ მეთოდი, რომელიც შეაძლებინებს ნებისმიერ მასწავლებელს, შეასწავლოს ინგლისური ენა მარტივად და სასიამოვნო გარემოში. მიმაჩნია, რომ მოსწავლისთვის ინგლისური ენის გრამატიკის მხოლოდ წესების დაზეპირებითა და სავარჯიშოების წერით შესწავლა მოსაწყენია, ხოლო ამ მეთოდის დახმარებით, კერძოდ, რითმისა და მელოდიის გამოყენებით, ბავშვი მექანიკურად ყველა გრამატიკულ და ლექსიკურ ერთეულს იმახსოვრებს და უცხო ენაზე საუბარს ბუნებრივად იწყებს.
გავიხსენებ ერთ შემთხვევას, როდესაც მეექვსე კლასში, გაკვეთილის დამთავრებამდე დარჩენილ რამდენიმე თავისუფალ წუთში, დაგეგმილი მქონდა მათთვის ზედსართავი სახელების ხარისხებზე ერთ-ერთი საკმაოდ მელოდიური სიმღერა მესწავლებინა. როდესაც სიმღერა მოვასმენინე, ვიგრძენი, რომ მან ბავშვებში დიდი ინტერესი არ გამოიწვია. რაღაც უნდა შემეცვალა, რომ მათი დაინტერესება გამომეწვია. სიმღერას მელოდია მოვხსენი. ტექსტი რეპის სტილში გავრითმე და ბავშვებს ამ სახით მივაწოდე. უცებ ვიგრძენი კლასი როგორ გახალისდა და გამოცოცხლდა და მეც უმოკლედ დროში მივიღე ჩემთვის სასურველი შედეგი.
რაც შეეხება თუფაქის თემას... რეპი ჩემი ერთ-ერთი საყვარელი მუსიკალური ჟანრია. მომწონს ზოგადად კარგად გარითმული ინგლისური. იმ ვიდეოში, რასაც თქვენ გულისმობთ, გამოყენებული იყო თუფაქის სიმღერის მხოლოდ ინსტრუმენტალი, რომელიც ამ ტექსტს ვფიქრობ, არაჩვეულებრივად მოუხდა".
პედაგოგის თქმით, ბავშვებში გაიზარდა მოტივაცია და სასწავლო პროცესში ჩართულობა, ყოველ გაკვეთილს დიდი ინტერესით ელოდებიან. მოსწავლეების მშობლები უყვებიან, თუ როგორ ღიღინებენ მათი შვილები სკოლაში ნასწავლ სიმღერებს შინ და საკუთარ პატარა და-ძმებსაც ასწავლიან.
დარეჯან გურასაშვილი 14 სახელმძღვანელოს ავტორია. ეს არის ოლიმპიადებისთვის მოსამზადებელი ტესტების კრებულები (მეხუთე კლასიდან მეთერთმეტე კლასის ჩათვლით), საგამოცდო ტესტების ნიმუშები აბიტურიენტებისთვის (დონეების მიხედვით). გამოშვებული აქვს ლექსიკის შემსწავლელი სახელმძღვანელოები (4 წიგნად), რომელიც დატვირთულია შემეცნებითი ტექსტებით, სავარჯიშოებით და აადვილებს უცხო სიტყვების შესწავლას. გამოცემული აქვს წერა-კითხვის შემსწავლელი სახელმძღვანელო (პირველ კლასელთათვის) და მისი ბოლო ნამუშევარი, რომელიც სექტემბერში გამოვიდა, საატესტატო ტესტების კრებულია.
"ყველა წიგნში ჩავდე ჩემი მრავალი წლის გამოცდილება. ამ წიგნებთან დაკავშირებით, საკუთარ "ფეისბუქგვერდზე" ბევრ დადებით გამოხმაურებას ვიღებ. კოლეგები ხშირად მწერენ, რომ მათ ჩემმა წიგნებმა საკმაოდ გაუადვილა მოსწავლეებთან მუშაობა, რაც, რა თქმა უნდა, ძალიან მახარებს და უდიდეს სტიმულს მაძლევს, რომ შევქმნა ახალი და ახალი," - გვეუბნება მასწავლებელი.
- მუსიკის თანხლებით, ენის შესწავლას იმით ვხსნი, რომ მუსიკოსიც ხართ... ყველას ახსოვს თქვენ მიერ შესრულებული სიმღერა - "დეკემბერი დეკემბერი"...
- დიახ ასეა, დამთავრებული მაქვს თბილისის მეორე სამუსიკო სასწავლებელი საფორტეპიანოს განხრით. რაც შეეხება სიმღერას, "დეკემბერი დეკემბერი," ეს ნამუშევარი საოცრად შეიყვარა საზოგადოებამ და დღემდე ყველა თაობისთვის საყვარელ სიმღერად ითვლება...
დარეჯან გურასაშვილი სიმღერას მხოლოდ ამ ფორმით არ უკავშირდება, მისი შვილია მომღერალი ანანო მჟავია:
"ანანოს საზოგადოება უკვე როგორც მომღერალს იცნობს. ჩვენ გვაქვს ერთობლივი სამომავლო გეგმები, რომელიც ინგლისური ენის სიმღერით შესწავლას უკავშირდება. ასევე მყავს ვაჟი - ლაშა მჟავია, პროფესიით ეკონომისტი, მაგრამ ისიც ასევე წარმატებით მუშაობს მუსიკალურ სფეროში, - ქმნის ელექტრონულ მუსიკას.
- როგორც გავიგე, თქვენი წარმატებული გაკვეთილების შემდეგ, წიგნის დაწერას კვლავ აპირებთ.
- ნამდვილად ასეა. ვაპირებ მუშაობის დაწყებას სახელმძღვანელოზე, რომელიც ძირითადად აგებული იქნება ინგლისური ენის სწავლების იმ მეთოდზე, რომელმაც ასეთი დიდი დაინტერესება გამოიწვია და რომლის მთავარი მესიჯი იქნება - "Let's make learning fun and enjoyable" (გავხადოთ სწავლა სახალისო და გასართობი).
ლალი ფაცია
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
