კოსტავას ქუჩაზე სავალუტო ჯიხურში ახალგაზრდა გოგონას ცხედარი იპოვეს

თბილისში, კოსტავას ქუჩაზე მდებარე სავალუტო ჯიხურში ახალგაზრდა გოგონას ცხედარი იპოვეს. შემთხვევა ცოტა ხნის წინ მოხდა. რამ გამოიწვია გოგონას გარდაცვალება ჯერჯერობით უცნობია.

როგორც Ambebi.ge-ს შინაგან საქმეთა სამინისტროში განუცხადეს, მომხდართან დაკავშირებით გამოძიება სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს. მათივე ინფორმაციით, გარეგნული დათვალიერებით ცხედარს ძალადობის კვალი არ აღნიშნება. როგორც უწყებაში ამბობენ, დანიშნულია ექსპერტიზა, რომელიც გარდაცვალების მიზეზს დაადგენს.